應該就唔會喇，因為卵少，唔夠貨做
同埋台灣有樣嘢叫timelapse，即係24小時影住你d胚胎點樣分裂，可以更有效地分辦到邊粒胚胎質素好d (例如有d胚胎可能分裂過程唔係2變4, 4變8咁, 而係2一跳跳到8，咁可能係有問題，timelapse一直影住就會睇到，但人手係每隔一個時數拎出嚟睇，就可能會miss咗2跳8個過程，只會睇到佢分裂到8而誤以為係好的胚胎), 同埋因為唔需要人手喺個保溫箱度拎d胚胎出嚟睇，咁d胚胎一直恆溫咁保存住，可以減少到受破壞嘅機會。
如果冇咩已知的遺傳病或免疫問題等，可以考慮用timelapse去篩選出質素比較好的胚胎，印象中好似都係加一兩千蚊港紙。我上次本身諗住做嘅，但因為最後抽得兩粒卵，就冇篩選嘅意義，因為點都會植入晒去試，仲要我兩粒卵到最後得一粒授精，所以根本就冇條件再做extra嘅嘢…
呢d你都可以隨住療程進度逐步同醫生傾，都係睇情況，話唔定你抽到好多卵，到時可以決定做唔做呢d extra嘢，而家唔使諗咁多住 (我之前就係諗到人都癲)，放鬆心情交畀醫生，祝好孕！
你好，我是第4樓回覆，其實好多台灣的生殖中心都係可以跟進，至於邊間成功率高，我都不太清楚。
不過我係禾馨宜蘊做過，佢地果邊有好多醫生選擇，各有不同擅長的領域，我諗你可以問下佢地有邊位醫生岩你同埋要休息幾耐嘅問題。我諗要跟番你嘅狀況搵個擅長醫你的醫生。
我都好阿Q地咁樣同自己講，算係一個好開始… 但其實流產後心情一直好反覆，有時都可以好positive但有時仲會覺得唔開心…
純粹呻吓，因為我啱啱返醫院覆診完，覺得好驚訝… 話說我係9月中有一晚出血入急症室然後留院觀察咗一晚，期間照過3次陰超都照唔到胎囊，d醫護嘅口吻都係話我9成9已經流產咗，但未知會唔會係宮外孕所以仲要再check，臨出院前抽血驗hCG，驗完醫生冇特別解釋情況，只係安排我兩日後再返去抽血驗多次，同埋安排到3/10即係今日先再覆診照陰超(但我見其他patients覆診係冇隔咁耐)。
抽完第2次血時，姑娘話如果驗到個指數｢冇乜特別｣就唔會搵我，我就照原定3/10覆診。其實｢冇乜特別｣係咩意思，真係得佢哋先知，而我只係想知個指數係幾多都唔得… 我覺得佢哋都當我係已流產咁處理，所以安排成兩個星期後先返去照陰超應該只係照吓惡露流清未。咁之後個禮拜我都流咗好多血，比平時月經多同｢傑｣，我都知係排緊出嚟，自己出去lab驗hCG，跌到非懷孕水平，咁我只係覺得咁樣即係冇宮外孕，算係不幸中之大幸。
但頭先返去覆診，個醫生似係當我嚟做產檢咁，一嚟就問我呢兩星期有冇喺出面照過，咁我梗係冇，都流咗仲照咩啫？但我就同佢講我後來有自己去驗hCG係跌到低過5 (即係非懷孕)，佢先同我講話我上次覆診抽血驗hCG係有翻倍升，佢哋覺得都升得唔錯，所以冇特別搵我，諗住等我今日返嚟照超聲波(佢意思似係話覺得可能會超到個胎), 係當我話佢知我hCG已經低過5, 佢先話咁樣就真係流產咗喇… 我嗰刻都幾shocked，我冇諗過我出院後個指數其實有翻倍升，因為佢哋都似係當我已流產咁處理，我係覺得點解唔早d同我講？如果我知個胎未甩，只係痴唔實，可能嗰個幾星期我會繼續用黃體素藥，會唔會有機會保得住個胎？
其實之前都喊咗好多日，都以為自己而家已經平復咗，但頭先咁嘅情況，令到我不其然又想喊… 仲要喺醫院婦產科度，隔籬嗰d唔係大肚就係抱住個B… 個姑娘仲要問我返嚟係咪做產檢，我要答佢我係流產… d眼淚差d標出嚟…
我都唔知究竟係發生咗咩事，會唔會係因為咁而miss咗保胎嘅黃金機會… Anyway… 而家一切已定局都只可以叫自己堅強，再試過…
樓上有JM答咗你，佢講嗰間禾馨我之前有聽過佢哋講座，好大個團隊感覺都ok的。其實好難講邊間成功率高，老實講成唔成功真係好睇我哋自己本身狀況同彩數，但例如我喺上面有講timelapse呢d技術，我覺得係有幫助嘅，而呢d技術香港係冇嘅，台灣就普遍都有。
台灣的診所會追進的，服務好好，你回港後有咩問題基本上line佢哋都一定會答，好似我今次一出事都有keep住同台灣嗰邊溝通，佢哋一定會follow up，但現實d講始終遠水係救不了近火，好似我出血入院後，照幾多次超聲波都好喇，醫院唔會畀報告畀相我，我唔可能畀到台灣嗰邊睇，只能夠口頭講畀佢哋知咩情況，咁以香港咁拖又唔清晰嘅處理方法，台灣嗰邊都掌握同幫唔到咁多係真嘅…
以我流產嚟講，台灣嗰邊係叫我抖一個月可以再試，你係冇bingo到定係流產咗？我諗如果冇bingo其實都唔使抖，可以把握時間繼續試，流產就休養返一兩個月喇，祝好孕！
好耐無黎呢度，jm 你真係好堅強，依家往前看，之後一定會成功架，BB 等緊你 
公立醫院其實真係好hea，又唔會做任何野幫你保胎，台灣IVF會keep住follow up，有咩問題話佢知都會教你點補救
雖然我都係少卵，但我都會做PGS啊，唔想拎身體黎試，好傷身又傷心 
我已在台灣抽左卵，抽左4粒，3粒成功授精，2粒Day 3時係8A，但最後得返1粒去到Day 5，3AB胚胎，依家等緊PGS報告
不過都決定左1月再去台灣再抽卵，想儲多幾多胚胎，同埋我有nk ata等既免疫問題，都要搞好多野，有D想試另外一間IVF，唔知TFC 好唔好呢? JM你最後諗住選邊間再抽卵啊?
我諗我經過上次流產，醫生可能會建議我做PGS，但我擔心嘅都係d胚胎捱唔到去D5… 不過我嚟緊點都係打算好似你咁，抽多次卵，儲多d貨喺度先。
TFC係邊間？我下次都係返去瑋度做，始終佢跟開我情況，so far都覺得佢唔錯嘅。
的確係, 見到流血入去公立, 佢最多只係幫你照下BB仲有無心跳。第二日問下你仲有無流血呀, 同你講呢d 情況常見咁樣。
如果搵私家醫生, 佢會俾d 塞藥你補充黃體素先。
最近同其他IVF媽媽傾，先知有d人出血出到成張護墊都係鮮血，但冇去醫院，自己打針休息，最後冇事。我當時只係出咗少量粉紅色血，但真係冇經驗，就算自己打完黃體針都仲係好驚，心急去咗公立急症(當時冇諗到私家醫院都有急症)，結果… 真係最錯誤決定…
本身都接受咗，就算香港公立醫院處理得幾差，我入院時懷孕指數係好低，又照唔到孕囊，其實點都係挽救唔返。但而家去咗台灣再做IVF，同台灣醫生講返，佢聽我講入院時的懷孕指數，就話咁樣應該係化學咗，但當我講埋出院後兩日再返去驗多次指數係有翻倍升(但醫院冇通知我，到3個星期後覆診先同我講，醫院仲要assume我係返去做產檢，但冇人同我咁講過…)，台灣醫生一聽指數有翻倍升就話咁樣應該係有著床成功，然後佢都覺得好奇怪點解之後會冇咗，但唔發生都發生咗，而家亦考究唔到…
而家諗返，因為留院時醫院一直畀我嘅信息都係已流產，所以我出院後日日以淚洗面，連續幾日都係瞓醒就喊，喊到攰就瞓，飯都冇胃口食… 可能就係咁樣先保唔住個胎，但其實嗰時應該係仲未流產，因為返醫院驗第二次血時指數係仲有升，我係再過多幾日先開始嚟M咁出血出咗10日，嗰時先真係流產… 但就係因為醫院冇通知我第二次驗血結果，台灣醫生都只能base on第一個驗血結果而叫我可以停塞藥亦唔需要再打針… 但如果我同台灣醫生知道第二次驗血結果，我一定會繼續塞藥打針臥床，相信台灣醫生亦會咁樣建議去幫我保胎…
總之一個孕育中嘅生命，就係因為香港公立醫院嘅不斷錯判、唔跟進、唔通知、唔理… 就咁就冇咗。對佢哋嚟講，早期流產呢d case可能佢哋一日見幾十個，你只係其中一個，佢哋轉個頭都唔記得，但你嘅傷痛同遺憾係一世…
抱抱 
係呀，公立醫院就係咁
其實呢d都可以係屋企左，仲唔洗排隊係現場等
台灣診所服務真的唔錯，但就是太遠，有問題冇辦法即刻去處理，
淨係可以話比你聽要點做，雖然一直關心你但係就會有d唔放心
所以揀之前都係要考慮清楚自己比較可以接受邊一種
我覺得如果要放胎，就算唔做pgs，都至少要D5 囊胚好D，機會高D，不過少卵要係咁抽，真係幾辛苦
JM你幾時再開始?
TFC呢幾年新開，都幾多台灣人去，另外一間叫華育，都好多台灣人推薦
Hello, 想問下各位台灣ivf JM打針期間有無需要係香港做卵泡監察？定係直接跟台灣診所指示打針後回診便可？
但我都有聽過有D胚胎捱唔到去D5… D3到D5中間會有部分淘汰左，當卵少時，醫生都好大機會係會建議植入D3…
我剛剛開針，但尋日月經第3日返去照基礎卵泡，竟然只係得1個… 之前都會有4-5個… 上次8月做IVF時，4個基礎卵泡，打完針谷都係得呢4個卵泡，最後抽到2粒卵… 而家得1個基礎卵泡，我真係好擔心1粒卵都抽唔到… 醫生都有問我會否考慮下個cycle先開針，但我本身為左今個cycle已經留左喺台灣兩個禮拜… 說來話長，因為本身預計12中嚟M，一早book定晒機票酒店，但點知11月經期冇嚟，遲左3星期到12月初先嚟… 唔知係咪9月流產後荷爾蒙失調影響… 總之D日子亂晒，失晒預算，但老公都請晒假，所以都照飛左嚟台灣當旅行，而我就繼續留到嚟M開針… 期間有去見IVF醫生開左催經藥，做人工週期，我覺得都穩陣就繼續book酒店book到19/1，打算取卵後回港，仲要唔小心book錯左不可退款，冇得cancel… 所以如果而家先話唔開針，我就唔知今次飛左嚟台灣成個月係為乜，雖然我可以work remotely對工作冇影響，但一個人留左喺度咁耐就係為左等開針同取卵，你而家同我講我冇卵嘅話，我真係好灰… 下個月又撞新年，會好煩(每次飛台灣要諗藉口呃屋企人，話公幹都成日問長問短要我解釋真係好煩)… 然後醫生話都可以照開針，打3日針睇下情況，話都有可能有D好細嘅卵泡可以谷得大… 而家都唯有係咁… 但我覺得真係灰左…
其實今次係預左會抽兩個cycle卵先做植入… 自9月流產後，呢3個月畀自己抖下放鬆下調養下，食supplements食中藥做針灸做運動，自問自己都算勤力… 11月自己去睇婦科照過係有近10個基礎卵泡，AMH都上升左0.5，我以為努力有成果，以為今次可以抽到4-5卵，抽兩次儲10粒卵左右再做植入(我當有一半淘汰都應該會有4-5個胚胎)… 但而家咁嘅情況，今次連1粒都唔知抽唔抽到… 我唔知要抽幾多個cycle先夠，講真真係覺得好失望，有D想放棄… 而家唔知仲可以再做D乜…
希望樓主抽到靚靚卵子 
原來基礎卵泡會咁大變化架，咁真係會令人失預算
多謝你，承你貴言~
我都知可能每個月會有d唔同，但8月嗰次照到4-5個，再之前喺香港照過一次都係4-5個，我以為我都會係around呢個數，努力咗咁多個月去調養，期望會有進步，冇諗到會變到得返1個…
我聽其他喺台灣做嘅人講，拎針藥返香港打，期間未必一定要喺香港照卵泡，應該都係按個別情況，睇台灣醫生嘅指示。我自己上次同今次都係留台完成整個療程，但下個月撞左新年，我應該都會拎針藥返香港打，到取卵時才回台，所以我都同樣有呢個疑問…
咁樓主你留台的話是直接返診所回診？ 我睇隔離forum 係台灣拎針返香港打，有d JM會出去揾醫生照，再報告返比生殖診所，但就算報左都改唔到用藥糧喎。
係呀，我留台就可以按醫生指示喺打針期間覆診照超聲波同驗血等，監察住情況，如果帶針回港打，自己去搵婦科醫生照都可以，但學你講，就算回報返畀台灣醫生，都係遠水救不了近火，除非佢畀你的針藥係有預算到中途要加減/改藥等不同方案，呢樣都係我嘅疑問，that’s why我自己係會prefer留台完成整個療程，可以follow up得好d，但當然係因為我本身係freelancer，去到邊一樣可以工作又唔使請假先可以咁flexible… 不過下個cycle我都會帶針藥回港，因為新年期間要留喺香港，我今次離台會帶定下個月的針藥回港，而家我都未知醫生嘅方案同安排，遲d可以話你知係點…
我嗰陣時喺香港做，醫生建議我連抽兩個cycle，如果喺台灣又好似比較難做到
我自己會覺得如果捱唔到day 5，咁個胚胎都唔夠強，放入去都未必OK，所以寧願儲到day 5先
明白jm你會好灰啊 但係中醫西醫都話其實每個cycle既卵都會浮動，有時多有時少，今個cycle少唔代表之後唔會多返，你做既養卵努力係唔會白費架，唔好灰心啊，醫生成日講要中一粒就得，可能今次呢粒quality好好呢，唔好諗咁多，做好自己本份就OK
不過如果係我，我會選擇響香港Day 1時先照左超聲波睇下有幾多粒，之後先決定今個cycle係咪開始療程較穩陣