店主陰濕囉 
不過我都散左好多貨啦,所以唔會再租~ 有D公仔同figures 我直接賣俾夾公仔台主,或者放上網賣,唔駛俾租 
1個讚
有1期我都有攪網店，係慳咗啲租，但又多咗好多嘢煩，入貨、理貨、影相、上架、交收… 小生意仲要只係副業，1個人做唔晒咁多嘢，最後都係實體銷售最方便
我覺得個爪唔好俾人覺得搵笨，就算夾唔到都會試多幾次。
搵笨個啲例如 個夾去到頂chok到一嘢fing咗去大西洋，個夾幾日無食飯咁…真心$5我一定離場。
有同感，由我老公把口講番我知，大大隻比卡超俾我小朋友一嘢夾中。
1個讚
我無特別入貨啦,有咩賣咩,我都未影曬貨相,而家都唔當係咩副業,純粹清屋 
一個月賣到一千都好好啦~
個夾無力真係好討厭,呃人 
有時咁岩中保夾,有時係公仔卡爪直接拖到出口~
你小朋友一定好開心~~
想像到嗰下跳起嘅感覺
1個讚
因為我係不在埸，我完全唔相信。
我小朋友當然好開心，隻公仔好似放係屋企兩三年最後都掉咗。
1個讚
前排經過冒險XX，有一台機係角落生物，應該係新出？每一隻都著住閃閃地滑面嘅披，真心幾吸引。台機隻爪係無力，但因為公仔吸引，明知夾唔到都夾咗3-4次。如果公仔唔吸引，夾一次就走。
呢到好多都話冒險ＸＸ職員態度唔好，我去個間又無呢樣，有個女職員仲好好，有台機夾到隻公仔但卡住唔掉，我同個職員講佢當我夾中俾我去換禮物。
冒險ＸＸ職員真係大部分都態度唔好架,後生職員有時幾好人,過無耐就會唔見左,佢公司文化係好衰,好人做唔長,埋到老patpat堆果班西人先做得耐,佢地同班"熟客"好明顯有利益,佢既文化好似d酒樓過節要幫手買卷下次就唔駛等位咁,我真係頂佢地唔順 
佢最貴,$10-$15鋪,唔抵