真係兩睇啦，呢度真係無咁大壓力，天氣又無咁熱，我反而鐘意呢度的天氣，至多要挨下兩，三個月冬季，就好好多。香港真係8,9個月都熱，出哂汗又多人，去親邊都等位等到傻。返工同事又多是非，呢度同事nice好多，就算係表面都好，無香港咁煩。但係呢度食野就真係香港好好多，好掛住x哥米線，日本野，翠x早餐。。
2個讚
點多香港人都好，應該都有本地同學嘅
2個讚
最好咩種族都有就最好
我見有d成間都係黑人得幾個華人
有啲家長只想白人多
1個讚
我聽過啲大人話因為自己英文唔好，唔想再同香港人圍爐。
我心諗唔佢啲英文唔好唔係其他香港人造成。而家周圍英國人，又唔見佢英文好好
3個讚
同種族搵返同種族既 都唔明有咩問題可以
其他國藉既人都係咁
點解香港人唔得 真係ar哂頭
1個讚
白人多 可能又會多bully
最好咩人都有就最好
2個讚
係㗎好衰㗎，有啲人話嫌棄自己地方多香港人
2個讚
反而覺得白人都可以唔識野，窮，冇教養。 又或者有啲白人有錢得來冇世界觀，覺得自己係中心（其實目光好狹窄）。
外國人可以移民，反而可能有技能能耐，見過世面。
揀間學生多元國籍嘅學校其實都好，自細比小朋友開下眼界
唔好意思，係我表達得差，我唔係咁的意思
呢邊的生活暫時都好適應的
食物，居住環境，教育都非常好，家人關係親密左
但當然亦有唔習慣的野，所以要望住小朋友開開心心咁生活，我就會有動力去overcome唔習慣的事情
唔識揸車，遲啲去學
天氣唔好，就留喺屋企玩
社交圈子唔同左，就主動啲去識新朋友
4個讚
小朋友返學都係多種族好啲，大家都係小數族裔，少D歧視，小D bully，反而白人多，更難融入。
日子耐左開始見到職場上嘅或者佢哋本身嘅黑暗面，歧視，唔so你（係黑人唔so你），覺得自己好叻，都難受㗎
不過我同自己講又唔係佢出糧比我，佢哋一定比我早離開呢間公司，做好自己就算。
1個讚
我覺得首先大家要調節心態：
唔好覺得唔適應有問題
唔好覺得唔適應有問題
唔好覺得唔適應有問題
幾十歲人離開自己家鄉去咁遠嘅英國，唔適應係正常，呻係可以，唔開心係基本
唔好對自己咁harsh，迫自己要配合大氣氛好enjoy英國生活，好上進學英文返工買車買樓周圍玩。好多人上得fb post只係報喜不報憂，我之前唔掂行過靚公園都影相post上去，大把人羨慕我啦，自己知自己事
每人都有自己時間及節奏去適應，take your time，唔得要求救，要搵屋企人，朋友，輔導員
我係唔適應，未好開心，成日諗住香港，咁點丫？
咪慢慢嚟囉，理Q得晒命嘅人丫
有啲人衰到人哋話想返香港旅行都插（唔係呢度）唔好理佢哋
8個讚
點解要遲啲先學？
都係咁生活
千祈唔好自己死頂
1個讚
根據我觀察左幾間公司，呢到職場欺淩好普遍，唔 so 係最小事，有啲人好鍾意迫走人。所以要埋堆同最好有人睇。
如果一個外國人比人咁對待就更加難受同孤獨。可能會覺得自己英文唔好，比人歧視點點點。。。好多野諗
如果有經濟需要，面對呢啲野時更大壓力。
我最初都埋堆，融入呀嘛。做耐左，發覺冇乜需要，因為真係埋唔到
反正我可以扮聽唔明佢地覺得我冇攻擊性重好
漸漸變成可做可唔做嘅心態。完全冇上進心，埋乜鬼野堆，啱傾就傾幾句當練下英文算
3個讚
我好開心睇到你呢段留言
你進步咗好多好多
好同意心態決定一切，我一家三口上年六月到埗，老實係適應得唔錯，見到小朋友慢慢適應都心感安慰，我自己英文都麻麻，但好彩我唔怕講，老公英文溝通無難度，佢成日都提我多聽多睇多講先有進步
5個讚
正常都唔係24小時都對香港人
出街買嘢食飯多極都未至於全部香港人掛
1個讚
每樣人都識啲
咁大個人英文差應該同細個唔讀好英文有關，唔關英國啲香港人事
1個讚
我見到香港人會好開心
都會吹兩句
隔離鄰舍係香港人都會打聲招呼
交流下
1個讚