agree 唔明點解有朋友要影3次
我係旅行結婚當日順便影埋，淨係著婚紗影冇換衫，仲要影到未夠鐘我已經話影夠唔想再影，個攝影師仲好想幫我哋影，一路行返酒店一路跟著影，攪咗一個上晝已經好攰
Again 唔明點解個朋友可以影3次都唔厭
搭上搭的朋友, 影左9次 
我地都係唐裝 & 結婚婚紗 結婚當日影咋
2個讚
呢個1000%同意!!! 完全唔覺得佢靚! 就算佢後生都唔靚
林青霞後生時係靚既, 但我覺得張柏芝靚過佢。d 人成日話林青霞保養得好, sorry 我只覺得佢個樣40歲時已經係師奶樣。只可以講係一個談吐舉止比較有氣質, 而保養得相對好d 既大媽。
其實一檯野食度點都有野食唔辣啦, 自己執生啦?
定係佢想暗示唔想出席你地d 聚會咋? 
我上網睇過大陸有啲人生兩個，真係一個跟父姓，一個跟母姓。
佢哋有時當結婚係一場生意，反而好鬼清醒。
聽過雖然男家係要俾好多禮金，但女家一樣會出返相同錢買車裝修，個啲錢用返係新既家庭。不過呢啲多數係有錢大城市做法，唔係農村。
其實我覺得呢一代好多人輯pre-wedding 係影俾人地睇多d
eg 擺酒當晚整個slide show 係咁播, 或者成輯up 上fb 度, 用黎曬幸福。
見過有d 人直情夾一張婚紗相去請帖度, 我心諗我keep 你張婚照做乜?
我成日覺得, 唔係影得愈多婚紗相就愈幸福既
我諗起…… 台灣有個知名既美妝時裝blogger 叫做"花猴", 好多年前, 佢話果陣同老公結婚七年定幾多年, 所以去韓國影多輯婚紗相留念, 好似好恩愛, 點知上年定前年就話離婚喇。
好誇張…… 好有錢架?! 同一pair 影九次?
1個讚
我媽都成日覺得我無心戀戰。
我媽成日話佢以前都做到中層，但因為細個無學歷所以再升有瓶頸，唔明我讀得多過佢點解唔拼搏下事業。
咁有趣，我識人唔食辣，落多少少白胡椒都話辣到食唔到。
係有少少老土同思相保守，睇個樣係擔屎都唔偷食個款。
不過唔食辣對味蕾係好。
我覺得chanel唔值佢個價錢但H值我既非主流意見
同意，買fine jewellery
我覺得有啲人上鏡靚影多幾次都情有可原。
我上鏡麻麻，影過一次覺得好攰，不過我覺得影下無壞，起碼影左就知車～咪都係咁，但無影過可能會囉囉攣。
唔知係我對住其他人唔自然定我搵啲攝影師唔得，我啊爸幫我影相我覺得係ok但反而攝影師影得唔好睇。有時見啲kol去外地影結婚相都會想影下，但諗諗吓效果未必一樣就唔想搞。
1個讚
我覺得有啲人係享受有人服侍周到果種感覺
我想回應既有d離題，不喜勿插
去到你有事業d又要你拍下拖，你答依家事業駁煞緊無心力去經營愛情又會話女人最緊要嫁得好，搵個錫自己既老公，到嫁左又話要生小朋友組織家庭。
家陣我個人生係為我自己定為左你既意願呢下。
依家老公無乜野，大家平起平坐有共識唔生下一代，事業家庭取個平衡兩個互相補位。
我都知辣係痛覺，依家老公話我已經死晒神經
上唔上鏡都係靠化妝+打燈+最重要既photoshop
自己唔會影，見到d人夜晚影電車覺得好搞笑
播slide show都仲ok，去到佢新居成本搬出黎俾我睇做乜鬼，明明依家個樣同pre-wedding個樣係兩回事，做乜拎出黎傷害自己 
我真係講左，新娘自己都笑左出黎
1個讚
根本就係咁
提起pre-wedding相，我諗起一個非主流意見
->影孕婦相
露好多肉/你老公肚腩對你個大肚/個肚超多紋可唔可以唔好post出黎呢，有人會叫我唔好睇，我唔會睇呀，不過有朋友send group 
一個外人睇到你咁多肉我覺得好尷尬，不論係女or男
我咁講一定有人話孕期係最靚呀，咩媽媽光環之類，撫心自問啦
8個讚
我個得上一代有啲人係咁，係都要指點下你點生活，但你話佢當年你又唔點點點，佢哋又唔高興。我以前會好想反駁佢哋，想將我既思想教育返佢哋但我近排發覺係無用，都真係左耳入右耳出最有用。
所以有啲上一輩唔好怪子女同佢哋唔close，根本思想都唔係同一個channel
1個讚
但攝影師會send啲未執既過嚟
我都係咁諗 
有朋友最近入咗chanel做 (文職, 唔係sales)
公司安排好多history堂俾佢地上, 佢讚到個牌子不得了
我唯有 “哦, 哦, 哦…”
1個讚
呢樣真係好頂癮，仲要被迫睇當日嘅片
以前試過同事放完婚假返工第一日送咗啲派淨嘅婚紗相咭片相比我，成5，6張，我心諗做乜野事…
我玩嘢貼晒喺枱頭，等個個行過都睇到佢地
3個讚
你講完, 我又諗一諗… 又真係喎!
1個讚
當左自己明星?
呢招正喎!!! 唔知當事人知唔知你有心玩野?
我真係好唔鍾意人夾張婚紗相響請帖俾我, 大佬, 我掉張帖時掉你張玉照又唔係, keep 起佢又浪費空間。
好正呀, 你咁都講得出?!
同一pair
因為係搭上搭認識的關係, 唔太了解佢家庭背景
睇佢IG屋企唔係大 似係400-500呎, 客廳飯廳睇落都迫