佢7歲啦wo, 問下佢下次做錯事想爸媽點反應點同佢講佢先接受？
會唔會佢都知衰，但唔想父母講太多，比d空間佢？
其實已經講左玩具只可以在玩具房玩
但佢地好鍾意趁我煮緊飯時搬曬出廳
結果爸爸一收工見到，要佢地執返
咁又開始沒完沒了的爭執
或者咁講，睇電視都係權利，但要‘’理”行自己既責任去執玩具先
等於爸媽要做好工作既野，先可放工返屋企睇電視，小朋友都要放學做好功課先睇。
暑假期間，玩完要執好玩具，就可以睇電視。
1個讚
佢會答你唔知
再問，佢就會喊同尖叫，叫我唔好迫佢
佢知衰的，但問題係，如果知衰，點解唔做好？
好似執玩具咁，佢知道地方亂唔好，知道唔執好媽媽會鬧人，會俾人掉玩具
但依然我行我素
結果每次就係搬曬玩具出嚟
我叫佢執佢唔肯我話/哦/鬧佢佢爆喊發脾氣冷靜唔到講道理道歉後執返然後再搬曬出嚟
呢個loop係無限輪迴的
無小朋友鍾意大人鬧/哦，咁既然唔鍾意，點解我叫佢執時唔即刻去呢？仲要「妙咀妙舌」黑口黑面呢？明知屋企有咁的規矩，點解唔識遵守呢？
我真係諗唔明佢想點
我覺得出事位/ 點解唔識遵守，係道歉後再執返呢點。
如果係我，我會接受佢道歉，同樣我都會好心平氣和同佢講，根據協議，到咗限定時間仲未執拾玩具，呢箱玩具就會由媽媽收拾，然後媽媽只放一樣玩具出嚟，其餘嘅由媽媽保管三日。媽媽相信你下次一定會做到自己執拾玩具，而呢三日我哋可以玩其他嘢，例如xxx / yyy。
我會堅持呢個原則。咁佢哋清楚知道講好咗唔做嘅後果係一定會發生。而唔係只要道歉就冇嘢。
2個讚
如果咁即係佢地都唔在乎，其實係唔需要任何玩具，當清屋咁清哂佢，亦唔再買其他玩具！資源太豐富其實都唔係好事嚟。
1個讚
呢個輪迴容易出事，因為冇實際嘅懲罰。
次次都可以喊發脾氣然後道歉就繼續。唔鍾意被人鬧/哦，但唔代表佢覺得呢個相處模式需要改善。
我以前都係咁，被人鬧到喊被人打都繼續唔遵守家規，並沒有從錯中學習/受到更肉痛同心甘情願嘅懲罰。
始終覺得冇錯，同埋呢個發洩方法係冇問題。
反而試下改變 pattern：
搬曬玩具之前約法三章，提醒罰則叫佢執佢唔肯畀警告，說明懲罰（收起玩具/掉）仍然唔肯執行懲罰佢爆喊發脾氣冷靜唔到等佢自己冷靜自己學識道歉同講自己錯咩解釋自己點樣嬲同失望接受道歉
另外，懲罰要雙方決定好，否則佢只會覺得你獨裁你煩，唔心甘情願。
玩之前問：如果你唔遵守規則，咁你要接受咩懲罰？
佢賴皮唔講，或者心急玩亂講，就等到佢心情平靜眼望住你先講。
然後畫個合同畫押，印個手指模。
通常咁樣都會心甘情願被罰，少啲發脾氣。
我學校都係咁，啲衰仔唔肯交功課，日日都話明日，問點罰佢就話佢會去留堂班，照走佬！走佬完就再 hea 我：咁我去多一日留堂班。加監都等於冇加，始終都係冇去。咁樣拉鋸兩個禮拜都未嘔返啲功課畀我。
之後我迫佢地畫押，自己寫條罰則自己釘班房當眼處，大家有目共睹。再賴皮佢都心甘情願去留堂班或者記過，遲交嘅話我催一次就得。
以前讀教育講過，對小朋友要講 I-language，即係要講 “我依家好嬲，好唔開心。我好想喊。” 同埋唔可以講 yes/no 問題，咁樣佢會慣性 yes yes yes，唔願意溝通同聆聽。
你知唔知道我好嬲？/你明唔明白點解我要你執玩具？/你下次會唔會執？
你估下點解我好嬲？你覺得點解我會鬧你罰你？點解執玩具重要/講下唔執玩具會有咩影響？你估下件玩具用幾多錢買，同埋可以玩到幾多年？
2個讚
多謝你咁認真詳細咁覆我
心甘情願被罰，呢樣野應該係佢最難
喺佢眼中，就算罰完，佢只會記得我罰佢，而唔記得點解我罰佢
我覺得畫合同呢個方法可能work，我又試下
講多個情況，有10樣玩具，唔催的話，佢地可以用10分鐘先執好
點解咁耐呢？因為例如佢執隻公仔，會模仿隻公仔行返玩具箱
執條絲帶，佢地會fing幾下轉幾個圈先放返入箱
我提醒佢地「唔好玩，認真執」，佢就會同我反駁佢唔係玩，然後又浪費幾分鐘同我爭論
你覺得十分鐘好耐？不如試下咁諗：總之finish到就讚，有啲小朋友唔話得（我仔都係），硬碰硬傷感情，而家同佢講咗某啲嘢，佢做到會讚佢，最終目標係完成，過程我唔干涉除非佢求救，至於執玩具我同爸爸會同佢一齊執，可以教佢點樣執得快啲，或者玩住執（例如鬥快，執啲玩具去唔應該放嘅地方，佢會話唔係咁執ga, 然後教返我哋點執），不過小朋友日日變，有時都會要同佢鬥智鬥力，媽媽加油
2個讚
有冇講掂數先玩？「一陣要自己執，唔係唔比玩」個啲？不過我都試過同佢哋講完反口
有冇同佢「一齊」執？
我發現我話「幫你少少、一齊做」佢哋可能感覺好啲，會自己執返
而我就初初做樣咁執幾件之後越黎越慢動作等佢哋自己完成，一邊再讚佢好快手，又話佢「差唔多自己執哂」，佢哋即時自我感覺良好，對執玩具呢件事有正面感受！
其實佢咁樣無問題，佢都係執緊，係你嫌慢
咁如果要耐d時間執咩預返時間lor，佢執到就得
講講下，你限住佢地玩法，又限收拾時間，其實有無事先講明呢d rules, 佢又係咪一早接受先？
否則，對住咩都睇自己唔順眼既媽，覺得你唔錫佢唔尊重佢+高敏，係好易出事
1個讚
您嘅方法好好啊
我都覺得呢個位唔好，應該尊重佢點玩，同尊重佢點執。如果要係某個時間執完，咁就提前執。
其實我大仔都係SEN，有啲位好難教，上面都有人享唔同tips，咪即管試吓邊個有效
我買一個超大嘅透明箱，我唔會要佢分類，只要求佢將全部玩具玩完放返入個箱
我小朋友細過你大女不過都係有啲高敏特質，佢大
反應可能因為佢覺得你否定佢或者唔鍾意佢成個人所以先會咁惡鬧佢。我自己情緒嚟嘅時候都控制唔到自己要平靜地deliver message 呢個部分，但講佢知其實只係唔鍾意佢呢個行為，唔係唔鍾意佢呢個人，只要佢改善返個行為就ok，雖然都會有大反應但之後佢自己都容易撳低個反應同鬧情緒時間
另外唔好俾佢覺得嗰啲係懲罰都係會好好多。例如丟佢啲玩具/執去雜物房唔係因為佢曳佢做得唔好，係因為玩具到處擺令其他人整親/心情唔好，佢地處理唔到，所以大人要插手解決呢個問題，估計問題所在係佢地唔識執，所以擺埋先，大個識收拾先攞返出嚟玩。
同埋樓上話齋，設定框架之後（如果可行就一家人一齊設定），小朋友喺框架入面點做都得，但一過界就會揸正
要隻眼開隻眼閉。micro-management 控制狂係危險動作。咁唔怪得佢唔心甘情願被罰，咁細嘅嘢都鬧一餐，唔駁嘴就唔係正常人，係機械人。
就好似公司員工咁，我唔理你點樣完成任務，你鍾意一路扭呼拉圈一路見客都得，work 就得。
有啲學生鍾意一路行路一路做功課溫書，雖然我唔同意呢個方法，但佢交到功課讀書又合格，達到我要求，咁似乎我冇必要干涉。
咁所以佢鍾意點樣執都得，執到就得。
小朋友世界係冇趕時間，10 分鐘對佢地黎講同 1 分鐘冇乜分別，尤其依家暑假佢乜都唔洗做。佢都唔明白點解你急。（老實講，我都唔明，又唔係浪費我時間，浪費佢自己時間，但佢豪得起）
一步一步慢慢來，7 歲要求唔好咁高，佢肯做又做到已經係好習慣。
模仿隻公仔返箱幾得意嘅做法，欣賞下佢留意到公仔姿態。
6個讚
講起留堂，我奶奶話當年我老公被罰留堂，佢打去鬧個主任，話餓親佢個仔，我個下覺得主任都好慘…
哈哈，我小朋友都係咁，唔問佢，佢真係唔知有玩具唔見咗。
我小朋友有張枱仔專用嚟玩玩具，我唔會執，佢亦唔會執除非玩完玩厭咗，先會執乾淨張枱，試過張枱仔啲玩具擺足一個月，真係手指抺一抺都有塵。
地下玩具就點都要佢執，唔執會俾人鬧。
我會一步步黎…
我仔3歲快4歲
如果我講：
初初我會陪佢一齊執
執個陣類似玩遊戲咁：
我執黃色積木！你執咩色啊？ 或者
我地計時30秒執晒,睇下邊個快先！ 或者
哇我一手可以拎到3架車(擺入箱), 你一手拎到幾架？
諸如似類,我小朋友幾受依套
到後期,耐唔時佢會自動波執下, 當然都仍然會：媽媽你陪我一齊執,
咁佢有"收拾"念頭, 我都覺ok,所以我都會陪佢執
慢慢黎,加油
反口係家常便飯
應承左玩完執，最後叫佢地執，咪就係發脾氣扭計問點解要執，話佢仲想玩（時間係夜晚9點，未沖涼）
1個讚