買包包, 靚車, 靚屋etc…但其實目的都係炫富
所以好多人移咗民
身邊可以比較嘅人少咗
可以炫富嘅人少咗
就會大大減少物慾
2個讚
如果唔止炫富物慾，有錢就可以成就好多事；不過喺有限制下追求理想同目標一樣有意義同開心
特別係啲錢自己搵同目標係自己定嘅，不為任何其他人
香港人競爭大，著上身冇咩行頭好似出唔到街咁，不過啲錢係自己努力搵嘅，買自己鍾意嘅嘢都無可厚非，同埋要量力而為。
我又覺得兩件事唔抵觸，理想係長遠既，不過好現實好多嘢冇錢根本就做唔到
1個讚
我女話大個要做M記 
我話好呀,我細個都做過,M記都有唔少高層位架 
1個讚
無錢連生活都成問題 
我覺得想搵一個數既錢都可以係某D人既理想
都認同嘅，理想某程度都係由金錢堆砌而成。
即係理想始終都係要同金錢掛勾，冇錢之前嘅理想就係要努力讀書或者點樣搵到錢之後先可以講理想。
題外話…我記得我個小學同學佢同我講過，佢呀媽生前搵埋搵埋唔少錢，97年可以夠錢移民加拿大，香港每月被動收入10萬，本身佢哋屋企環境本身麻麻，之後就好努力搵錢，但某日得知自己搵cancer，佢同個仔講話自己搵咗咁多錢但都冇好好享受過就要走，好唔甘心…
1個讚
做人最緊要有判別同遵從是非嘅能力
之後，就可以隨良心而行
做自己鐘意想做嘅
揀自己方式生存生活
睇吓隔嚟亡國
日日為咗錢想要維穩
參加維穩隊伍做共9
講埋啲無良心嘅説話
做埋啲無恥嘢殘暴嘢
仲以為自己好光榮
做人做到咁
有乜「理想」都無用
做一個有良心嘅平凡人
對得住天地
2個讚
所以現在年輕人都爭取work life balance.
錢真係點為之夠 
1個讚
其實唔會夠，搵錢令自己生活好啲之餘，亦都係想儲俾吓一代，等佢哋大個咗生活可以輕鬆啲。
但要記得搵錢搵理想之餘，要好好對自己同身邊嘅同伴，因為生命可以隨時到盡頭。
香港地，讀書就有框框，出嚟做嘢淨係諗住搵到錢生活，好多人包括我自己，都唔知咩係理想。
同感，尤其人到中年，發覺好多嘢唔係必然。好老土，健康、開心最緊要。同埋我想教識佢哋懂得感恩、珍惜所擁有嘅嘢。
2個讚
所以而家D人唔生BB,錢夠自己駛就得
其實都要，我自己為例：以前喺香港唔係唔想，但真係冇空間
都唔係咩老土，生命無常，事實係如果冇健康，之後嘅嘢咩都唔使講。
好多嘢都要自己經歷過先會體驗到，我哋只可以盡量教。
1個讚
後生重物質，而家中年就覺得健康呀，精神生活重要啲
依家係要多啲家庭生活啦，之前後生啲要買呢樣果樣，咩心頭好啲會買吓嚟儲，但隨年月摧殘
，依家物慾唔係冇嘅，但係少咗囉，或者係使多咗喺小朋友度。
咁如果本身屋企細個窮, 可能銀行戶口有大量金錢都係一種安全感/ 理想生活黎
2個讚