我老公同埋你老公差唔多全部嘢一樣，但分別在於我老公好樂意plan去旅行因為有得玩同洗錢(但其實我哋無錢）佢就會開心，經過多年相處加上耐唔耐爆鑊佢，而家係好咗少少少少，首先你唔好要求佢做到你嘅要求，亦唔好以為你叫佢就做，一日只可以吩咐佢幫手一個task仲要好聲氣，否則佢就會覺得你order佢做嘢好討厭，佢哋最憎就係有人點佢做嘢(但工作場所例外)。你要有個心態係你自己可以做晒所有野，但你可以有時話想佢分擔下，佢幫手做就當bonus仲要讚佢，無期望就無失望。關於負能量先係最大問題，有時真係佢太唉聲嘆氣我會叫佢可唔可以唔好咁負能量，積極啲，呢樣好難改，但慢慢佢工作識多咗人，發覺原來好多人背景仲慘過佢就會好少少。同埋男人有好多時講嘢衝動係會唔記得自己講過乜，呢樣我都唔再同佢爭拗，因為發覺佢真係成日無印象講過乜，可能男人天生個腦係咁。總之你有你樂觀，唔好咁易俾佢影響你情緒。
1個讚
My two cents:
-
通常見到呢啲我第一句會問，你覺得大家仲有冇愛？如果有嘅話，好多嘢都解決到
-
冇必要改變一個人，既然你花咗咁多年時間去了解佢，咁就靠你嘅聰明智慧同埋女人嘅溫柔點樣維繫呢段關係。例如你好叻plan行程，你好叻去統籌所有嘢同埋諗到就會做，但係唔好expect佢都會係咁。我可能會自己做埋佢，然後喺過程中問佢想去A定係去B，然後擺佢嘅選項入去尊重佢。可能其中有一日係佢Plan。
-
真係唔好expect驚喜呢樣嘢，呢個係女人擅長做，唔係所有男人都擅長。直接同佢講一億次，嚟緊邊日係大日子，你想點慶祝，你睇中咗啲咩禮物。唔好覺得冇驚喜就係唔開心，其實佢肯花時間去買俾你，都係對你嘅付出。
-
熄燈嗰啲，或者叫佢做嗰啲，佢就算擺烏龍，放鬆少少笑吓佢，開開心心又一日。
-
唔好執著，佢講咗啲咩或者講錯咗啲乜嘢要話返俾佢知，好老實件事都發生咗，播返個錄音俾佢聽只會大家唔開心同大家尷尬。直接同佢講你想佢講啲乜嘢或者下次講啲乜嘢。
我覺得反而係要處理返，佢好似越嚟越驚你咁，不如諗個方法二人世界下，可能有時湊仔會磨滅左大家嘅愛情，尤其是當你好積極專注喺個仔嗰度覺得有啲嘢佢處理得唔好已發生矛盾，好多呢啲嘅小爭執都會破壞愛情。
9個讚
做咗幾十年人，自信咁容易建立咩，原生家庭角色好重要，搵心理醫生啦你唔會幫到佢，遷就、妥協並唔係淨係慢嗰一方加快腳步，快嗰一方都要 slow down，顯然你太急切想要佢改變、成熟，唔係話佢頹係啱，但係好係醜當初你自己揀，你亦明言見到佢係有努力改變，只係你嘅逼迫對佢嚟講有爆煲嘅一日都係人之常情
所謂溝通唔到其實好大部分係雙方嘅 love languages 唔同，彼此以為自己付出太多，但原來對方根本收唔到，佢俾你嘅嘢並唔係你想要，唔代表佢冇付出，5 different love languages 就係咁解，冇話邊個錯，只係 perfect match 唔係人人咁幸運撞到
怕亂花錢我唔啱盞浪費我老公都會，但我係更加怕佢買嘢嗰個，我完全唔介意因為我知自己麻煩，從來都叫人乜都唔好買俾我，我唔會啱使，只有嘢食係 ok 嘅啫，老公當初送件外套俾我，著過一次仍然長存衣櫃直到永遠，佢係怕咗我㗎有時都仲會講返
至於話育兒呀玩樂呀慶祝乜乜日子嗰啲冇意見，我又 buy 喎，因為我係好有主見嘅人，我有嘢需要意見自然會問佢，佢亦好信任我嘅決定，當然唔認同嘅地方佢會出聲，咁咪大家討論，不過平白無事我都慶賀自己老公唔會太多嗲
4個讚
我既期望已愈放愈低，我而家要學習豁達d無期望
-
呢個都係我諗緊既野，我講唔出我愛佢，但我知佢好重要，已經係家人一樣，可能十幾年既相處已經令愛昇華？定係其實我真係已經討厭左呢個人？
-
冇必要改變一個人，既然你花咗咁多年時間去了解佢，咁就靠你嘅聰明智慧同埋女人嘅溫柔點樣維繫呢段關係。例如你好叻plan行程，你好叻去統籌所有嘢同埋諗到就會做，但係唔好expect佢都會係咁。我可能會自己做埋佢，然後喺過程中問佢想去A定係去B，然後擺佢嘅選項入去尊重佢。可能其中有一日係佢Plan。
我係咁呀，但佢好似對任何野都無乜熱誠同興趣，唔會主動take action，我都唔知佢係咪真心開心地做呢件事⋯定其實我應該唔好諗咁多，佢唔反對就當佢鍾意？ -
真係唔好expect驚喜呢樣嘢，呢個係女人擅長做，唔係所有男人都擅長。直接同佢講一億次，嚟緊邊日係大日子，你想點慶祝，你睇中咗啲咩禮物。唔好覺得冇驚喜就係唔開心，其實佢肯花時間去買俾你，都係對你嘅付出。
我d fd都係咁講，我都同意既，不過我click住個位，未放開自己想法，覺得自己講佢先做，同佢自發地做係唔同付出level。我都有改少少嫁啦，有時會直接話佢知我想要咩，但唔多唔少仲有少少想要生活小驚喜既想法⋯ -
熄燈嗰啲，或者叫佢做嗰啲，佢就算擺烏龍，放鬆少少笑吓佢，開開心心又一日。
我表面已咁做呀，無鬧交，但我心入面覺得好on9 -
唔好執著，佢講咗啲咩或者講錯咗啲乜嘢要話返俾佢知，好老實件事都發生咗，播返個錄音俾佢聽只會大家唔開心同大家尷尬。直接同佢講你想佢講啲乜嘢或者下次講啲乜嘢。
我有呀，我十幾年最令我唔開心，其中就係呢樣，我已經畫公仔畫出腸同佢講想佢點改，建議佢點應對等等，但⋯似乎都唔可以有期待佢做到
我覺得反而係要處理返，佢好似越嚟越驚你咁，不如諗個方法二人世界下，可能有時湊仔會磨滅左大家嘅愛情，尤其是當你好積極專注喺個仔嗰度覺得有啲嘢佢處理得唔好已發生矛盾，好多呢啲嘅小爭執都會破壞愛情。
有既，我地有自己去拍拖，所以點解我話其實都幸福既嗰d位，但一鬧交，我就覺得「又係咁」，十幾年同一個問題不斷出現，好煩⋯咁囉
其實聽完大家講，我覺得我要做既野係搵方法令自己豁達d，唔好咁多期望同唔好理佢太多野，不過我未搵到方法令自己睇開
你呢句講得好好，有d inspire🩵謝謝你，我要吸收下
我唔知我個方法啱唔啱你，我同我老公南轅北轍，我從來冇諗過改變佢，佢都係，但有啲嘢我接受唔到，會set一個好清楚嘅底線，有啲家務我打死都唔會做，佢一定要負責任，我理得佢有冇動力，佢習慣咗就知道一定要佢上心去做
有啲其他嘢佢旨意晒我，成日問我，我有時會知都扮唔知，咪靠我記憶，撞扳又唔會死，佢要自己搞掂
女人太精明男人就會懶得就懶，冇承擔冇膊頭。但女人太蠢我又頂唔順，咪唯有搵個位分得好清楚你做＆我做
我唔介意佢唔長進，但你唔好阻住我長進同要做好你自己嗰份；同樣我會做好我自己嗰份，我做得唔好佢一樣可以話我
3個讚
[quote=“mamamak, post:25, topic:73310, full:true”]
- 呢個都係我諗緊既野，我講唔出我愛佢，但我知佢好重要，已經係家人一樣，可能十幾年既相處已經令愛昇華？定係其實我真係已經討厭左呢個人？
愛情同親情唔同，要諗清楚。
2.我係咁呀，但佢好似對任何野都無乜熱誠同興趣，唔會主動take action，我都唔知佢係咪真心開心地做呢件事⋯定其實我應該唔好諗咁多，佢唔反對就當佢鍾意？
Exactly ，你唔係佢，你唔需要估佢諗乜而自尋煩惱。男人唔同女人，好多男人係無乜喜怒哀樂無乜感受，基本上老婆有要求我咪跟住做囉，唔比人鬧就得。當然你會覺得佢咁好辛苦，明明係開心嘢，但佢真係唔會咁諗，唔好用自己女人嗰套套落佢到。
我d fd都係咁講，我都同意既，不過我click住個位，未放開自己想法，覺得自己講佢先做，同佢自發地做係唔同付出level。我都有改少少嫁啦，有時會直接話佢知我想要咩，但唔多唔少仲有少少想要生活小驚喜既想法⋯
咁小驚喜唔係佢唔想做，係佢天生無呢個skills
我可以一分鐘諗一百個lum 女方法，有d男人諗一個月都唔知點入手。無計。
你唯有當 train AI robot，同佢講一百次邊日要慶祝同想要乜，然後一見到勁開心咁。可能第101次佢會自動 get 到個模式，要準備定蛋糕同買對耳環。
我表面已咁做呀，無鬧交，但我心入面覺得好on9
係呀，不過我自己有個原則，叫得佢做，佢點做點on9我唔會理唔會 comment
我有呀，我十幾年最令我唔開心，其中就係呢樣，我已經畫公仔畫出腸同佢講想佢點改，建議佢點應對等等，但⋯似乎都唔可以有期待佢做到
要記得唔好 expect 人改變自己，所以你覺得嗰下唔ok，咪照講你 expect 點樣溝通先舒服。不過唔好 expect會改到，講出嚟純粹係表達自己感受。
有既，我地有自己去拍拖，所以點解我話其實都幸福既嗰d位，但一鬧交，我就覺得「又係咁」，十幾年同一個問題不斷出現，好煩⋯咁囉
每次鬧交唔好諗返以前，無乜意思。
其實聽完大家講，我覺得我要做既野係搵方法令自己豁達d，唔好咁多期望同唔好理佢太多野，不過我未搵到方法令自己睇開
接受佢同你唔同，同有d嘢佢係喺你成長有幫助？
我老公係我 soulmate，我開心唔開心淨係想同佢傾同聽佢意見。雖然佢平時無我咁成熟同咁叻 (當然純粹係我喺自己叻嘅地方去 criticise 佢先咁諗) ，但每次我最軟弱嘅時候我一定係諗起佢。
2個讚
唔好旨意男人會自動自覺明我地想佢地點啊，佢地呢方面真係少左條根。我另一半有時取笑我嘅說話佢真心以為好好笑。後來我頂唔順，直接同佢講，想佢點，話佢知其他人唔會同我講呢啲說話，呢啲說話對我而言好discouraging,當然我冇黑面而係輕鬆口吻同佢講，自此佢真係有改善。。所以對住佢地真係直白啲比較好。
4個讚
我都覺得你唔講對方係唔知你想點
或者你可以自己示範下點樣欣賞對方先
但佢都未必get 到你想佢咁做
呢句又每我有新啟發，謝謝你
我都係會諗起老公…我知佢既重要性
我有ga…我真係有…不過正正就係因為我有…但佢都無改善，所以我好氣餒…
不過我睇完大家講，我諗我做就照做…但唔好expect我做做下佢就會做返同我一樣既野…
我要明白一樣野，我欣賞佢係我因為真係想欣賞佢…而唔好為左想佢欣賞我而去欣賞佢…咁可能會好D
睇晒你篇文，其實我不期然諗，樓主你是否一個客觀條件好好，而且很醒眼很強勢既人?
我諗返起自己以前同過一個百彈齋主男友一齊，我講一句佢講夠20句，乜都係佢啱，佢有見地，我錯，我咩咩咩唔好，漸漸我已經放棄溝通，因為我知道再講多1句只會引嚟佢另外嗰20句，無論佢有幾啱幾醒都好，呢種溝通方法我覺得唔係愛。嗰時我外在表現出嚟就係頹，因為少做少錯，少講少錯。如果長年係咁，你點expect 佢會點樣主動做啲乜嘢? 做咩都會有一番訓話。
有false memory 呢樣嘢我都同前任經歷過，不過個false memory 喺佢度唔係我度，有一次我地去間好迫夾既餐廳，有人要喺我椅背行過，我就tun 一tun 俾佢，事後唔知幾耐以後，前度就摷返出嚟講，話我tun 椅嗰吓黑面，反映我個人性格差好易嬲。老實講已經咁耐以前我已經唔記得佢講幾時，而且我平時唔會為呢啲嘢而嬲，佢要覺得我當下黑面，咁你鍾意點屈我就點屈囉，你話我性格差就差囉，我都冇辦法，我可以做啲咩? 就算有部cam 影住我當時既表情，你都可以做唔同既解讀，去到呢啲位只是口同鼻拗，而被批評嗰一方只能夠唔出聲，唔再加深分歧。
其實呢個世界上真係有啲人，你諗A 而佢諗B，思想唔同，溝通不到，佢覺得你唔明佢，你都覺得佢唔明你，「我唔係咁既意思」呢句話就會成日出現，大家辛苦。唔係有愛就無敵的，如果努力過都係照唔開心，如果冇仔女我建議放生大家，但你地有仔女，我諗去睇吓婚姻輔導，睇吓會唔會幫到。
5個讚
非常同意！老實講，個老公有乖乖返工賺錢、錫小朋友肯湊小朋友、唔搞三搞四、唔賭、冇家暴呢ｄ恐怖野，已經係優點。至少唔會cause troubles。有個安份既老公已經唔係必然，年中大家都聽唔少新聞啦。
我地女人on top有要求唔係錯，但其實呢d要求只係bonus。佢做到咪做，做唔到其實對一家人生活冇咩影響，有不滿都係同閨蜜呻下佢蠢咪算，唔好真係上心。
會退一步咁諗就會知足，心情舒暢返D 
4個讚
愛同喜歡唔同，大家要長期咁樣一齊生活，愛可能已經好模糊，有啲位甚至可以講話好憎對方又重覆犯錯，但心底裡仍然係喜歡對方呢點就必須，如果已經唔再鍾意一個人，你會睇唔起佢，忘記咗要尊重佢，有幾愛冇意思，相敬如賓都係一個要學習嘅課題
3個讚
夫妻關係有高有低，有時都關自己情緒事。我同老公結婚8年，一向關係都好好，但近來先經歷過低潮，咁岩走返出黎。
之前自己情緒唔好，覺得老公做咩都好剋人憎，情緒持續左幾個月，好似樓主咁，好小事就會放到好大，亦感受唔到自己再愛佢。覺得佢咁多年好多承諾都落空，都從來冇俾驚喜我，好多野講極都唔做，一係就扭曲我說話。越來越覺得距離好遠，溝通唔到。我失望到同佢提出離婚幾次，老公就唔出聲（我心諗：又係唔出聲）。
最近自己諗通左，情緒又好返，又開始覺得老公冇咁剋人憎。我逼自己放低執著，老公漸漸由剋人憎變到都幾好，我語氣冇咁差，冇咁咄咄逼人，老公都開始好返，夫妻關係又回復正常。
情緒唔好時，唔好亂做決定
情緒有時可以係關鍵因素。
4個讚
很醒目既人嗎?我覺得我都算係既…我同佢相處，我一定算係強勢，但唔係同個個相處都係咁
多謝你既分享…我都有分析過我老公係驚做得多就錯所以就少做少錯，當然佢先天係咁…到遇到我咁據理力爭既人…佢更加唔咁講野…
同埋你都點醒我既…呢種方法唔係愛，只係我好勝既表現…
謝謝你，我都有同老公提過婚姻輔導，我都想搵人點醒自己
我知佢對屋企，對個仔對我其實都好好…我好清楚，不過係我自己有D好deep rooted既expectation，我就係想同大家傾下，令我清醒D，謝謝你
老實講，我呢一刻真係講唔出愛呢個字，但我會講佢o係我生命中係好重要，係家人係伴侶
你係點令自己諗通ga?我都知個問題唔係單方面…我都有責任，我都想學會想通一點…