仲諗住Covid 後經濟唔好、而家又生活費上漲影響買樓意欲….
係呀，當初政府都咁預計所以先來個stamp duty holiday，點知谷行左個市，呢排加息個市已經冇咁顛，樓都好多減左d
你唔買都要租
租金升左好多
有人高估自己可以承受嘅壓力
有人高估自己揾錢能力，唔知會連兩三萬一個月都揾唔到。
始終今批香港人好多冇係外國生活過
人地呻時就聽，真係會擔心生活費。當然亦可一句得埋去冇人叫佢買間屋咁貴等佢收皮
好多香港人收埋自己感受
有能力就買，租有出冇入
不過唔清楚會唔會係到終老，買一間就算。有錢先有得進退
其實主要係 energy bill, 夏天會好啲
不過人工咁加上去，食物個啲都好難平返落黎
唯有安慰下佢地啦，不過有工作能力真係唔使太驚嘅，俾d信心自己，有學歷有經驗，香港都競爭咁大做到係呢度一樣得
Energy bill真係好大支出，我都唔敢開太多暖板，希望之後會減返，食物個d都還ok，係日用品真心貴，仲有council tax，來緊又要知加幾多
去邊我都係咁話，買層樓自住好重要
我冇慳heat, 應開則開，有時濕都好辛苦
而且我懷疑間屋比我住到發霉。上年冬天同今年冬天初我好少開 heat, 寧願著多件 fleece 外套. 跟住開始發霉，可能櫃後面都有，因為有霉味
我入來時明明拆哂入牆櫃都冇睇到有霉，我估之前啲英國人成日開 heat
向太陽個邊真係唔開 heat 都冇乜霉，背太陽個邊就煩
英國人鄰居間屋四邊照到太陽，佢冇乜發霉問題，但話夏天熱到死
我黎之前有晒心理準備做倉，超市。但冇想像到由晨早起身準備packed lunch, 返工，放工煮飯，洗衫晾衫，日復日都真係悶，有時都唔知咁樣生活係做乜，諗係下半世都咁過就驚。我本身已經好positive都有呢啲諗法，冇乜＄要打兩，三份工果d真係更加難捱。
突然好掛住以前嘅姐姐
。
7個讚
係，英國生活真係堅悶，而家要湊仔叫做忙d，如果第時老左冇野做又冇錢周圍去都唔知點搞，悶死
1個讚
exactly
外傭真係幫左香港經濟好多。好彩我啲細路大大地，如果由 bb 咁湊米搞我
雖然我而家份工唔係優差，但我去返工睇下啲本地人食下花生好過去日日去買餸
2個讚
老咗可能好似英國人咁種花、打理花園過日晨
1個讚
老咗未必留英國，可能返香港養老都未定，老咗應該頂唔順冬天同交通
1個讚
到時香港仲係咪香港先算啦，太遠話唔埋，雖然返香港退休係唔錯
頂唔順醫療，唔知點樣一路勁唔舒服一路自己去醫院
雖然有間醫院應該步行範圍去到。正常人應該快速步行半小時去到
我d細路都中學，但我仲要照顧大部份，真係覺得自己好似姐姐
我重有個小學，係啲細路當我地係姐姐
真心放工返來重要煮飯一家大細家務，就算兩個人 share都好攰好 routine. 如果有一個自抱自棄，真係頂唔住
前幾日有個舊朋友三年無搵我， 突然搵我， order我做野咁， 我話已過左黎英國， 開始講埋d黑心野， 最後仲話有咩大病就返去醫， 我心諗新年講埋d咁野， 我之後一定blacklist佢
1個讚
咁個個都係保持觀望態度，有多個護照，又老，仔大女大，亦唔知香港情況會否有好轉，個心多個選擇啫
而家嘅人生要有希望支撐先得