我都覺得樓主係有點過慮，今日又一單持刀新聞，有擔心亦唔出奇嘅
我係香港嘅朋友都話依家出街要左望右望，打醒十二分精神
1個讚
係㗎，唉，都係博
淨係知道日本留學個女仔係forward咗八個字囉
我喺香港d朋友都係叫香港做大刀會同埋腥港，不過大家都唔想見到香港衰落去，有時我喺外地會呻下，反而係香港朋友叫我頂住，佢地鼓勵我，話無論如何都唔會衰得過喺香港
1個讚
出街打醒12分精神以往係外國先會做, 而家變左係香港就要, 見到自己屋企搞成咁, 點會唔心酸
1個讚
我香港朋友話近乎日日有斬人新聞，唔驚就假，唯有小心啲留意下街上有冇奇怪人
可唔可以分享下？我都擔心香港d年青人而家點樣
我哋早放暑假，所以已經返咗嚟
3個讚
同意，都係一時衝動啫，算啦
點解乜都要佢用把刀解決嘅呢？
樓主 delete 咗我睇唔到佢個 wording 係點（雖然個 title 都有D mean
)
但呢到媽媽group 都有幾位媽媽話唔知暑假返唔返好，尤其有位住正西環麥記附近
咁佢哋有幼兒，我都明佢哋會擔憂既
會由英國返港探長老
住喺香港我哋有時都會講大刀會啦！佢唔喺香港你可能覺得un 耳啫！唔洗咁大反應。我海外屋企人都分批陸續返嚟探親, 開心嘅。無論係邊度生活都要好好活下去，加油！
2個讚
我話我自己屋企係狗竇，同隔籬屋嫌棄mode話你屋企係狗竇嘅分別，有咁難明咩
如果連上網都唔可以大反應，下一個到我去斬人㗎喇。
我連呢一句斬人都諗左陣出唔出得街，你話我哋幾有壓力。
12個讚
Exactly!
我見到樓主段文字(當時仲未有人回應)，好感慨，但選擇唔回應。
我好多時見到已移民嘅香港人，對香港依家關心肉緊，知佢哋依然心繫香港，放唔低，正常。但好多心令仲係香港嘅我，心戚戚然，我太玻璃了。
1個讚
其實之前斬人個件事都想分享下，不過無時間，日日忙到傻
其實呢半年，醫院精神ward 爆，兒科ward都收爆好多有情緒病既病人。好多好高危個案都入唔到院。基本上間間學校都好多新增精神病學生，社工忙到爆。點解會咁多：
- 突然復常，功課課外活動突然變返全日份量，頂唔順就出事
- 之前半日課少社交，而家全日，又可以唔戴口罩，社交唔適應
- 之前屈係屋企太耐，屈出病
- 好多好朋友移民，內心好孤單失落
但呢個情況，而家無報紙跟，學校亦唔會宣揚。
樓主，你估佢哋好想斬人？斬左人基本上走唔甩坐一世，你估佢哋好想？我哋好想日日都膽驚受怕？
9個讚
所以而家真係好多隱形炸彈喺社區，有好多係老人家要照顧另一個老人家壓力爆煲，即係老中青都好多精神病，但政府仲係洗埋啲無謂錢搞無謂野
呢啲項目可以益阿爺，而且有實物可以睇到，又可以攞掌聲，梗係做啦，相反處理市民嘅精神健康係量化唔到成效，即使做左，再有同類事件發生又會被blame, 不如唔好做。
1個讚
呢幾年香港人經歷了太多，留低同走咗嘅人都唔好過，有啲年青人雖然人離開咗但精神上已受到嚴重創傷，甚至係外地仍要留醫療養院，
其實有錯嗰個唔係樓主，係破壞香港嘅人，我唔知樓主係外地情況如何，感覺佢只係一時衝動出咗呢個post，似係不忿現狀多過嘲諷大刀會。可能我喺外地咁啱接觸到幾個有情緒問題嘅年青人，有點感受
睇唔過眼嘅人唔好再對樓主咬住唔放啦，算啦！
1個讚
咁嘅Lv都算咬住唔放
係我哋又唔啱。
唔講啦。
1個讚
我term break 也返了香港。其實回來的感覺仍然很親切，食物好吃，交通方便，仍然不想走，仍然不捨得香港。
我很清楚生活在香港的缺點，但回到這裡，真的覺得香港是我的家。反而外國仍然沒有歸屬感
3個讚