你朋友冇同設計師傾電掣插蘇位？ 通常都會傾嗰喎
1個讚
係啦, 以我所知應該會傾,邊度做13A 邊度做20A, 做幾多個, 然後計全屋做幾多個插電位做幾多錢咁?
我都係上唔到網會死嘅人
當年（疫情前）親自Check光纖入屋位，要求師傅拉線去放Desktop嗰間房；每間房最少一個電掣，客廳同飯廳都係。
後來疫情一屋幾個device，換咗mesh wifi，客廳要加個satellite都有得插。
我就唔敢旨意designer了～
1個讚
經過幾個月, 有好多進展
我地揀定左裝修公司, 圖都畫得七七八八, 2星期後開始清拆
想聽下大家意見, 主人房嘅床, 大家會選擇自己出去買, 定還是裝修時順便做埋? 裝修做埋大約$15000, 自己出去買我見到有啲6-7000 都好似唔錯 (未計運費). 呢個項目會全爆
又過左一個月, 最近認真睇燈飾… 大家裝修會去邊度買燈飾? 旺角, 灣仔? 定沙田個大型傢俬廣場? 唔該
上海街好多
1個讚
旺角 平過 灣仔，
旺角道近砵蘭街、上海街一帶好多燈飾店。
近幾年流行無主燈飾，用幾個燈筒代替
1個讚
Thank you!
重新簡單裝修二百幾呎細單位(包括廚房浴室)大概要幾多錢?
我今次嘅經驗+綜合同朋友傾, 比較企理嘅裝修, 你預樓價1/10 左右
近排換咗個幾個 vB水龍頭，因為牌子而買。真心覺得hansgrohe 好啲
2個讚
我個裝修師傅話，買Hansgrohe，貴買平用
1個讚
如果要買新抽油煙機，唔建議買強化玻璃面，因為見過幾單煮煮吓食爆玻璃，台灣，香港，大陸都有出過意外。
我嗰時係揀返不銹鋼款，比較耐用。
1個讚
水龍頭我喜歡Hansgrohe部分較精心產品線的設計和手感, shower set我就喜歡Hansa
2個讚
Grohe 電鍍面好過hansgrohe，閃D D
Grohe 係貴過hansgrohe 架。呢兩間公司嘅創辦人好似係同一家人，但最終就變咗兩間獨立嘅公司，但個名真係好相似
我唔知佢哋開始係同一家人，
廁所grohe ／廚房hansgrohe，
品質兩者都接近
所謂術有專攻，V&b 出品係陶瓷上面，你去買佢D龍頭。。。
@unclassified hello 想請教你洗手間座廁有無咩牌子介紹? 需要比較細啲, 最好掛牆簡約簡潔啲
廁所好睇個人，因為坐廁高度/寬度直接影響你坐得舒唔舒服。大牌子用防污陶瓷果D型號，其實都係差唔多。另外，形狀尖D弧D 既坐廁係好坐過方形既，你試坐耐D 就知。
掛牆就 德國geberit，但你要考慮清楚掛牆廁所水箱內部D零件唔同普通坐廁，外國原廠喉件好多都係銅製，你要改用淡水沖廁。