我覺得係 但佢好怪 平時成日話辛苦 到我地唔使佢再做任何野 佢就發晒癲話 咁咪坐喺到冇嘢做等死 冇寄託
有個親戚都話佢有 佢出街會做好令人尷尬既野 以往唔會做 例如試梳化會除拖鞋單腳踩一踩
去食野 覺得唔好食會話難食直接吐出黎 再批評邊間好同唔好
行路會不停擔天望地 擠眉弄眼咁唔停 精神好緊張
以前唔使帶口罩日子 會隨街用手指尾撩鼻
把口同以前一樣咁惡毒冇變 係脾氣差左好多 人地1句說話佢就大聲咒罵人 仲會係咁唔停自言自語叫人早死早著 死剩種
冇人夠膽埋佢身 個個比佢鬧晒
同佢去做個測驗睇下就知，其實健忘咪就係腦退化先兆
說服到佢先測到 惡到咩咁 怕左佢 佢鬧人可以唔停口 好癲架
搵老人中心嘅社工,去你屋企探下你家人,等佢哋鑑別一下
65咋喎
我屋企有老人家，唔係太老，六十尾
又係健忘，講講下野斷片咁，對家人好惡，成日乜人都睇唔過眼，唔會有朋友。
家人夾佢去body check發現原來有腦cancers
個腫瘤壓住令佢個人跳曬掣咁，日常事都搞唔掂，一check已經唔建議治療，等時間到。
如果有方法氹佢去check就要快快安排，睇下係腦退化定其他問題。
我識一個老人家，一接近晚上，就會惡化，會好惡鬧人！好明顯的，5、6點就會開始出現，表情都唔同
同埋好鍾意同你講反話，你話係佢就話唔係，問點解佢講講下就唔記得講緊咩
不過呢個case失智左已經好耐，唔係初期
確定不是性格，好好正視帶睇醫生
一模一樣呀 佢以前估腦有過腫瘤 面家好返了 但有邊聽力得返2成 經常聽唔到人講野 堅持唔用助聽器
加上多年前更年期開始 愈來愈衰 開始個人好緊張 而家脾氣衰到一訓醒好似食左火藥咁 周圍搵人鬧
有時又會突然好開心 講唔停好煩 到夜晚會特別惡呢樣係 佢講過話有病唔想知 一走就走就好
講真 我對佢冇咩感情 佢繼續鬧我放棄架啦
我只是盡返我責任
咁而家都有呢個情況啊 表達能力有問題 出街要搭車既就一定蕩失路 但堅持自己冇記錯
活動範圍只係屋企附近先記得 惡呢樣佢對家人架咋 對外人好有禮貌架 只係一走左就即刻同我講人壞話 又會講埋人住邊 仔女老公又點 我聽到話佢煩 人地野唔好理啦 佢即時鬧我
每日生活只係發癲 講人壞話 同睇txb 新聞台 日播夜播 開到大大聲黎鬧
你應該都好辛苦，盡量啦盡孝，你冇欠佢嘅，得閒自己出去抖啖氣，唔好困住間屋對住佢
1個讚
你唔駛話做檢測，其實只係一D簡單問題問佢，佢唔會知，例如你問佢由100開始，每次減7係幾多，今日星期幾，測腦退化有堆問到做初步評估
2個讚
脾氣變差同成日鬧人係腦退化特徵之一，趁早帶佢去check下。
我有個朋友之前同我呻佢阿媽既野，例如小小野就發哂癲，我問佢係咪腦退化，佢答我佢阿媽幾十年黎都成日脾氣，點知幾個月後真係証實係腦退化。
1個讚
好明顯腦退化，快d去睇老人科，我推薦戴樂群醫生，不過唔知佢仲有無做了。腦退化無得醫但有藥食可減慢退化
2個讚
40歲都可能有。我都成日懷疑自己有
1個讚
所以我而家返夜班 費事接觸佢 就係放一日佢都發癲 休息出小次街都唔掂 加上屋企另外個老人學人臨老包二奶多年 搞到佢都傻傻地 個妹又話離婚搞到好大壇野 個女就要老人家照顧埋 佢都話自己好慘
到話唔使佢咁辛苦啦 佢又發晒癲話 自己咁有咩做 坐係到等死呀
65歲真係既話太早了,
你問佢, 100-7 等如幾多
再減7, 答完再減7,
如果93之後都答錯, 或者好耐先答, 你都係有心理準備
呢條問題, 基本你帶佢去睇醫生話懷疑腦退化都會問
你可以帶佢睇家庭醫生, 話比醫生知, 佢情況
轉介老人家入醫院(個次我係去急症排隊, 入院), 之後會安排各類野睇(急症之後到安排各煩野睇都講緊2,3個月內既事)