講真, 我覺得就係呢d 一窩蜂要去食既心態, 搞到d 食肆一係變到覺得自己出左名就唔憂做, 一係就搞到做唔切/ keep 唔到質素
仲有, 有無留意近年多左一班人自稱"foodie", 個個開晒IG 晒自己食乜好西, 同埋openrice 度寫食評時不忘寫低自己IG。
好聽就係"歡迎試食邀約", 實際就係, 想多d 人follow IG → IG follower人數多就有bargaining power → 想收錢做餐廳打手。
(個人意見: 好多年前已覺得openrice 餐廳評分唔太可信)
foodie 文化只著重影相靚, 拍片有gimmick, 實際d 食物係咪真係好食, 成個顧客體驗係點, 就真係當事人先知
x2
仲記得果陣誇張到, 話d 人為左唔想排咁耐隊, 專登趁八號風球時走去食, 仲覺得自己好醒, 善用風假。 
網上有個名叫food beggar, 用嚟形容呢班人
連登仔話呢班人用IG收保護費
我唔會信foodie嘅食評
只係當發掘下有咩我唔識嘅良心店
而且好憎佢哋d片要係咁將d野食搖嚟搖去賴得意，睇到覺得好煩，即skip
呢個形容真係好好, 等同當年既"beauty beggar" 
恃住自己有一班讀者, 就想呃飲呃食
見過有自稱"foodie" 既香港IG user
為左儲IG follower, 去各大論壇貼食譜, 標題係叫人follow 佢IG, 貼到去台灣d 論壇添 (但內文係廣東話寫), 認真係"行乞"到無所不用其極。
我都覺睇到頭暈
大家有冇啲真係識食野嘅IG推介
唔好講過江龍
就算Ho Lam 我都覺得冇一開頭咁好食
當然比好多連鎖都係水準以上
Fans唔好打我
少少離題: 最近youtuber “有啖好食” 同 “馬田” 食文苑單野, 真係一地花生。
兩個都聲稱自費食飯, 感覺網民傾向相信馬田今次係真食評, 有啖好食係收左錢而唱好。但個人認為, 呢兩條友都似係平時有收開錢, 幫其他客戶宣傳。
我既非主流意見: 今次單野, 邊個係真自費, 邊個係假先費, 都唔重要, 我兩個都唔信, 我只係信果間餐廳都唔方好野, 唔會去食。 
我冇睇段片，不過啲人信馬田係唔係覺得佢唔憂做所以唔會收錢唱好
見佢之前出片介紹將軍澳果幾間酒樓……如果唔係收錢佢真係幾勤力
因為佢影到間食肆有人講唔俾拍片定唔俾影相, 同埋店員態度唔好
(我都無睇條片, 上文下理都係睇連登得知, 有錯請指正)
尤其係間舖要執笠時
記得當年彭定康推介的中環蛋撻店執笠，我排隊去買，結果佢重開。後來連屋企樓下都有分店，但多烏蠅到唔敢幫趁，呢刻先有人提我這段往事
該主題在最後一個回覆創建後180天后自動關閉。不再允許新的回覆。