好同意，有乜開心得過做一行自己鍾意，而唔係靠父母鋪路
所以父母識諗，肯放手最重要
最怕係又要仔女happy又要佢入勁嘅大學，我外行人，但我觀察係冇咁嘅事
1個讚
谷咗又點? 又唔覺某人成就好勁
唔谷又點? 主動學習嘅自然有成就
好多時都係家長care姐, 好多家長好鬼白鴿眼.
好似樓上例子, 由師傅仔升到老闆, 大把人事同財務管理要學, 唔會好似工務員咁係唔係都做下跳point做下跳point.
2個讚
1)勁谷死谷入勁U同2)唔谷入唔到U, 中間仲有好多options架
係香港先咁非黑即白
3個讚
唔同嘅叻法，但師傅仔到老闆一定係好㩒撈好硬淨嘅人
不過香港個經濟結構係咁，冇乜選擇，摧毀夢想
香港成日講大學畢業只係入場卷、但其實世界好大、死谷爛谷左轉右轉都讀唔上倒不如轉換跑道、見親戚仔果陣未讀完都成身債、好奇怪越係學歷低既父母越要谷仔女、話唔想佢哋咁辛苦
2個讚
d人 (家長) 認為係香港做裝修水喉電辛苦冇前途
但一去英國做裝修水喉電又突然變得好有錢途咁
因為香港普遍會用學歷職業去衡量人嘅身份高低
英國除了唔會咁睇人之外，做裝修水喉電呢類工種，可以接job收cash避稅，真正收入絕對有可能高過專業人士
講緊香港人，係香港人係兩地分別有唔同眼光
呢樣唔會鼓勵, 希望新香港人唔好有樣學樣，為左揾多 d 錢咁做
有本地人就算整窗，整水喉，都會出返 invoice。盡量揾返個 d.
係英國，如果做正行，正途交稅。一般情況下，專業定非專業都唔會揾得特別多。違法同犯法揾錢行為就唔會討論。個 d 冇得好討論
揾幾多同做乜都好，應該冇香港人想細路第時大左違法揾錢掛
我都唔認同咁做㗎，local同事話不少人好識點做交少啲稅
香港人如果有樣學樣，隨時連藉都入唔到，唔好學呀
應該因爲係自僱人士，所以佢報稅可以有好多走棧位避稅同埋報開銷。
1個讚
就算入左藉都唔好做啦
不過都聽唔少香港人咁做，有 d 連賣野食唔收現金
聽返嚟㗎咋⋯⋯有香港人為避稅將香港小生意嘅收入，搵熟人或自己帶cash嚟英國，啲錢唔入銀行避稅
呢啲人不如唔好移民嚟英國啦
我始終相信貪字得個貧、香港地都見過上報、老人家轉錢俾後生想呃政府屋/錢、最後咪自己都俾仔女呃埋、呢啲咪家教囉
就算父母做藍領搵到錢、普遍都唔想仔女跟入行
我覺得你避完都要諗下點解釋冇收入但喺英國住到幾年囉，一係就一份收入避，一份唔避？靠儲蓄？
我唔太明
我呢邊係萬稅之國，真係好多華人打現金工，然後報冇收入，又或者房東收現金租金，唔報收入。稅局真係冇咁多人手check普通人
1個讚
如果銀行收息、投資收入proof到夠維持一家生活開支，稅局都耐佢唔何嘅，BNO入藉條件冇要求要有工作
我同意樓上講，呢啲都係家教會影響仔女價值觀
種乜因得乜果
1個讚
呢到讀唔到可以讀二三線大學或college，又唔洗一下子諗藍領嘅
我公司（文職）都唔少二三線大學嘅，仲上位得幾快。
加拿大真係好攞命