你懷念邊個過年習俗？

[NEWO]

細個新年可以見到啲表哥表姐，大人會瘋狂打牌，細路仔就瘋狂食糖夜一夜都唔洗瞓，仲可以去姨媽度過夜

人大咗就初一玩魚蝦蟹大細麻雀玩到初七，今年我喺英國，而家好想玩大細同魚蝦蟹

[Chibimaruko]

@NEWO

今年我喺英國，而家好想玩大細同魚蝦蟹

我想玩波子棋同UNO​

[NEWO]

我好想打牌但無腳

[pompompurin]

@ocelotofun

有鍾意有唔鍾意，以前只有過年我先可以去親戚屋企玩 board game 睇電視食糖，但同時利是上繳而且親戚問東問西問成績。上繳完利是仲要畀阿爸阿媽鬧一餐鬧我唔應該收利是，因為收完佢地就要封返出去。細佬哥邊明呢個道理，年年都笑住去，喊住走。

你唔收都唔代表佢地唔駛派架
避年囉

[Starryberry]

我都諗起開年返去同同事拎啲利是出來玩魚蝦蟹，玩完去飲茶，好正

[heakatie]

以前屋企好多人，一到新年就小朋友一枱，大人一枱咁食嘢，好熱鬧好開心

[ocelotofun]

後來有出國跟旅行團避年，但係去親都只係新加坡馬拉或者係返大陸，都係新年冇嘢睇，阿爸阿媽又係一肚氣依依哦哦話貴又冇嘢睇。

[Sako]

@ocelotofun

都係新年冇嘢睇

咁去黎做乜

[ocelotofun]

為左唔收利是、唔洗應湊、唔洗出街食飯畀幾千蚊。年年外國親戚朋友會返香港，然後又係爭畀錢文化，所以條數都唔細而且分幾日食飯。

如果去得遠又會貴過留香港條數，咁咪唯有去近啲，又可以同我講：喇，唔好話父母唔帶你去旅行見識。

[Japanlover]

細個亞媽會叫我地成家大細一齊好似工廠咁包油角仔. 整幾罐派街坊. 一個壓皮, 一個包, 一個炸. 當年冬天好湅好有氣氛.

仲有, 我細個會去派財神, 當時係賺到唔少錢.

細個試過有個街坊封錯左一百蚊比我細佬. 嗰時一百蚊係好多錢, 因為一個月人工先得五千蚊.

[Corgi]

最懷念年三十晚一家人齊齊整整食團年飯，好開心，年初四五不停有親戚黎屋企拜年傾計玩魚蝦蟹
而家去左外地只能FaceTime 同父母傾計，成日都好掛住佢地

[pompompurin]

@ocelotofun

為左唔收利是、唔洗應湊、唔洗出街食飯畀幾千蚊。年年外國親戚朋友會返香港，然後又係爭畀錢文化，所以條數都唔細而且分幾日食飯。

如果去得遠又會貴過留香港條數，咁咪唯有去近啲，又可以同我講：喇，唔好話父母唔帶你去旅行見識。

百彈又真係冇計