我仔細個(小學前)，我老公同佢講道理時，語氣重啲，我之後都會同老公講返，叫佢留意。
制水年代
當能跳出局外，就知道應該點做了
樓主，你其實冇心解決問題！
你個標題話搞到想離婚，
但係多兩講，你根本上唔想冇咗個老公，唔想離婚！
你冇真正保護過你個仔！
無論個仔係你老公親生，定係唔係親生
我都覺得好可憐
因為縱容個男人打呢個小朋友！
令到佢有童年陰影！
我真係好想知道你個IP address 係乜嘢
之後報警
因為你小朋友被虐待!
17個讚
我睇到想喊 
呢道嘅人真係好好
有啲真係有用嘅建議
希望樓主真係認真諗下早啲俾小朋友返學減少佢地見面嘅機會先
1個讚
搞清楚先:
-
到底本來係你想要小朋友? 定你老公想要小朋友? 定係因為長老想抱孫?
如果你老公根本唔想要, 佢覺得煩都正常, 不過唔代表可以虐兒 -
你個仔得兩歲, 所有父母都知兩歲最麻煩, 佢仲未知? 你要同佢解釋, 俾佢接受呢個事實
-
如果你老公唔肯改變, 其實你一日唔脫離男家, 仔仔都會好慘, 因為全家都支持打佢
-
冇錢萬萬不能, 我明, 但係你係<不為>, 唔係<不能>, 做女人唔等於可以冇收入冇經濟能力, 結唔結婚, 生唔生, 都應該要養得起自己!
要生, 就要諗埋如果得返自己一個養唔養得起自己+小朋友! 因為天有不測之風雲
你話冇經濟能力, 而你結左婚又有小朋友, 即係你對自己人生冇規劃過, 似係見步行步, 有人埋單有人養, 搞掂! 點知發覺中伏, 咁你不如積極諗下可以搵咩工, 或者進修下, 用最短時間令自己(+仔仔) 可以獨立生存
- 需要時間, 我都明! 但係仔仔長大GEI時間好快, 佢等唔到你幾年, 你最好呢一刻即刻開始諗自己要做D咩, 唔好再淨係想做少奶奶!
就算你老公肯改變, 唔洗離婚, 你都應該要開始令自己有經濟能力, 點都要俾多個choice自己同仔仔!
7個讚
只係想冇實質行動
樓主個仔唔好彩投錯胎搵著對咁嘅父母. 再係咁你地盞加速阿仔砍掉重練.
1個讚
形容得好好,中曬
3個讚
樓主自己都似係一成不變嘅人黎
1個讚
打仔當然不對, 但不是唯一的問題. 問題的根本是甚麼? 是老公有暴力傾向? 是樓主的育兒方式令老公不快?
兩夫婦在育兒方面有分歧, 既然生活靠老公, 又既然唔想離婚, 老公想仔規規矩矩的, 如果要求不是過分, 就盡量令仔配合吧, 唔好以為自己想點教仔就可以點教仔.
跪在椅上食飯真的不太好, 樓主竟然覺得沒問題, 上旋轉找張ikea high chair就不用因此被打了不是嗎?
父子最好減少見面時間, quality time就好了, 不需要quantity time. 下午可以帶仔出去放電, 老公下班前先吃晚飯, 老公回家就讓仔上床睡覺.
至於其他行為上的調教 (例如拍打電器), 一定有辦法的, 可以找專業輔導. 不要以為生得出就曉教, 育兒有大學問, 希望樓主認真學習, 為仔好, 離婚與否都需要學.
1個讚
你話個老公點都唔會改，咁其實仲有咩好講。2歲幾都打到咁樣，佢愈大你老公就會覺得佢咁大個都做唔好，只會打得仲金。如果真心有心保護個仔嘅就其實識搵方法，好多社企係會幫手，唔使下下一嚟就跳到住劏房，童年過咗就無，唔好諗住大D補救返就得，如果咁易就唔使咁多人睇精神科。
2個讚
咁你都有問題喎，兩個教既唔一致。而我覺得跪係度食法係好肯定唔okay,你話腳唔掂地，係應該買張適合的餐椅去解決，而唔係用跪去就
1個讚
又一個FTM的悲哀。你搵份譚仔做都兩萬啦，請個工人先$5000
1個讚
自己無用，衰d講像寄生在老公身上，自己無經濟能力就死去搵啦，都可以湊個仔上去d湊仔ee屋企度湊，放工先接返，多多借口。自己無能力真係咪做FTM，有乜屎都要忍氣吞聲食左去咁。
5個讚
如果老公係錫個仔, 咁樓主死頂都仲有價值,
但佢而家死頂死忍for nothing,
都唔算nothing, 起碼佢忍係為左長期飯票,
而長期飯票重要過自己個仔, 所以真係closed file
該主題在最後一個回覆創建後180天后自動關閉。不再允許新的回覆。