係呀！
土耳其真係帶埋杯麵好啲，
頂唔順啲羊油嘅「穌」味。
白湯加薄荷都真係第一次聽
土耳其應該可以食佢果啲轉轉下既烤肉喎？
帶埋好啲，
最好帶埋餅乾。
冇計喇，老人家自由行冇安全感，又唔行得多，旅行團一了百了。
唯有等 friend 組團「後生玩」再去盡情享受
1個讚
當年阿仔5歲去泰國，真係帶埋幾隻烚雞蛋出去，佢唔食辣，
隨時可能 烚蛋+白飯 當一餐。
可以嘅，但唔係個個頂得順啲羊騷味，同埋都冇可能日日食 kebap。同埋好似話係土耳其跟團就肯定唔好食。
唔知點解我反而啱「中東味」，ayran（鹹酸奶），羊肉餃。有次家人見我飲得咁開心，飲一啖之後問我係咪黐線，潲水一樣。
去瑞士山峰都賣緊辛辣麵
咁不如自己帶仲好
有陣時d野真係唔岩食就唔岩食
帶定都無咩問題
2個讚
外國人去旅行都帶定麵包
香港人係歐洲自駕遊都帶埋廚具煲個d。其實帶杯麵容易過帶煲
人人口味唔同既
問題係大人大姐帶得幾多餐
我都見過杜拜都有康師傅賣
唔通自己拎個杯麵出嚟沖熱水？
個麵包響自己本國帶去嗎？
唔知呀。冇一齊出門口
係飛機上見到啫，飛機其實都有飛機餐啦
如果佢當時食又唔同
如果要好似考科舉咁帶定一星期饅頭出門又另計
當年第一次去旅行，跟團都有人（美國華橋）帶電飯煲係房入面煮嘢食。
而家多左自駕遊，都興
上次睇蔡嘉欣去日本滑雪，佢地一班人都帶煲廚具。幾好玩，但勁多嘢帶
自煮試當地食材係正嘅
香港人好少帶杯麵，通常帶咗比朋友知一定被人笑
咁咪唔知我有幾潮
1個讚
我平時都會食羊
但個個講到咁蘇，想請問係咪真係寧舍蘇？
廿幾年前初初去歐洲旅行會帶，年輕時窮 而家吾會啦