我都覺有啲伏伏地。 
謝謝你 你心地真好
我玩BK 都有20 年多
但我覺得近年氛圍不好
想轉來這邊
但由於剛轉場 之前不懂轉
所以不大會用
最近我的孩子都移民了
年輕時 我也很嚮往
現在老了就不想去適應
心情很忐忑
只是來尋點安慰
就是這樣了
4個讚
仔大仔世界
識上網就個世界好細咋，得閒視象下
你都想佢地生活得開心
上嚟丫，我哋陪你
人生有好多樂趣㗎，唔使圍住屋企人
你有咩嗜好？幾大年紀？
3個讚
我都想知你咩年紀啊？有無返吓D長者中心？都有好多興趣班，又可以識吓朋友
不過明白嘅，仔女唔喺自己身邊係要重新適應。會唔會考慮飛去見吓佢哋？旅行好開心㗎
我有D朋友父母都會飛去見仔女，去親最少1-3個月咁
多D上嚟一齊傾偈
唔知你咩年紀、但你識打字識上網已經比好多人好、肯接受新事物會活得精彩、去下社區中心同其他老人家交流、有好多連智能電話都拒絕用一味旨意後生就真係難過
4個讚
可以做義工，我奶奶有教南亞小朋友廣東話，好叻
4個讚
學嘢增值自己，我識人年過60，自己一個人生活，呢兩年開始上 ERB 學d新技能，最近學咗中醫美容，而家得閒就幫人推拿美容，搵少少外快，又可以幫自己保養，我見佢生活幾開心！
2個讚
選擇唔走前，有冇諗過呢個問題？
可以去享受、實行之前嘅計劃。
同仔女關係好，可以video call, 每年飛過去探佢哋+旅行。
妳奶奶勁叻喎
1個讚
我都建議過我奶奶做義工，佢話佢唔鍾意做義工所以唔會做
佢扺錫㗎，佢生活都開心同充實
點玩都好
一人回家對住四面牆
就很寂寞
香港地屋咁細，係要迫埋一起先開心？
鍾意小動物嗎？鍾意嘅可以領養一隻作伴
我父母自從我結婚後都做左獨居老人（兩老已離婚）
我媽都有講過類似的說話，所以我明你感覺
於是佢惟有周圍約人去玩，忙到無時間覺得寂寞
同埋佢改變心態得好好，我地大個有自己生活，佢照顧好自己唔使我地擔心，佢就安心
每人都係個體，唔應該太依賴家人，子女大有自己世界，就算喺香港都唔應該痴住
你有無咩興趣？我share左Netflix Disney+ account我父母，教埋佢地上youtube, 佢地夜晚通常睇下呢啲。日頭就去行山行街。我有日日zoom佢地，我爸話仲見得密過係香港。
係會好唔慣一排
但佢地話諗到孫仔孫女係外國生活得好過係香港，就開心返
加油呀，無聊時就上黎傾下
2個讚
有個朋友佢笑人移民、話移左冇人睇住父母、但其實佢4x 仲搵萬幾、欠債十幾萬… 冇錢先要痴住父母。如我仔女大了、我都寧願佢飛遠些去尋找自己人生及夢想、痴住我做乜。自己老左至緊要身心健康、及有少量傾到計既退休朋友一齊玩下食下relax 下已經好快樂
3個讚
呢個感覺我明呀，就算自己一個人住有時都會有呢種感覺，人之常情啊。我諗樓主唔係要怨仔女，只係寂寞起上黎果種感覺一時難克服。
3個讚
如果我啲仔移晒民 我就安樂晒了
我諗我都唔會走
呢度 始終係我屋企 …. 下刪一千字