我小朋友好鍾意睇書同表演音樂劇, 佢連成寸厚的script都睇埋. 佢有可能喺英國會想讀Drama呢啲港人口中的乞食科. 但我非常支持.
1個讚
我明白你呀
不過我想俾困惑網友多角度思考下自己或小朋友要求係咩先，目標是讀書、與目標是有份穩定工作或一門手藝專業要走既路同計劃未必一致。
5個讚
我諗睇吓你想升咩大學、11plus 係俾人考grammar school 、正如香港考直私都要谷下、有幾個天才
真，想飛黃騰達可能未必係傳統讀書呢條路
我等呢個回覆好耐。
我都有同朋友講過類似, 大致係名校畢業收入都係咁上下. 但朋友回一句: 好多人都係望做到咁.
嗰下即刻將我拉回現實. 其實好多人冇嗰個水平的收入. 而且, 名校畢業的人如果係普通學校出身, 收入可能比現在更一般.
又或者咁講，讀書多，失敗嘅機會成本太大，冇果種挑戰心
當然，好多人又挑戰失敗唔奇嘅
最穩穩陣陣就係讀書嘅
其實全世界都係咁
想入名牌大學一定要經過考試制度，非學術科目一樣要經過考核，即係用精英運動員身份入大學，本身你都要喺運動項目有出色表現至得
基本上係冇分邊度嗰套
不過我認為英國本地家長普遍接受子女嘅不完美
而學生本身都比較接受讀大學唔係必要嘅事，完成Y11唔係只有讀6th form再上大學一條路，仲可以去college繼續進修其他實用科目
同時，家長同學生之間互相比較都少啲
大家都尊重大家「谷」與「唔谷」嘅選擇
考11+嘅家長同學生唔會睇唔起唔去考嘅一群
同樣，唔去考嘅都唔會話人哋做咩咁「谷」
Top set嘅同bottom set嘅學生喺學校都可以融洽相處
2個讚
我以前係.boarding school，之後普通U畢業,考到專業牌.之後不論在香港及英國都冇人睇我係咪名U出身，事業都算一凡風順.。當然你要去投行咁當然重要,一係去牛劍，否則出來工作睇你識唔識變通及做人更緊要
2個讚
當然la. 而且根本係一命二運三風水四積陰德五讀書.
1個讚
所以對教育，我一直期望嘅係少啲功課多啲空間俾佢地練下同人相處 problem solving skills etc 而英國教育無功課，有空間俾我小朋友多啲去公園踢波睇書做下家務解決日常生活小問題，呢啲對我嚟講已足夠。至於書本上嘅野，我無擔心過
5個讚
係，所以我唔明白點解啲家長覺得英國少啲功課，就等於大家一齊唔重視教育，一定入唔到名U畢業
根本一開始嘅設定已經係錯。
小朋友有空間接觸多啲人同事，讀書都唔會差得去邊。
真係得香港啲家長先至覺得唯有做多啲功課考試就識飛。
冇功課做，就等於入唔到出名嘅大學。
3個讚
冇錯, 讀到書的人甚至唔靠學校都入到好大學, 但半桶水要靠學校鞭策嗰啲呢? 如果學校嚴格啲佢會做足啲上到好大學. 定係家長應該疊埋心水認定佢讀唔到書? 所以唔可以話state school嗰套一樣work一樣上到好大學就當one size fits all.
將state school比喻為一件one/free size衫. 有人著得好好睇, 有人著左唔好睇; 有人話身材好著咩都好睇, 有人話one size唔等於會著得唔靚.
但著得唔好睇的人係想搵另一個size, 著左會好好睇的衫. 嗰件one size衫唔適合佢, 唔係話件衫設計失敗.
2個讚
我同意你個比喻。不過想講一講，香港件one size衫其實只係得 21吋腰先著得下；但英國個件，30吋腰都仲好fit. 不如又諗下點解咁多係香港讀band 1尾 band 2黎到gcse都考到8899，原因係咩呢？英國講就講精英教育，但個%比香港大好多，香港要麼做頭1%讀醫，其他？一畢業先發覺employer比較prefer 外國畢業生嘅國際視野，係咪好灰呢？
2個讚
咁假假地 Westminster 都係 U degree，Asso 唔係。Westminster 收生要求都唔係最低。
英國考 CDD 都有 U 讀，但都好考得太差，DDD 以下就真係同香港一樣，讀 BTec（VTC）好過。
認同，人地遲啲中學先一次過發力，同埋知道自己仔女唔係讀書材料唔會死迫讀書。
香港太多家長死谷爛谷，本來不是 Band 1 就為左間英中谷到上去，結果中學讀唔上，又不斷問點解以前小學 9X 分依家會唔合格。真正 Band 1 嘅小朋友，中學一次過谷都海綿一樣吸收到，唔會搞唔掂，而且越讀越勇。
2個讚
學校鞭策佢都係上唔到好大學
單靠做補充都唔會真心理解課程，點應付英國a level
學校鞭策可以上到大學呢個可能係香港會發生
但唔係英國。
家長覺得要靠學校谷個仔先讀到書跟本就係失職。家長應該理解子女嘅長處同短處，睇吓邊套學習方法先令自己細路有興趣識自學，呢個係學習態度問題，
而唔係覺得無補充，考得差就係理所當然。根本就本末倒置。
我最唔明點解香港家長要覺得入名U或排名幾多既U先叫好或讀到書。
3個讚
咪就係因為谷壞咗個腦囉，變到淨係識得做補充練習，
讀到上去發現原來啲題目唔係一式一樣，跟住啲家長就唯有怨學校
1個讚
我覺得你說法太理論化, 有點所有學生一概而論.
另外, 做補充做到熟(就算未徹底理解都識晒90%), 某些AL科真係可以拿高分.
1個讚