咁香港工程到底係做啲咩？我只係知土木工程係起樓，本身在土木同機械之間猶豫，依家就完全唔知機械係做啲咩啦…唔通係做車（如巴士/MTR之類的部件）哩啲？
我都算跟住人揀掛…因為我之前提到嘅嗰個想讀工程嘅同學就係一個學霸，讀書好叻。佢俾咗我揀工程嘅靈感，但係我又覺得人地學霸做咩都得，我對未來搵唔搵到工嘅憂慮同人地完全冇關，因為人地就已經是行行出狀元的狀元
我諗你諗嘢咁實際，一定有生活上嘅原因，作家就真係extreme咗啲嘅
藥劑、中醫呢啲都係好實際嘅科，算叫同一範疇，工程就完全唔同工種。如果你話對中醫咁有興趣，可能可以收窄範圍，喺藥劑/中醫呢個方向再做多啲research，了解多啲行業實際情況嚟決定？
1個讚
MTR, EMSD…風火水電嘅設計同維修保養。例如 風喉點走，水泵要幾大，系統升級之類。
香港人工咁貴，Technical design 其實好多已經外判比唔同地區，或者直接叫外國供應商設計埋。香港其實主力project or contract management.
香港嘅工程師唔係發明家，要跟例跟標準跟指引，mindset 傾向保守。你想像果d係供應商科研新產品，香港邊有本地供應商?
2個讚
又考清華又入政府，你應該係一個超級醒目嘅青年才俊！
5個讚
而家仲諗住入政府嘅真係祝你好運，如果係咁返大陸讀應該係最好選擇
3個讚
你對「現實」不太了解，可以多睇新聞。
要考牌嘅職業，除左律師玩自己貴族小圈子，唔洗太在意係邊間，更何況水平都唔係差太遠，工程師、醫生、教師、社工 呢啲有牌就可以放膽搵工。
冇牌先要咁睇校名。
中醫飽和，呢個科目內地專才特別多，要同佢地爭。更何況，中醫唔似醫科咁好多個部門，中醫自己一個部門。
藥劑師，一早已經話飽和，入到 U 要好小心策劃自己 CV 同衝 GPA。
Engineering 唔係發明嘢設計嘢，冇乜幾個會設計機械人，多數係跟程序跟草圖。同埋都要睇下係邊種 Engineering。搞科研不在香港。nothing to create, just replicate!
香港地仍然都係唔愁搵食，肯做就有人工。
你係驚冇工做，最穩陣就係教書，依家新聞話缺人到話大學未畢業就請。教書點都畀你做夠一年先叮你走。
但我好相信兩樣嘢：
- 讀書一定要為興趣
- 船到橋頭自然直
入到嗰科就會知道邊樣做，諗咁多都冇用，冇人知明日事，最緊要係自己喜歡願意。就好似通識教育咁，冇人諗到突然就話取消課程，依家常識突然都要改革，又係讀完即刻失業。
但好肯定，呢批老師依然搵到工，不論真係做到老師定係完全離開教育界。到時候就會知道自己要做乜。
利申：我係成代最細嗰個，英文講就係 all eyes are on me，啲親戚唔係律師就醫生大銀行家，全部唔係香港讀書，父母冇讀過大學，中學都未讀足去到中七，做嗰行一早已經係夕陽行業可以褶埋。當初都係睇新聞睇專題節目，一步步了解市場同埋自己需要，依家做老師+升學組。
身邊大把同工 Bachelor 同教育/學科無關，「異科同工」
JUPAS 遲下放榜有得改 5 個選項嘛！依家專注讀書先，等 DSE 完左冇負擔咁樣去摸索自己條路。
7個讚
好擔心你，對engineering 個concept 錯得好緊要。
土木工程係修橋補路，civil engineering 最多人讀，政府亦收得多civil 人，因為佢地百搭，入到cedd就做各種唔同既大型project，谷gdp。
起樓個d係building engineering, 當然起完樓仲要顧風火水電啦，咁就building services ，e&m進場。
係香港做工程，最layman 既講法係你當砌lego 咁，對住張圖紙砌。但你有無得create呢？有，如果單job 係design and built, 你公司就接埋designer個部分，但唔多呢d job, 而且技術含量高，你要個builder識得做埋design/ qc到d design 唔係咁易，亦比較無肉食，所以都未必會做呢d job, 睇公司肯唔肯投標。
做工程，一定要考牌。so far香港呢家既工程牌仲係英國出，有海外認受，所以要移民仍然可以搵到工。不過要考到牌唔易，一定要捱，不論精神上體能上面子上等等，你要預左。當木人行咁，捱過就可以了。
不過女仔，地盤佬都會錫d, 少d粗口問候既，做既野又比較舒服d。但係，同樣地因為女仔身份易比人閒言，有利有弊都要食。如果你係仔，無架啦，完全唔錫，硬食。
建議你搵d渠道接觸下工程界先，唔好亂入。入得就考到牌先好走，否則浪費degree, 有牌無牌既價同發展機會都差好遠。
4個讚
至於你話鍾意寫野，建議你唔好放棄。做slasher, 可能職場比到靈感去創作，亦可用來發洩對工作對生活既不滿。目標正職同副業都搵到錢。
3個讚
其實你又唔使嘲諷人哋，一家唔知一家事，若果家庭條件麻麻，一定要人哋做乞衣，才覺得係有良心嗎？和言語霸淩有咩分別。
3個讚
其實樓主只想問下選科，比出意見就可以了，唔使插入自己的立場影響別人。
個人意見，不喜唔插。
2個讚
另外，中醫俾其他科目要讀多兩年，啫係比其他人遲兩年先出嚟搵錢，同埋好多人讀完本科就接住讀埋master,錢同時間都要考慮
3個讚
同意, 無興趣會讀得事倍功半… 想讀醫嘅, 又怕血, 又怕污糟就唔駛諗啦… 所以揀科唔可以單一為出路, 當然前途係首要條件啦… 但都要顧吓真實嘅自己…如果真係對中醫有興趣, 就go ahead 啦… 你依家諗太多都無用, 你讀完個世界又係另一片天…
3個讚
v true
engineer 香港有好多，但可以上位既，都唔係只顧technical, dup 石仔個班，而係好吹水，識social, 轉數快個班。呢班人technical 未必勁（大學畢業可能日3rd hon, 勉強考到牌），但憑住soft skills 唔怕做識執生既精神上位。
樓主想入政府，min req就係考左牌+3年exp, 咁當然一街都係啦，但點樣可以贏到一街既人可以拎高3成人工坐office 呢，都係靠all round people skills ga.
外界以為engine做得專就得，唔止係咁架。如果要係呢行發展，樓主要留意啊
如果醫護又要有錢途, 不如讀NURSING
3個讚
我平時食飯都有睇新聞，但係就好似唔係好見工程有關嘅野…
如果我做嘅係要考牌嘅職業我就一定會去考嘅，哩個就唔使太擔心。
其實我都唔係好執著於設計…只不過我本身以為工程係咁，我又唔抗拒，所以先咁講。如果冇設計只係得程序同草圖，某種程度上仲更合我心意添。因為我覺得哩個只有夠努力就有好大機會可以出彩，但係設計相關就更睇天賦，我又唔係好確定我有冇設計嘅天賦…
至於教師，其實係我自己唔想做
唔係對哩個職業有咩偏見，恰恰相反，我係覺得我好難做好老師。大學教授就另講啦，大學以下學位嘅老師我認為除咗教書之外仲要負責學生嘅身心健康成長，我覺得我做不好哩個工作。
我本人比較內向，揀工都偏向冇咁多社交嘅，當初就因為哩個所以堅決唔揀商科…所以有層樓話香港工程唔睇個人能力、更重社交能力，我就比較驚…
我最開始做排除法來揀，除咗老師和商科之外，都唔係好想做護士。見都有一層樓建議我揀護士，所以我都答下。
因為比起醫生來講，護士接觸病人嘅機會更多，要照顧佢地身體健康同埋復康，感覺適合好溫柔、好有耐心啲人，而我個人比較沉默、不懂照顧人和看人眼色，就唔係咁適合。
或許係我活在學校哩個象牙塔太多年，可能護士都未必一定要有哩啲特質，就好似工程都唔係我想像中嗰種。但係我都係希望可以盡力做好自己嘅工作，唔好揀唔適合自己嘅，既為難自己又可能影響他人。
不過你講得啱，反正到時候都有得改，我頭三個選擇應該都係哩三個，都有可能得到面試機會，就唔使太過憂慮住。只不過我咁啱想起，就先發出來。如果我聖誕假前都未解決，我就會到考完DSE再打開哩個平台睇下大家有冇咩意見啦
此話怎說呢？政府工有咩唔妥？返大陸嘅話其實我係唔係好確定大陸工程嘅發展係點。
如果係大陸讀但係想返香港做嘅話就話好難，不如係香港讀。
咁如果我係大陸做咗之後就留係大陸做呢？因為我諗如果去清北讀的話係大陸應該都唔會好難搵工，畢竟兩間大學聲名在外，而某啲大城市嘅發展都唔錯，對比起香港也許都差不多。
土木工程就話大陸黃金時期已過，唔好讀，屬於天坑。咁機械工程係大陸發展又點呢？之前睇都有人話香港無工業，但係祖國屬於工業大國，大陸嘅機械工程發展會唔會好好多？
返大陸做機械工程？唔好咁傻啦～ 你同世界脫左節。佢地一個工程師得三幾千蚊。仲衰過香港畫圖d TO。工業大國因為人工夠低工時夠長，996，你竟然會想返去做人礦。
1個讚
原來如此。civil百搭，咁會唔會趨向飽和？building就好似睇好多人話唔好入，唔知點解。
如果我考咗工程，我就一定會去努力考牌嘅，再苦都要捱
雖然我唔係好想有哩啲性別之分，但係我都知工程入面就係咁，畢竟男多女少，工人又絕大多數都係男性…我係女仔來嘅，如果只係得閒言就冇乜，唔影響我工作我就唔理佢嘅啦。
我都想搵渠道多了解下，就係唔知點搵
上網查嗰啲都真真假假分不清。
雖然無知slasher係咩意思，因為我英文唔係好好…但係我確實都有諗住以後可以搵啲渠道寫下野、投下稿，未必係發洩，但係就似你所講，當一份副業都好啊，仲可以做自己鍾意嘅野放鬆下添
咁衰咩？因為我尋日聽我媽咪話似北京上海哩啲大城市，人工都有幾萬蚊喔
以前我公司就正正將設計同畫圖全部交去大陸做。宜家大陸人工高左，就搬左個office去台灣同印度。
幾萬蚊？成個office最高人工果個都無。反而佢地用專材通不斷申請黎香港。
1個讚