同意 越北上治安越差，初初搵地方落腳都有考慮Birmingham，但係睇新聞嗰邊罪案比較多，最後打消念頭都係去南部，南部天氣冇咁凍多陽光啲，呢邊治安都OK，感覺冇揀錯地方。
如果樓主真係擔心治安問題的話建議你來南部考察下
2個讚
八九十年代嘅香港可能都係英國嘅縮影。有太平高尚嘅地方，也有三不管地帶。
以前香港好多地方都係治安唔好，我記得 廿幾年前 大角咀剛剛起咗 HSBC，一堆舊樓入面有座咁靚嘅樓，當年有HSBC 朋友被 tranfer 到大角咀新 office 返工，佢講第一日返工就有差佬上來公司 做 training, 提醒各位 OL, 條裙唔好咁短，小心手袋和銀包，晚上收工唔好自己一個人走。有一段時間，有三部警車泊在樓下 standby.
廿年後，舊樓拆晒，周圍都係貴樓，仲有機鐵站。我想講，在英國 most likely 都係同一個 cycle, 你初初來到，香港人比較少，係有啲啲風險，但過多幾年，真係有一百萬香港人在英國，成個社區就會有好大改變。
2個讚
嚟之前都擔心過呢d問題
嚟到之後覺得比想像中安全，出街成日拎部電話出嚟撳都無問題
不過夜晚就好少出夜街，都有少少驚
同埋英國d童黨真係好恐怖，究竟係教育定家庭問題
普遍呢度d青少年感覺都係壞d
童黨個啲應該父母唔理
呢邊有人理嘅細路好少會自己出街，父母帶住係附近踩單車就有
就算中學，一係校巴，一係父母車走
就算約同學去邊玩，都係父母車出車入
自己搭巴士有，但用成間學校咁多人比，只有好少係咁
我覺得正常家庭睇得細路好緊
其實睇地區啦，我哋住地區罪案率算低，但都會有刀仔傷人，入屋偷野都會有，所以我哋好少出夜街，因為夜晚成條街冇人，都幾驚，我哋唔會用名牌野，衣著都係Primark 貨，睇落唔似有錢
1個讚
出入揸車安全好多唔係好怕，特別冬天
1個讚
財不可露眼，全世界通用
我呢區唔同，大部分學生都係自己放學，好少家長接送，但係學生真係好曳，我囡學校已經outstanding, 放學時，1堆Y11學生走晒上巴士上層，已經冇位，全部企晒响上面，好彩有老師响下面，叫佢哋落番去，唔係就唔開車
係呀，我哋比錢通常用contact less, 我哋會用手錶比錢，但如果去度細雜貨店，水果店，我都唔駛用，攞番張安全d ，我驚有人搶我隻錶
1個讚
我哋冇車
我個間如果自己放學，步行距離多。
搭巴士可能十個八個。當兩班巴士，應該最多二十零個
啲本地同學會約我個去街玩。四五個人
大家講好去邊玩，玩幾耐，幾點接走。多數係 shopping centre，嘉年華玩三幾個鐘食埋 lunch.
父母跟時間去車返佢地走
或者係人地屋企睇電視，屋企附近公園野餐，都係父母接送。冇係街流連
2個讚
我區治安好，都係好多stubbing，聽得多就慣咗了，都只係流於新聞上見到，無實際發生喺身邊人身上。
實際有感覺嘅係偷嘢。偷車，入屋偷嘢呢啲，間唔中就有鄰居中。你當呢個係一個行業，要預咗佢一定會發生。
有個香港建築師講得好「唔好搞咁多防盜，防唔到幾多，用啲錢買盜竊保險仲抵」
即使係咁，我都係同小朋友住得好開心。俾人偷咗嘢，笑下就算；律師文件個金額少了個零，笑下改返又算。改變自己價值觀 ，發現原來一切都唔需要太好，係香港人要求太高。
2個讚
又唔係嘅, 取易不取難, 人人都有就要有
係嘅，搞啲基本嘅，但唔洗搞到好嚴密用太多錢。同鄰居差不多就可以
係哩邊除左童黨之外，其實都覺得好安全。
令我想起三四十年前既香港，果時童黨又係社會性問題。
後來隨著打機文化普及，個個宅在家先自然消失。
1個讚
錢財是少，嚇親是大，最近有gp 友話，佢哋比賊入屋，响廚房門入，屋企得佢個囡，佢個囡大叫一聲，就即刻跑左出街，屋企比人偷好多野，阿囡都嚇親啦
其實喺外國住apartment係咪相對安全D?
起碼無咁易俾人入屋
呢邊打機文化都好普及，正常好少見小朋友係街。至多係自己花園玩波
童黨可能真係家庭環境好差，冇父母理
個女係大小定小朋友？好彩佢識跑出街
我聽啲華僑講個賊係樓下偷野，佢地呢係樓上
搞到我又想裝鐵閘
如果好多 stabbing, 唔算治安好
多數發生係 city centre 例如火車站, supermarket 同埋有目標性例如學校
好少聽區內，好區嘅 high street 都冇乜聽到
不過好差區都好，入夜少出門。好區更加，個個都揸車，係條街有事都冇人