明白你經歷了好多，而家先叫停你會好難受
但係，千萬唔好輕易生…要預咗而家先只係個開始
6個讚
佢本身既價值觀, 係咪都已經係寬待自己, 嚴苛別人?
使錢使響自己身上乜都得, 但係使響老婆就會覺得俾五萬蚊做ivf 好偉大?
同感, BB 出去睇醫生呀, 一次都幾百蚊啦, BB 好易突然咳呀發燒咁架, 第時佢係咪又話去完日本呀買完車呀無錢俾佢睇醫生?
支持, 仲有呀樓主, 台灣d 醫生好進取, 鍾意一次擺兩個胎去增加成功率, 你千祈唔好試, 萬一咁好彩, 擺兩個兩個都bingo, 到時你又要靠自己一個新手媽媽打兩個, 更加辛苦
2個讚
男人都要係要洗洗腦先，得閒借啲2講吓，
灌輸一啲正確嘅思維先。
男人想像力比較弱…
講真 一個一個放最好
1個讚
係呀，都唔好話睇兒科成千蚊起
仲千奇唔好有麻煩野要睇皮膚科、耳鼻喉科、發燒病毒感染肺炎住院，好可惜宜家年代係好常見
樓主老公會全數俾錢買車，斷估都一定接受不到醫生睇公家
仲有好多興趣班
樓主老公知唔知養小朋友幾大開支㗎？定係唔知就順口開河乜都話得
3個讚
樓主，恕我直言
睇咗你咁大段文字（飛住睇，太長），加上你已經36歲，仲要身體底子唔好，又試過流產。我唔會再去試生小朋友
- 你年紀唔細, 生完出嚟你應唔應付到湊b (身心，時間幾方面）
- 我覺得你老公唔似係想生，只係你想生，所以佢就係咁易配合你，所以唔係「全力支持」
- 養小朋友都有唔少洗費，有機會冇咁多spare money去旅行，你同你老公ok 嗎？
8個讚
係 尤其睇中環d兒科
之前囡囡濕疹 睇兩三次已經成萬…
呢d開支只係冰山一角 仲有遲下讀書呢
真係要有足夠彈藥去應付突發事件
2個讚
睇完個post, 我又覺得成件事似係你想生既心>>>>>你老公，係咩驅使你突然改變主意想生b？如果係我，36歲，流產過，要做ivf 對身體唔好，老公又好似唔嗲唔吊，生左睇怕都唔會係神隊友，我應該唔會再考慮生。
7個讚
除咗睇醫生…
我小朋友細我出去做感統訓練
都成千蚊一堂
除非好似張氏夫婦果啲諗住小朋友生咗就識得大
中學前已經可以有好多好多預計唔到嘅支出
最驚係、辛苦生完男人乜都唔理，辛苦果個就係女人
一句話自己冇晒錢可能係咁易比少少（呢刻已經話自己冇晒錢）
到時你哋面對嘅問題唔係撒嬌就可以解決
小朋友讀有冇計劃？如果男人話冇錢，都係諗住讀本地傳統學校嘅話，你哋有精力去陪小朋友應付學業嗎？就算唔駛溫陪溫、出去學野接送都辛苦
講乜無用，事情發生另一回事。
呢一分一秒佢仲想要小朋友？
放棄⋯⋯
1個讚
老老實實, 我覺得呢d係死症, 即如我老豆, 細時買顏色筆只俾10元, 中學訂午飯每月要寫支票, 問佢寫支票俾我感覺好似乞錢咁,因我媽果時無支票戶口, 自此我養成唔食午飯, 放學先食, 有次屋企要滅蟲, 我上網幫搵資料, 佢好豪氣咁話俾3百你搵人搞掂, 3百滅條毛咩, 於是我話唔滅, 資料都當無搵過, 最後我媽搵人搞…就算佢願意俾錢你, 佢心底都係認為得佢在付出, 嘈親就會話咩佢日日返工…但我媽都是有返工的, 但佢俾人感覺就係得佢有返工…
我希望你小朋友成長唔需要經歷呢種好似乞錢的感受
8個讚
佢自己去？同你去？
如果自己去或同朋友去，直覺話俾我聽佢有可能偷食。
係喎, 有d 男人好似覺得
我搵錢多過你呀 → 我對呢頭家貢獻多過你
老婆做FTM → 係我抵諗出去賺錢養你地
要我請假去帶BB 睇醫生/ 去學校家長日 → 呢d 野老婆做咪得, 知唔知我番少一日工搵少幾多錢架?
咩都覺得自己搵多兩個錢都好巴閉喇, 就算兩個都有做野, 自己人工高d = 自己d AL 矜貴過晒其他人/ 自己份工一定辛苦過人地
6個讚
其實呢度間唔中都有人出post
話生小朋友後先發覺個老公乜都唔理
有啲睇完內容直頭覺得個男人係有亞氏保加症咁… …
8個讚
聽太多呢D故仔，所以已經有認真同佢傾呢個問題
想大家有共識先去做呢件事，當時佢實牙實齒話自己一定唔會咁
但我而家都係唔覺得佢真係明…
會再認真同佢傾… 尋日先剛從台灣返嚟，已經即刻搞到失眠… 今日全日都冇胃口食嘢，明明取完卵要好好休養，明明以為下個月可以最後衝刺，但而家都唔知衝唔衝好…
好似都仲係一個大細路咁
下「爬」輕輕就話「生啦」
有咩重要事個陣就冇影
4個讚
既然抽咗卵，唔爭在等到all ready先放
如果係我，我會放低執著，放胎放多一次，或者努力多一段時間自然懷孕都唔成功，就算了
一個小朋友既來臨，最好既狀態真係兩夫妻都要好願意付出，同體諒對方
育兒之路真係超級無敵辛苦，如果你對教養有少少要求，會係更加辛苦！
我生左兩個，陀細B時不幸患上產前抑鬱，產後好順利成章變產後抑鬱，一路都係靠老公幫我包底。而家BB 四個月，係老公幫助下先慢慢走出抑鬱
我直覺你老公唔係好想生小朋友，因為如果想生，好多問題佢會解決，唔需要你幫埋佢諗
建議認真再考慮下，育兒之路真係十分唔簡單
6個讚