哩段新聞你點睇？
唔用有冇月經去定義，用xx xy去定義，呢個係無可改變嘅物理事實，唔會因為你自覺係女人而改變到，即使做左手術，體格上都係同真正嘅女性唔同
如果跨性別人士心理上係女性，但生理法理上依然係男性，咁佢應該用邊個廁所？
當JK用月經個例子黎講有啲極端，唔排除有女性係真係唔會黎月經。
但當一個跨性別人士生理法理上依然係未跨性別黎講，咁應該要點樣去定義佢係男人定女人？
其實我好同情跨性別人士，亦都好尊重佢地，但尊重嘅同時唔代表我接受到同一個生理仍然係男人嘅跨女共同使用更衣室之類。
就正如以上我所講我接受唔到，咁係跨性別人士眼中，我係咪就係歧視緊佢地？
但當建議整個中性運動會俾跨性別人士不論男女都可以參加。可能佢地都會話你歧視，因為你唔認同佢跨完嘅性別。
1個讚
如果佢做咗手術，身份證都改埋女，我會完全當佢係女人，好ok一齊用更衣室
如果唔ok我係當呢個係歧視行為，當然去唔去到口誅筆伐就係另一件事。
但無論如何，未討論就先聲討，玩杯葛，然後下下以個身份去大人就唔啱
我講嘅係未做任何手術，身體仲係男性嘅跨女，你接受到一齊用女更衣室嗎？
接受唔到
但我哋都會被左膠攻擊
用返樓上朋友xx xy 黎做例子
如果一個人：陳述不論跨男/跨女做完完全嘅變性手術都好，都改變唔到佢本身條染色體 哩一個事實
唔知對於佢地黎講又算唔算係歧視？
其實yym 嘅問題已高於大眾所理解，絕對唔淺。幾十年前gender studies入門已講緊gender sex兩者分別，gender係社會化嘅認知，sex就係生理上。所以「你認為」自己係咩性別就係咩性別，唔需要將生理上嘅sex改變。所以歐美甚至香港(不過香港係唔係基於呢個認知我唔清楚）好多時填表已用gender而唔係sex.
當然，社會運作係無可能咁做，歐美左膠暫時都未去到呢步（fortunately), 亦有你一開始講嘅必須要有官方性別分辨程序
我接受唔到基督教，又唔見有人話我宗教歧視。
總之歐美式性別/宗教歧視定義係左膠話你係，你就係
1個讚
就正如天生男性都有強姦犯，變性人都一樣會犯法，唔能夠話一個變性人犯法，所有變性人都唔應該存在
而且會唔會做犯法行為，亦都同性別冇關，係個人行為，希望唔好再用「跨性別人士會犯法」嚟做前提
生理上係男性，即係未做性別轉換手術，法定即都仲係男人，咁當然係用返男廁
但係外國而家有地方係會向男廁同女廁中間加多一個「無性別廁所」，就係方便啲唔屬於男性及女性嘅人去用
當然香港係好難實行，地方細，對多元性別認識又唔普及
其實好地地向條街度見到個人，都唔會無拉拉去定義佢係男人/女人/gay/lesbian/transgender
講到尾，你嘅疑慮係擔心自稱係跨性別人士，但又未做性別轉換手術，而又共用女廁/更衣室之類嘅地方
咁其實佢哋係知道條線向邊度，一日未成為法定女性，做呢啲行為即係送自己去坐監
但我唔能夠話「所有」跨性別人士都守住條線，就正如亦都有男人會去女廁偷窺咁，明知犯法都去做
我都唔接受，仲未做手術，仲未係法定女性，當然唔能夠同你共用廁所，個個男人都自稱跨性別入女廁咁仲得掂，咁樣唔係歧視
亦因此法例先要規定做咗性別轉換，生理上都係女性，先可以改變性別，用女性嘅身份入女廁
所以你又返番去同JK Rowing同一樣去理解，就係只接受生理上天生係女人先可以定義為女性
而我接受嘅定義係心理生理法理上去定義
大家都冇錯，每個人有自己觀點都正常，所以我都話Rowing亦都有權表達自己嘅觀點，只係我唔認同佢啫
可以唔認同佢只從生物角度睇、但點解要咁攻擊、我都唔明中間發生左咩事、無深究、令人好反感
如果就咁咁粗疏用我認為，世界大亂都似，今日我認為自己係男人聽日我認為自己係女人，想點都得啦，我冇讀過gender study，但就咁聽落去好危險喎呢件事
如果個強姦犯用跨性別呢樣野作掩護呢？
明白，我係假設概念上已經認定佢地會犯法，哩樣野係我錯，另外我都有少少明你嘅意思，thank you.
好奇想再深入問一問，如果當跨性別人士幫自己爭取可以避免手術而法理上可以改變其性別，你又點樣睇？
因為大家都知道，手術有好大嘅風險，而且係個不可逆手術。
咁呢個係無可改變嘅事實，即使做左手術都冇可能同一個真女人一樣，佢只係指出呢個事實啫
我接受第3性別，既唔係男亦唔係女，但接受唔到本身係男但之後話自己係女
我跟法律，總之你轉咗做齊所有嘢，我當你claim自己個性別，亦會誓死捍衞你權利
唔認同佢係我嘅opinion，至於其他人點解要攻擊佢就唔關我事，但我可以嘗試推測下：
因為本身佢係支持同性戀，而講親呢啲議題都會成個LGBT嚟講，T即代表transgender 跨性別人士，大眾會有expectation佢亦都係支持跨性別人士，所以當佢嘅言論有唔符合大眾嘅期望時，大眾嘅反差感就會好大
而且佢都係個德高望重嘅人，說話當然有番一定份量，唔似我哋呢啲網上討論完就算，聽日都唔會有人記得講過啲咩
佢嘅說話係會比普通人放大好多倍，聽者嘅感受亦都同樣會放大好多倍，反感嘅感覺亦都放大好多倍，我覺得就同肯爺果單嘢（White lives matter）情況好似
1個讚