買左backstreet boys 嘅揮手

Brian聲帶係咪有事?

聽朋友講好似係傷過

佢地套紀錄片有提過係聲帶附近d肌肉有事,已經10年前既事,依家把聲好似仲差左咁。睇YT 其他地方既DNA tour,都係下半場到佢把聲開始好沙好擦,唔知會唔會惡化落去

好多年前brian係youtube講過,brian聲帶附近的肌肉放鬆唔到,佢有做treatment, 但效果好似麻麻,第一晚頭半場都ok, 下半場又差返。backstreet boys套戲都有講,brian治療時講到喊左,喺套戲Nick因為開會討論邊個唱,Nick同Brian鬧交

套紀錄片,nick同brian鬧交睇到好傷心

好開心係終於有機會聽到現場版嘅get another boyfriend, 當然get down, it’s gotta be you, the one, the call, dont want you back先係一流嘅快歌,但get another boyfriend都好鍾意

get down, AJ現場rap真係好正

我覺得NICK好衰, 鬧交時提起BRIAN既傷心事, KEVIN都話佢咁樣brought up左兩個argument, 話晒BRIAN曾經係佢既mentor, 佢D態度真心差, 諗到佢同細佬AARON鬧交時個樣…其實好可惜, BRIAN唱歌把聲真係好好聽

我係第一次去睇佢地concert, 現場聽返咁多首經典歌好正, 每首都好鐘意, 個個都仲唱到跳到, 冇hea場。AJ D rap仲帶動到個氣氛, 佢一rap D人就尖叫。我中學時好迷佢地, 畢業後就冇追佢地好耐啦…係耐唔耐會睇到佢地D新聞, 套doumentary都係尋日得閒先睇下 :rofl:

係brought up左邊兩個agreement呀?Brian真係好慘, 隊band一出, Brian當亞nick係細佬, 同埋Brian把聲絕對係佢哋大紅的關鍵之一(當然nick都係因素),可能nick覺得自己靚仔都孭起成隊band,無放Brian在眼內

應該係由tour選曲方面, KEVIN話NICK已經嬲到條頸紅紅地? 我冇仔細睇佢地嘈既內容, 當大家都各有意見時, NICK就突然提起BRIAN聲帶既事。其實我都係因為NICK先鐘意BSB, 再因為BRIAN唱歌好聽同埋佢又跳皮搞笑更加鐘意。依家人大左, 反而鐘意KEVIN同HOWIE, 覺得佢地幾lay back同穩重, NICK好多醜聞就對佢冇咩好感lu。我覺得佢因為自己隊裡面最紅, 有D "hill"既, 有話事權咁囉! HOWEI係最唔出聲o個個, 因為佢唔係最受歡迎…

唔該晒,因為我都唔係完全聽明晒Kevin嗰段。

我都好鍾意Howie, 有同路人太好啦,bsb初出道,佢係最唔靚仔,但其實佢對眼好靚同外貌keep得好好,聲都係。有時覺得佢係五個中冇咁受歡迎覺得有少少慘,希望佢多d人支持。

我初初估澳門會有一場,點知無,可能上次唔太搵到錢,本身重密切關注澳門嗰邊。

今次好好,連it’s gotta be you都有唱,同埋聽到get another boyfriend現場版太開心,get down有唱rap嗰段同all i hv to give再有帽子舞都好驚喜

Howie真係5個裡面外貌keep得最好, 睇唔出原來佢已經49歲, 套戲裡面有提到原來佢原本係主唱, Brian黎左後佢變左做和音, 真係替佢唔開心。加上高度有D輸蝕呢…變左唔係咁起眼囉! 演唱會咪好多人舉起手機影既, 但到Howie solo時, 冇咩人舉起手機影佢, 我即刻舉機影佢支持下。

原來佢地15年冇黎香港開演唱會啦…仲以為自己中間miss左潻, 我記得08年?佢地黎香港開我剛剛要飛走, 睇唔到好可惜。其實我見香港場山頂都有幾個block d位賣唔出封左, 所以我都擔心佢地下次仲黎唔黎, 要我去澳門睇又未必有咁大隱。始終佢地唔黎香港開的話我係會有D嬲嬲豬架 :rofl:

get another boyfriend我唔熟呀…係邊個時期既碟D歌? 段帽子舞好經典呀…即刻諗起段MV, 去演唱會前我上YT溫返佢地DNA tour d歌, 首drowning好鐘意, chances都好入耳。話說我o個日自己一個去睇, 可能太耐冇睇演唱會, 舉機拍video時唔記得熄閃光燈, 比隔離話 :rofl: 大鄉里咁

好可惜, 佢唱歌幾好聽

佢唱Get Down把聲已經好拆 :cry:

我覺得BSB嘅歌好聽嘅好大原因係Brian唱歌好聽
當然Nick個樣係吸引到好多fans嘅, 但如果唱歌比佢揹重飛, 個效果應該會差好遠

Howie出嚟講嘢,我有大叫Howie支持佢,不過佢戴ear mon聽唔到,我覺得佢係被忽略左,因為以前嘅Brian唱得, AJ除左有TAKE嘢同飲酒嗰期明顯差之外,其他時間都好得(我覺得今次演唱會,AJ真係好得),Nick有樣有唱功,Howie好似比下去咁,好想Howie多d人支持,佢唱How did i fall in love with you都好聽,但成日比人忽略左

印象中get another boyfriend係black and blue嗰隻

佢哋唔記得2006/2007/2008嚟過一次, 一場(unbreakable tour, kevin未回歸)

201X年嚟過一次(THIS IS US WORLD TOUR), 好似兩場, 我睇左一場,企第二行(買飛係用ZONE計,冇劃位,好早去排隊,宜家要有位,以後都冇可能買到咁近了),好後悔香港只買一場,之後澳門開,過澳門睇

今次睇兩場, 以前細個覺得BACKSTREET BOYS係遙不可及,估唔到有親眼見到聽到嘅機會。講真Nick嘅靚仔樣,unbreakable tour時仲可以叫好靚仔,上次企第二行已經唔係靚仔嗰種雙眼離唔開嗰種了。

所以我覺得某程度上係補償細個冇機會見到佢哋現在有機會睇要補返的心情

佢今次唱live好得

Nick算唱得,但覺得佢唱得太過用力,如果收少少會自然d

AJ 真係好得,好似見返AJ初出道嘅唱功咁,THE CALL, GET DOWN段RAP, 如果AJ能夠唱得返I WILL NEVER BREAK YOUR HEART MV嗰個版本,特別係臨完場嗰部份就實在太好,嗰個版本真係頂級

我都係咁覺得,所以我唔太鍾意聽incomplete

Nick個樣已經殘, 老得快, 可能同佢以前又drug又酒有關, 但唱仲係OK。始終娛圈就係睇樣睇身材, 仲要當年咁多妹妹仔, 冇辦法。

我都奇怪點解冇企位, 橫掂D人到時實企晒起身。我第一次去睇佢地, 買$899對我黎講已經係好捨得, 同你一樣覺得圓夢feel終於可以見佢地真人, 原來201X年黎過架, 我睇新聞又話佢地15年冇黎過既, 搞錯晒。

我睇到片有人去接佢地機, 唔多fans保鏢, 好易就接近到佢地, 好羨慕呀…唔駛比5千蚊就可以同佢地影相有簽名啦…

點解而家外國歌手演唱會冇企位?