除咗睇學校課程內容、校園環境，或者入 Facebook 媽媽群做下功課，大家仲有冇參考其他方向？
最緊要睇下你想搵半日/全日/長全日?間間都唔同,全日你就要睇埋lunch食咩
我都係入媽媽群問多，直接問在校家長或者讀過嘅家長意見好似最真實
我記得我仔當年面試一間幼稚園，都算係地區受歡迎嗰啲（唔係頂級名校）。
點知去到學校，校舍又細又窄、啲燈光又暗，啲老師又黑口黑面，收都唔讀
（之後我教會有朋友由呢間學校轉走個女，詳情唔講）
後來老公表弟對仔女去咗讀，我真係想知點解，不過無問。咁每個人感受唔同嘅。
同意，或者可以睇下學校 Google 評價
但都唔好完全依賴，最好自己實地睇(例如開放日)
當時幫小朋友報幼稚園有入 FB Group 做研究 + 睇下學校FB帳號更新的內容，了解下學校日常係點。
同埋有再睇埋學校有無有拎過咩教育獎～有嘅就會加分。
有咩獎可以做參考
會啊一定會參加開放日去實地考察！
其實如果間學校係區內唔係差個堆,睇2點就可以
1.小朋友中唔中意
2. 近唔近, 車程遠就唔諗
學到野
當然都要睇！不過想再睇全面啲姐
會參加開放日進行實地考察
睇下係咪全日, 讀全日會舒服好多.
揀幼稚園除咗課程同環境，以下幾樣實際比簡介會更有用：
1. **接送動線**。同一個「15 分鐘車程」，返學高峰同非高峰可以差一倍。揀一日真實返學時間（8:15 左右）由屋企行一次，來回時間同塞車位就一目了然。
2. **師生比例同人手流動**。簡介會通常只講「一班幾多人」，唔會講助教有幾多、老師做幾耐。開放日直接問「上學年有幾多位老師離職」，答得坦白的學校通常管理較穩。
3. **洗手間同午睡安排**。呢兩樣最影響小朋友頭一個月適唔適應，簡介會唔會展示，但開放日可以要求睇。
4. **通告同家長溝通方式**。有啲學校仲係每星期派紙本通告，有啲用 App／群組。如果兩公婆都要返工，紙本通告好容易過期先見到，可以問清楚「回條幾時要交、漏交會唔會再提」。
5. **放學時的實際狀況**。放學時間去門口站十分鐘，睇下小朋友出嚟嘅表情同老師點交接，比任何宣傳片都真實。
另外一樣好少人提：問清楚「如果小朋友連續病假一星期，學校會唔會補返進度、定係當冇事發生」。呢條問題好快就分得出學校係教書定係託管。