幼稚園就話啫，中學點得啊？
我仔讀小學，今個禮拜有校外比賽，要去港島，佢學校喺新界，我都冇諗住返去上堂啦
但佢升上中學我就會叫佢返去，因為中學有功課，唔返就唔識做。
雖然網上有自學平台啫，學校比嘅功課唔使上堂聽書都識做嘅咩？
返學學人際，學群體，咁個呀媽覺得呢方面需要追嗎？定係交到成績就唔使people skills?
去黃金買game都叫出下街，呢家唔使出街就買到game, 可以完全同真實生活脫節，完全沉醉係網絡世界入面，變成一個避難場所。
其實點解上網成癮，就係現實生活有壓力，唔開心，滿足唔到，想搵野麻醉，逃避。如果家長唔留意，由得佢，就變隱青。
2個讚
1）em…其實上面都跟得緊既，7日唔返學就會有人打去學校問，咁學校社工會跟進。識玩的話可以自己計下幾時返學一次。家長寫信都係方法，起碼唔駛煩先
2）出動社工都係勸架咋，唔會迫學生返學，或者係…其實都迫唔到，迫佢返有咩事咪仲大鑊
3）宜家足不出戶都有大把野玩，同以前無得比…唔會係屋企無野做不如返學
4）宜家啲學生比以前mean得多，如果比人bully真係勁唔想返
5）小朋友係一個獨立個體，唔係你（家長）想佢點就點…默書測驗死都唔溫書，勸又勸過，迫又迫過，鬧又鬧過，佢係都唔郁你都係無計。返學都係一樣…
2個讚
古代未有 3c 嘅時候，d 二世祖都係呢埋屋企食大煙，燃雀。
最重要係屋企有得瞓有得食，父母又唔敢鬧
睇完既感覺係，養左d咩怪物出黎？
古有撚雀，現有電競，都係沉迷到極致後可以光宗耀祖
社會改變，科學進步係一件事
家庭教育都好重要，根本而家 d 家長都變左
我細個都比人 bully 過幾年，有得揀我都唔返。
以為小學畢業冇事，中學又一齊
但邊敢同阿媽講比人恰所以唔返學？唯有坐前 d, 小息去揾老師玩同傾計。成績好 d, 老師自然會幫你
如果已經十六七歲，唔返學就出去做野。唔想做嘢就返去學校坐係到。
由佢係房打機，去雪櫃拎野食？咁冇得怪個細路了
2個讚
聽過留家中好過個仔出街學壞、但佢阿媽只係普通打工仔點養過世
我都係咁講㖭、唔駛你養但唔好旨意我
我唔會咁講，我要保留追究嘅權利，佢比我一定要，最好有得比 
咁即係家長keep打返學校請假
其實學校就唔會有咩跟進？
咁如果家長主動同學校求助話小朋友唔返學
咁學校除咗揾社工同佢傾？係唔係冇乜實際嘢可以做
所謂社工跟進好多時人手唔夠係開個file先，跟住咩行動就另話，所以有file就唔會被界定位紀律問題
我又覺同家境冇關. 以前年代名校好多學生家境好好, 都唔會旨意屋企養. 知道屋企幫到自己係另一件事, 但自己一樣好努力.
主因應該係手機social media and games影響太大, 而家手機入面網上先係多社交同’what’s happening’的地方.
1個讚
我有諗過會唔會所有嘢已經「擺曬喺面前」反而冇咗需要「爭取」嘅過程，而變得「冇癮」
好似以前我想睇某套日劇，要走出去旺角揾，買到真係等一日放假買定喺薯片喺屋企慢慢睇，但呢傢好多我鍾意睇嘅嘢放咗喺Netflix 同D+, 反而想睇嘅慾望冇咁大
因為個世界前進緊，兩三年已經可以好唔同，又其實日日大部分時間坐定定喺課室其實係咪已經不合時宜，所以先咁多小朋友唔返學
……講到一舊舊tim
5個讚
我細個有段時間都係咁,但我返學係好開心好多朋友,又無咩讀書壓力,真係無啦啦懶筋起,唔想早起身返學,所以成日請半日朝早假 
學校都唔想理咁多掛,教育局其實返學標準好低,唔過學校唔駛通報…
我當年都成日唔返學…
2個讚
係呀無得記過架~唔返學有請假就得
1個讚
同大人間唔中SL一樣
真係有班人自修仲高分過返學~
我知有人特登考試之前請假溫書
2個讚