因為個地產商介紹果時, 話皇帝張床都係得半邊
1個讚
其實十幾廿年都唔會要執好多掛
我明而家尼代想要乜
一入屋光鮮, 周圍入伙既人同自己差唔多條件
成個感覺精神好多
正如去旅行俾我揀酒店
- 大D但舊
- 新D但細
我都會揀2
1個讚
我舊居都係咁，以前啲人識入荀，唔使一口釘都好實淨。
細個就覺得好玩，爬上爬落，又有私隱度。但大大下就唔想再爬。
2個讚
去旅行我首要係方便。
所以喜好既既嘢好個人，佢地鐘意新淨擺首位都冇話對錯既。
再加上而家既後生好多都諗住唔生，可能又覺得唔洗預咁多位掛。
以前我細個窮住碌架床，枱都冇張功課都係上層做，最憎一日爬上爬落幾十次。
到我自己有小朋友後，好自然地想俾張正常既床佢地唔洗上上落落。點知裝修前仔女同我講想要"樹屋床’'
真係理解唔到。
1個讚
我揀交通方便… 
同地點…舊我都OK
久不久玩下…同日日咁做又點同
其實唔係間間舊樓都舊到唔住得人，唔使下下全爆嘅
同埋我有朋友問過，做個閣仔都唔平架，咪又係錢
我都係想講呢句。
同埋有時舊樓係就大啲，但如果管理處管得唔好會有好多衛生問題，例如我見好多舊三四十年都有曱甴老鼠問題。同埋都要睇埋鄰居質素，有時啲舊地方多老人家，年輕人唔鍾意。
再加上三四十年樓，下手唔知點做按揭，又可能要維修，難放。
俾我揀，我都揀新樓或者半新樓，但起碼三百呎以上。
2個讚
我細個總係好羨慕人地屋企有兩層
(親戚住寮屋, 其實地方唔大, 硬係覺得屋內有樓梯上上落落好正咁)
宜家大個, 睇到台灣有d 單位都係咁樣間上層閣樓做睡房
依然會覺得好正
但係人地台灣d 樓同香港比係樓底高
可能講緊有3.6 米或以上先會咁玩
香港新樓都好少有咁高樓底
仲整閣樓, 都好壓迫
佢哋可能鍾意嗰種大堂閃下閃下好golden嘅感覺
呢啲嘢都興左十幾廿年了
呢間屋真係，淨係可以比瘦人住
大廈維修可以將地下大堂裝修到好靚，要幾閃有幾閃。
1個讚
係喎，我個friend啲舊樓都係咁
1個讚
係~
有廿年樓齡既屋苑既大堂都係咁
但宜家睇會覺得有d 俗 
1個讚
我仔都話想瞓碌架床，但佢無兄弟姊妹，我嗰下直程想小佢，我同老公都係瞓上格床大，無佢咁幸福 
我細個都有講過呀媽真係買之後勁後悔。我個陣都係無兄弟姊妹。
同埋細個見人帶眼鏡好想帶眼鏡，之後大個又係後悔做左矯視。所以我都明宜家啲細路
1個讚
我諗起以前有個客，佢個女十六歲去宿營見到碌架床喊，唔肯瞓，話危險
個coach想車巴佢