我都有留意到，
仲以為係我去咗小鎮咁好彩添，
MIJ $6港幣真係抵到爛。
Daiso 真係窮人恩物，
尤其園藝、車、廚房產品。
1個讚
本身都慣咗長假留喺香港嘅
但果三年疫情搞出嚟嘅政策，話我唔打針唔可以入商場唔可以入食肆，咁我咪唔入囉～
咁就戒咗行商場/坐低食飯嘅習慣～
取而代之就係網購同自己煮架啦～
遲下垃圾徵費，可能會再買少啲外賣添
咁習慣咗又冇咩嘢喎，政府求仁得仁啦～
我又順便留多個錢俾自己
5個讚
我呢幾日一家大細過日本玩，就算去USJ好多人，但你聽到大部分係日本人，地方乾淨，冇人插隊，排長龍都乖乖等。我同小朋友講，唔駛再去迪迪尼同海洋公園，貼錢買難受。儲錢過日本好過。
我都心思思想有個long weekend ，自己快閃去日本，通宵機去，晚機返，正
4個讚
政府之前咪吹捧一小時生活圈，而家咪求仁得仁，係由治入興既好處
8個讚
真係好好笑，同當年叫人唔鐘意咪走囉一樣，到班最有能力嘅走哂又要搶人才，又唔肯承認d 人走。
5個讚
我都係, 我以前都係一年飛一次, 最多兩次, 肺炎之後到宜家都無飛過。
同感, 出境搭飛機過關度度都打晒蛇餅, 去到又想用盡響當地既時間去唔同地方打卡買野食野, 最後又要買到一大筴野, 自己托番香港, 甚至落機第二日已經要番工, 其實都好忙好攰。
(當然我明白一家大細既話, 要遷就學校假期, 要旅行就一定要長假)
我明白香港係好壓迫, 但呢幾年學樓上話齋, 都慣左唔行商場, 買外賣, 響屋企得閒咪自己煮下野食, 或者上下網睇下電視歎下外賣, 我都覺得我OK, 而且真係慳唔少錢。
任總講得岩, 係要學識點樣"hea"
3個讚
記得果陣時商界係咁叫政府快d 開關, 宜家咪開番關, 又一個求仁得仁了
1個讚
而家d人真係用一小時返大陸消費 
1個讚
d商家諗住開關就發達,點知…
4個讚
你點迫，人哋都自然有求生之道
1個讚
諗起尋日同朋友去大角咀某cafe
間店限時個半鐘
到我哋坐咗一個鐘零三個字左右, 倒米侍應放張單喺枱面, 以半命令嘅語氣同我哋講"你哋只可以坐個半鐘"
環顧四周, 出面唔只冇人排隊, 全場只得兩枱客, 另一枱係剛入去未嗌野食嘅
完全感受到咩叫做貼錢買難受 
8個讚
搞咩呀咁趕客。。。
多幾個人坐旺個場都好呀。
呢個係咪新常態？
早幾個月遇到
- 小店/酒店食飯一夠60分鐘就問有冇嘢想加單、90分鐘一定要走（咁訂位時都講明90分鐘用餐時間，但見唔到之後有人等/餐廳有吉枱）
- 可以坐耐啲嘅連鎖中高價餐廳就2100埋數，2130閂門。。。
然後有啲朋友索性話下次買外賣去佢哋屋企食，可以傾耐啲。
4個讚
本來諗住如果比我哋坐耐d
之後都叫下甜品咁
不過見到佢咁趕都唔好意思阻住佢lu
係咪d侍應唔想我哋阻住佢哋抖下?
唔怪得香港人唔願意留港消費
1個讚
有d侍應同冒險職員成日黑面趕客,明明佢地有糧出,而家客人都比以前少,佢地態度仲係衰到爆
係咪而家飲食業, 零售業缺人
佢哋唔憂搵唔到野做?
可能佢哋覺得最好少d客, 唔使咁多野做掛
3個讚
上得去玩嗰啲都係慣左用少少錢做大爺嘅感覺，要服務好又要俾錢少。
習慣到在英國生活嘅人，多數本身都 enjoy 簡單生活，行山野餐，大時大節都係自己煮。
我諗起早排自己一人喺銅鑼灣食台式火鍋，每人點一個鍋，但出面係有好少量嘅菜俾大家任夾。真係只得少少菜、粟米同菇類。
平日夜晚，間店都仲有一半吉位，門口就梗係無人排隊，都係話個半鐘時間。
我隔離枱嗰4人早過我入座的。隔咗一陣，個Staff拎張單埋去，話仲有15分鐘夠鐘。
再過多一陣，個Staff態度我真心覺得衰的，佢直頭話「你哋得番5分鐘咋喎，個甜品好食喇喎，夠鐘㗎喇」
我真係聽到呆咗
5個讚
痴線, 宜家考試咩? “You have 5 minutes left” 呀?
6個讚
真心連出去食野都好大壓力
有間任食喺落單pad仲要有個倒數器話你聽可以坐幾耐
4個讚