呢個真心正, 第時小朋友大左出黎做野, 係咪又係唔想起身番工就射波?
佢無番工, 接送都嫌麻煩? 游水多野拎麻煩都理解, 但學其他野應該得呀? 懶得出去, 係咪都可以搵個老師上門教下樂器?
你屋企人太差啦,等小朋友大個D,你真係要返工搵返自我價值
8點幾都未食飯 
餓親小朋友就唔得啦
佢有照顧個仔三餐,但真係唔理唔教,一齊出街佢由得個仔自己跑走,佢個仔玩噴口水噴到其他人,人地走黎同我講以為我係佢呀媽,佢唔出聲行開 
佢有時係FB影親子相,我覺得佢好假囉,佢仔讀小學成績好差,佢自己唔教又唔捨得俾錢上補習班,一句個仔唔係讀書材料就完!但係佢自己就有錢追星,成日去活動!
1個讚
係, d 人覺得生得仔出黎, 有長老湊有工人湊係一定既咁。同佢地講無長老幫, 哦你請個工人咪得law, 俾幾千蚊就得啦。(完全無考慮工人姐姐都可以好多麻煩野)
有時覺得香港人真係太幸福, 係香港人先至覺得生得仔一定會有工人幫手湊, 睇下其他地區, 唔係度度都會有工人, 日本台灣果d 都唔會話旨意請工人湊小朋友, 都仲有好多人做全職媽媽。
30年屋村師奶打牌打到天昏地暗果隻ftm都大把
2個讚
幾日前大家傾到財務自由/充裕但唔返工都算廢, 對社會冇貢獻(部份人認為).
跟住我突然諗起這個階層的人雖然冇”返工”, 日日享受生活同家庭樂; 但佢地每年交稅幾十萬幾百萬, 間中又捐錢又做義工又幫朋友. 咁仲係咪部份人眼中的廢先?
認為佢地廢的人又返咩工, 有幾勁幾唔廢呢?
3個讚
依家都大把ftm只係管接送同煮兩餐，仔女完全唔管教唔栽培
隣居係ftm近乎係放養個仔，佢地去到人地屋企，佢個仔例必周圍搞跳上跳落，個阿媽頂多講一句：”喂，唔好搞啦！” 就繼續全程坐喺度傾計，一副自己me time最重要嘅態度
個仔除咗返學乜都冇學，因為怕煩唔想帶出帶入，又話怕個仔唔肯學嘥晒啲錢，但佢哋唔係冇錢，自住樓已經供完，另有層樓收緊租，只係唔捨得投放資源時間去栽培
2個讚
對於 驢仔嘅故事 唔駛咁上心
自己同屋企都feel comfortable 就可以
4個讚
會一齊去已經唔係最衰
我見過啲似熟賣熟嘅
去到放抵個細路話「你哋乖乖地一齊玩」
就走咗去主人家勁無奈
當你帶個就升中嘅小朋友去游水
個小朋友同你講
佢第一次去游水、都幾感慨
仲要小朋友屋企唔係窮、唔係兩個要返工揾食果啲
最搞笑個呀媽自己抽到康文署泳班係會自己去游水
不過個呀媽都老實、會認自己自己其實冇乜心機對住小朋友、唔想比咁多時間佢地、唔係扮錫小朋友果啲
好彩呢傢個小朋友夠大個、可以自己約同學去游水
2個讚
我仔同學呀媽都係咁，直接黎我屋企做功課，黎過一次後就成日黎成日問。不過好彩係都高小紀律無乜大問題，但成日黎我覺得都唔好喇…
1個讚
我都唔明d人點解會好意思
小朋友細個果陣、去會所遊戲室玩
撞到個幼稚園同學
玩左陣個呀媽話趕住返去煮飯，個同學唔走，咁我就話我一陣幫你湊佢上嚟啦
我地住同一座唔同層
點知自始以後個呀媽嚟到playroom見到我都放低個仔就走咗
試一兩次見佢一落嚟我就走
講真間唔中一次冇所謂、你真係唔客氣夠擔死日日都係咁
最後我冇同個仔落去玩、佢竟然打比我問我點解唔落去玩、我話前排有啲呀媽成日就咁放低個小朋友走咗、啲小朋友橫衝直撞d跌序好亂
2個讚
係喇間中人地真係有困難幫下我覺得都ok，但係個人要識做，成日勞煩人地唔明點解好意思講出口。
其實幫人地湊小朋友都要負責任，一陣touchwood有咩嘢自己都不安喇。
2個讚
冇錯，人地個仔睇漏眼整親都唔知點算
個壓力大過湊住自己嗰個好多
1個讚
估唔到呢個年代仲有呢啲阿媽、睇嚟佢生仔只係為左自己、而家唔駛返工第時等仔女養
1個讚
接觸得多，原來呢類上一代型父母都唔少、仲要係香港土生土長
唔係話要當小朋友係皇帝咁去滿足或者遷就、但原來小朋友想做一樣嘢、或者想去一個地方、父母係有能力做到、但都未必一定會做
成日話唔可以縱小朋友，唔可以太錫小朋友，但我自己身邊認識嘅，由細比屋企人「錫到燶」、甚至用現今標準係「縱容」嘅同事/好朋友；佢哋讀書/待人接物/揾男女朋友眼光/工作/家庭都唔係太差甚至乎係幾好
我覺得無論有冇錢、要比小朋友感受到你係「好錫」佢，好享受同佢一齊，而唔係佢「阻住」你，其實係好重要
Sorry完全遠離咗呢個post嘅主題
3個讚
其實一齊去都冇乜分別，個仔曳又唔阻止，喺張梳化度狂跳，坐喺張凳度係咁片嚟片去，試過有一次仆親撼到個嘴流血
好多時都係我驚佢搞爛我屋企啲嘢，忍唔住出聲叫佢停，佢阿媽先施施然講一句，停啦
佢係ftm唔係交俾工人湊，個仔咁嘅行為真係佢嘅責任