其實如果你bb超曬生長線，你擔心佢過肥仲好啦
一陣到咗厭奶期佢唔飲你咪仲擔心
放鬆啲～～～～
四個月B夠體重，唔會低血糖㗎喇
谷得過肥反而對佢唔好，將來患心血管疾病個機會升高
第一次做媽媽好多嘢唔識，BB又唔識講，擔心好正常
有唔明再喺度問下人
人類可以由BB長大，就係因為BB有求生技能，肚餓或者唔舒服識喊。 咁樣諗自己可以放鬆啲
1個讚
我唔只用手指探鼻息
仲會放埋隻手喺佢心口感受佢有無起伏（呼吸）
1個讚
我都會咁樣，而家兩歲都仲有咁做
明白媽媽會好緊張BB，但聽你咁講，其實BB生長得好好吖，你可以比個叻自己先！你湊到佢肥肥白白喇！
BB其實好直接嘅，佢餓一定會話你知，既然佢已經係大隻B，更加唔洗擔心。最重要係你觀察佢每日瞓醒係咪識笑、識回應你，個狀態係精靈正常嘅，其他嘢都可以放鬆啲，每個BB都有自己style，有啲爛瞓有啲唔瞓，有啲大胃王有啲㨂飲擇食，總之佢精神好就ok啦
自己湊係辛苦的，如果有人可以幫輕你一兩個鐘，休息下食個tea，個人都會輕鬆啲的
1個讚
我小朋友而家高小我都會咁做
1個讚
我以前第一胎都好緊張，仲要自己一個湊（豬隊友去了外國公幹），父母又不在身邊…好辛苦。
之後三、四年才找社工傾。
所以樓享主如有家人幫手，嘗試讓她們幫你照顧一下小朋友，你自己睡個小睡，吃點零食，睇下電視放鬆下自己。Happy mum, happybaby呀。
1個讚
要放鬆啲啊媽媽！BB肚餓會有方法叫。
你瞓多啲，精神好，笑多啲，BB都會感受到㗎
跟返護士講做
睇好多回覆話4個月食800好多！？
我宜家個個一個月多dd食緊六百幾到七百幾。。
死啦。。我係咪都過多？？
但係生長線中間都唔到。。。但係合格
好簡單 BB 餓就會喊，餓就你想佢瞓耐啲都難，feed on demand，佢瞓你就 me time 下，唔使唸幾時又要餵嗰啲咁大壓力，佢有需求係會用喊聲話俾你聽嘅
遲啲加固仲多嘢煩，再遲啲又睇佢講嘢點呀學嘢點呀同人交流如何呀，做媽媽條路好漫長，有啲時候可以佛系嘅就放鬆啲啦
我仔已經歲幾，仍然會咁做
我仔2個月已經6.46kg
健康院嘅建議我照跟 奶量唔好再加…
夜奶佢唔食就唔刻意喂 佢瞓就由佢瞓…