佢出世已經發展遲緩，其實諗返當初怕佢唔識行唔識講嘢，咁而家呢啲都做到其他都唔好再強求咁多。由細到大已經做好多治療同訓練，而家升左中好難叫佢做嘢，因為佢唔會聽人講，九成時間唔理其他人，性格係好偏執，包謚頸，我有時同佢講嘢都覺得好頭痛，覺得好嘥氣。
2個讚
我心態一樣，佢手肌又差，個人冇乜力，我都幫佢諗緊第日有乜工啱佢做。我又有諗有冇機會識到個好男仔會好好照顧同愛鍚佢，不過佢唔多理人，分分鐘係屋企宅一世
1個讚
咁一定係唔嚴重好好多，有時諗都係盡量幫佢鋪排下將來可以點，但佢做唔做又係另一件事
連朋友都無嘅話，好難有伴侶了。我都預咗仔無伴侶。佢識到一兩個可以照應嘅朋友，或者佢無朋友但獨力生存到都ok。
不過我自己係反例。我性格固執，無咩朋友，由細到大包括而家都唔聽阿媽講。不過因為我嗜好好宅男，我又做IT，所以可以同男同事講宅男話題。IT公司無咩女性，所以我都可以突圍識到男人。
3個讚
我當初都係希望佢係呢度重新開始，識返d朋友，開頭year 7都有同幾個人一齊食lunch, 搞搞下又變返佢自己一個，佢話九成時間鍾意一個人。我唔知佢係真心，定冇朋友所以呃自己。可能佢英文差都有影響，黎左年半都仲係好差，因為佢唔點出聲講嘢，我都唔知有乜可以做
1個讚
如果佢自己一個人都開心/識得呃自己，咁都ok架啦。最緊要佢開心，我細個都係咁。
而家最重要係講好英文，因為讀書返工社交都需要英文。社交嘅嘢可以唔諗住，我都係過咗18歲先有朋友。
講真好難同佢做朋友，佢淨係想講佢要講嘅嘢，要同佢friend一定要有共同話題，好有耐性對住佢，我暫時見唔到有一個對佢咁有好感肯用心陪佢嘅人
佢對英文零興趣，睇YouTube 都只睇大陸片。我之前夾硬迫佢睇咗成套Harry Porter，都唔知佢記得幾多生字。我係時候又要陪佢再睇下英文書。
係呀，我咪又係咁。大咗有鍾意嘅人，就會為佢改變。又，就算一個人，都係可以生存嘅。社交嘅嘢無得強求，難得女唔介意，你都唔好太介懷，直接放棄社交就可以。
我而家都係好憎社交，令我移民時好有優勢，enjoy獨處唔會悶，又唔會掛著香港親友。呢個性格做IT工就最好
2個讚
好多謝你一直以來嘅分享
！我見到你嘅分享其實令我有返d盼望，希望佢將來大啲真係會開竅，可以同其他人稍為相處得好d。
5個讚
我大果個女都係社恐，真係差不多。
佢哩邊識到唯一既朋友，一樣有社恐。
兩個唔同人溝通，同樣無朋友既人，就咁樣日日坐埋一齊食午飯。
問過佢平日係學校食飯時有無傾計，原來絕大多數時間係安靜地唔出聲食飯。。。
經過年幾兩年後，隨住佢地長大左 (今年year11)。
開始知道朋友既意義，唔單單係為左有人陪下。
佢地以非常慢既步調去溝通，了解多左對方。仲帶過一次來屋企玩，對兩個來講都係突破性既第一次。
阿女也初次表示，明白社恐對日常生活有好大影響。願意聽我和太太的建議，對住鏡多練習面部表情，唔好一緊張就嚴重抽搐。說話就算慢得機械人咁，都好過無頭無尾，得佢知無人知。
我相信社恐會隨年紀漸長而改善的，希望你唔好太過擔心。
題外話，遺憾地阿女似我唔似太太，無外貌協會支持。
3個讚
睇到你哋嘅分享我會有d安慰，知道大家嘅仔女雖然慢但係都有進步
。
我其實都冇好擔心，因為有d野擔心唔黎，有少少見步行步。而家由佢鍾意做乜就做，希望又發掘下佢有冇其他興趣，可以對佢發展有幫助。
3個讚