海怡半島
康怡花園
鯉景灣
太古城
單支舊樓 (銅鑼灣, 西半山, 堅尼地城, 香港仔, 北角, 跑馬地)
產生呢個諗法係因為有自住需要… 但似乎可以負擔到嘅budget 喺現時market 買唔到心水… 咁所以考慮退而求其次, 反正都有啲資金應該可以投資到, 所以考慮下好唔好都買多一個單位, 但細啲, 然後租出去
意思係離開港島, 去九龍或新界? 唔想離開港島
選擇唔少, 樓主要首先決定 1) 要行得到地鐵,還是可駁程小巴, 2) 要屋苑還是可單棟樓, 3) 30+年可以接受還是要半新樓, 4) 要設施的話要幾多, 5) 對環境有咩要求, e.g.唔要樓望樓, 唔要近大街…
上面講的全部都得, 還有更多的, 問題是樓主的priority.
3個讚
港島僻啲嘅地方
多謝分享! 好好嘅思考system 
千二左右：
試吓太古城，雖然樓齡係舊，但名氣大，賣買都易啲。
唔好諗鯉景灣，十幾年前大維修搞出個大頭佛，
現在又再大維修，傾咗好耐，都未成事，無謂自尋煩惱。
千六萬左右：
可以考慮 嘉亨灣／逸濤灣 ，
好多選擇喎，睇你鍾唔鍾意大型屋苑、近電車路定純住宅區
近銅鑼灣向東揀、跑馬地果邊好d，灣仔好多條有d雜
港島新樓1200應該買唔到正常三房。如果講大型屋苑，炮台山城市花園都啱budget , 我唔會揀和富打後個一帶因為北角比我感覺好雜亂。
太古城都係唔錯既選擇，係舊不過衣食住行都方便，設施都啱小朋友。如果要買杏花村我會寧願揀鴨脷洲海怡半島，幾個站落到金鐘。
跑馬地單幢樓好難買賣，出入其實唔方便，亦冇乜for 小朋友嘅公園play group 。
1個讚