細時想做賢妻良母每朝煮早餐之後送老公返工仔女返學
大啲就想做個女強人、呢個名好耐無聽過
結果做左普通上班族
而家就係一個唔愛煮早餐既c9
1個讚
小學嘅夢想係做「老師」。但到中學發現好多老師其實都唔好…
另一個最想做畫家，創作出藝術品果啲。但工作性質都有少少關係所以算半達成?
細過FF過賣魚蛋；做貿易公司員工但大過知係點不了。有FF做少奶做有錢人但要睇人面色同埋自己冇錢冇渠道
中學時代到而家一直好想做空姐, 以前in過但fail左之後冇試
成功左ge夢想係做奧運義工
另外以前羨慕人地可以去外國working holiday/做野生活；而家响uk叫做達成夢想
4個讚
細個睇科幻片睇得多
成日都諗如果可以做NASA就威囉
到中學嘅時候一上physics
讀極都係佢識我，我唔識佢咁，就完全放棄咗 
都唔開心咗一陣架，心諗點解做NASA要識physics wor~
想做嘅工作，有試過但唔成功。
後來做埋媽媽就無再諗了，更加鍾意媽媽呢個身份
4個讚
- 好細個時想做香港小姐。
- 小學時想做老師。
- 中學時想做專業人士。
- 大學時想做文字工作。
- 出嚟做嘢時想搬出嚟一個人住，有個空間種吓嘢煮吓嘢。
1同2 未試過實行，3 試過但唔成功，4 成功咗但不外如是，轉了行。5 成功咗，好爽皮。
現在既夢想係提早半退休，去東南亞教小朋友，可能嗰時會實現埋2。
5個讚
細個夢想做護士，到依家都想㗎
不過細個讀書唔叻，又被個護士表姐嚇怕咗，所以冇好好努力實現
如果可以返轉頭，我會努力的
細個想做畫家，雖然長大後唔係靠畫畫搵食，但都仲有keep住畫吓嘢
2個讚
夢想唔使一定實現，個過程都重要㗎
1個讚
由細到大冇夢想，從來只有現實
無喎，貧窮限制咗個幻想，無諗過
1個讚
有呀！達成咗！而家又有另一樣野想試，應該都得嘅只係唔知係咪真係適合自己
我既夢想係冇病死意外死
瞓著自然死
1個讚
呢個直頭係理想嚟！以前唔明，經歷過身邊有生老病死就明曬喇！
1個讚
細個想去英國 去central saint martin讀書
都算達成左一半 不過唔係去CSM
1個讚
死啦由細到大都無夢想，真係同條咸魚無分別。
不過一直都好鐘意小朋友，好想做媽媽，但成為媽媽後，真係發覺唔容易。
3個讚
我的志願寫社工, 只係應酬交功課, 從來唔係志願,
真係諗唔到曾有咩夢想, 我反而好羨慕大家仲記得自己曾有夢想(有冇成真都唔重要),
夢想係童年一部份
1個讚
細個夢想好簡單， 嗰時阿媽成日同我剪短把頭髮， 搞到我日日畀人笑係男仔， 夢想就係可以唔使畀阿媽管住留返長頭髮
咁快已經諗到小朋友
只係好印象深刻嘅事