Milton Keynes 4歲女孩被狗咬死。。。

可能因為英國人摸狗下巴,所以咬 c左

諗落自己都幾好彩,識行就開始四圍摸狗,尤其係以前鴨寮街行去等校車同埋新界村屋,特別多看門狗。大狗細狗藏獒 pit bull 都照摸。
換做係我仔女咁樣摸,我都應該會暈倒地上,心臟唔知停頓幾多次 :joy:
不過可能玩狗玩得多,好容易留意到狗神情同姿勢。硬梆梆嗰啲我知道要保持距離,同埋如果唔熟嘅狗,一定唔會塊面貼過去。
我相信大狗脾性穩定過細狗,細狗好容易被縱壞 (e.g. 玩具狗/臘腸/松鼠),冇規矩,同埋有 size insecurity,其他人高佢咁多驚就會發癲。
不過最驚都係啲飛來橫禍狗,可能本身有狗帶,但可能見到你一個大動作,或者畀身邊嘢嚇親,突然橫衝直撞亂咬。見到小朋友可能當係兔子/獵物。

呢個真係完全預料唔到。

1個讚

我好怕狗,係香港時原全唔會摸佢地

係 uk 鄰居同事都有狗,唯有扮鍾意 :persevere: 第一次摸佢地時,心臟病發咁滯。原全唔知摸邊

我本身好怕狗, 就算好細隻既都吾敢點, 黎到反而ok, 隔離屋隻狗中size, 有次同街坊傾計, 隻狗一直想同我玩, 我竟然會笑。 佢係咁攞佢個公仔俾我

慢慢嚟,怕狗係天生,唔使迫自己克服,唔係冇愛心就得

呢邊啲狗乖過香港個啲,我而家都冇咁驚

1個讚

可能就係E邊d狗乖d, 就尋日見隻狗仔會跟住主人過馬路, 主人等轉燈又識停低同坐係主人身邊。 係tube又係坐直係地下, 吾會四圍行, 亦較少見到周街痾

我覺得係好多狗係工人帶散步,工人都係奉命行事求其行完就算,唔會管教隻狗。英國屋企少有工人,有嘅話都唔洗出門口屋企後花園大把地方行。同埋傷人嘅後果好嚴重,唔睇緊啲分分鐘俾人告到甩褲。

1個讚

好心寒

唔好意思,我個人係驚大狗
我想問呢個情況會唔會發生:
俾手佢聞嗰下,其實好近佢個嘴,會唔會一野就咬落黎?

正常狗唔會,不過我唔會咁做,所有大狗我都唔會行近,細狗都唔會摸。
我養過好多品種,洛威拿都養過,對住主人係baby咁好乖,但你問我我都唔擔保佢唔會咬你。
而一般主人亦會錯誤判斷自己隻狗。

2個讚

多數都唔會,佢個好奇心會好大會聞

大狗如果第一次見,吠人勁大聲,我真係驚。如果主人唔係則邊,唔好搞我

呢邊啲狗見到其牠狗都好冷靜。
香港個啲係狗公園一見面就又吠又追

正常唔會,如果想咬人,你行近少少佢啲 body language 已經顯示佢唔係放鬆狀態。見到你隻手佢會好似等待機會咁,慢動作扭頭然後出動。
都係嗰句,你 feel 到唔對路唔好搏。狗 feel 到你驚,佢嘅反應都會變,fight or flight 二揀一。

1個讚

該主題在最後一個回覆創建後180天后自動關閉。不再允許新的回覆。