我覺得係賺到嘅人工可以除咗穩健儲蓄之外，買嘢唔使睇價錢
鍾意點使錢就點使錢
喺嗰行略有名氣，不論係客同埋同行都會尊重你，放風要轉工，已經有其他公司搵你
1個讚
我食車仔麵都會慣左睇價錢…應該係性格嚟…
呢個好似仲難咁…LOL
事業有成俾到成就感自己,小朋友我都好緊張,始終親生既~
事業有成係有成就感同心靈充實,可能我做創作果類,我唔怕公司執笠 
我都係咁上下,之前仲屈到影響健康,而家我都改變緊心態同改善緊生活
2個讚
Yes! 性格心態決定命運
Never too late to make a change!
加油🫶🏻
1個讚
30-40+都仲可以重新規劃 
1個讚
我覺得老左之後真係唔會有後生既魄力。識人上巿公司CFO，老左再加個期公司唔掂，都係提早退休無再搵工，加上原本位高權重，唔會接受到做低過CFO既位。
不過帶頭盔，都一定有啲老左都好有魄力。
1個讚
我理解二揀一嘅情況係，當事業發展影響婚姻（聚少離多，二人感情出問題），或為維繫婚姻而要放棄事業（例如共識想生BB但不成功，需要辭職養身子，或BB無人湊要辭職湊），而必須作出選擇？我諗大部分人會揀婚姻，因為結得婚都係認定對方係終身伴侶，都會重視對方，唔似會為事業而放棄對方。反之如果一個人睇事業重要過婚姻，佢應該未必能夠進入婚姻階段，或者為咗好少事已經可以離婚。
唔知有無理解錯？
5個讚
初初快樂，但耐左就覺得每天營營役役地工作，戶口係多左幾個零，但…又如何呢？
要事業有成，基本要付出好多時間 
2個讚
Exactly…你睇得好通透
去到人生某d啲Stage ，係會出現好多選擇題
如果格硬要幾樣兼得嘅話，好容易會發覺力有不逮， 就會跌咗落去有情緒病係咁呻嘅局面
就好似要移民定要搵錢，小朋友自己湊定係請工人等等
1個讚
真，人生唔同階段中要作出取捨
1個讚
但係自己揀定俾環境迫揀又唔同
愛情同事業可以兩兼顧, 但育兒同事業係冇可能. 因為時間就係得咁多.
認為自己一箭雙鵰的其實係將責任外判左, 又無視所失去的, 再加好彩小朋友生性.
6個讚
做ibanker都會退休ga ma, 而正路你經營一段關係係會長過打份工lor
其實返工賺錢，都係想有錢去maintain quality lifestyle，即係，財自就最好，仲有時間比你顧及well being。
至於事業有成，即係要係工作上搵到滿足感成就感萬民景抑呢d，如果其他地方搵到，就可以replace 事業既存在啦
唯獨親人不可被replaced
2個讚
好同意
小朋友生性真係如有神助
1個讚
我兩仔大學了，我係認為自己一箭雙雕那個，小朋友生性唔一定係運氣，我由開始駝仔讀幾多湊仔嘅心理書、上workshop 其他人未必知。
當然生命無take 2 ，我又唔知若然我當初揀做full time mom ，親子關係會唔會更好。
但總之今日我萬事感恩。我50幾了，仔已成年，除了工作，正尋覓人生下半場嘅時間有乜嘢做可以利用（一定唔會用全部工餘時間守住老公）。
5個讚
呢句我好認同，我以前番工既時候以為自己同小朋友關係都幾好呀，唔覺得在職有影響。到最近1年變ftm湊，發現原來佢地有好多面係我咁多年都冇發掘到，原來我地既關係可以更close更好。
雖然有時都有少少懷念以前番工，但亦好慶幸自己有做全職呢個決定，希望係青春期前打好關係。不過到佢地中學，可能我既角色淡化左時又會想番工過日晨都唔定。
5個讚