兩個地方都有佢既好壞之處
真係好睇個人想點生活
1個讚
我有個2019年英國master，所以去加國應該易d PR
另外可以申請澳洲專才計劃 (好似話批出就PR)
但我地揀咗英國
因為:
- 加國太凍，我响蘇格蘭落腳，都無加國凍，雪都係只見過天上落，地上積雪唔過半日…
- 英國大學比較好(出名)，我地覺得孩子應該會入到英美頂尖大學 (亦剛剛收到imperial offer)，如果我地成家去加國，得個大仔去英美讀書，假設佢留响當地大學繼續進修/工作，咁佢有排先可以甩特衰，除非要佢為咗個passport，留响加國…
- 以金融地位，英國比加國強，老公打銀行工，2020年剛有香港同事調咗過加國，office細，應該無位再調人過去，但英國office加緊headcount
- 英國文化/教育/價值觀/法律上，較接近香港，或我地較容易適應
- 英國用英文嘅機會多d，我剛聽到個例子，加國華人區名校，香港仔去到學到流利PTH！
如果stay Vancouver d樓都好貴， 年紀大又吾想去超凍地區， 後生比較難搵工， 藍C多， 吾駛講英文
交通吾方邊
朋友2年前申請移民去加拿大，有好多手續要搞，過完一關等一排後又下一關，本來預計可以上年年尾前離開，但一直未批出，佢哋見唔對路怕無了期等落去，即刻申請bno visa，今個月一家嚟咗英國了
一兩年前真係好難搞，聽好多香港人卡著咗。唔知而家係咪好咗，近來無聽呢啲消息
兩年前因為covid 好多計劃都停左，變左好多人計劃變左或者批唔到
而家恢復翻無咁多case 積壓住未批
會唔會係投資移民?
我聽過話拎錢去當地做生意就好快入到藉，所以果個人唔揀用BNO去英國
加拿大COVID期間政府處理文件嘅速度呢…
我都有個差不多時期既master, 但都係黎英國。
1個讚
唔係講笑，以前o係溫哥華真講廣東話已經得，撞口撞面都係香港人/廣東人。所以d上年幾果d都無學英文。
依家蛆國人多就變左講煲冬瓜。
o係d移英fb group睇到，網民分享最快批到果個前後3日。
咁當然唔知真定假啦，不過其他人share都係兩星期內收到approval.
澳洲天氣其實幾好，但難融入當地人圈子，果邊九成都係強國人
如果有得選擇，我會鍾意北歐或德國多啲
加拿大既移民條件其實都好多規則，所以唔係咁容易，雖然話佢係移民國，救生艇真係賣大包
英國都係，BNO 計劃係無門檻咁濟
我無法從移民規則上分析, 但可以講下我的心路歷程.
我喺英國讀書, 好喜歡英國. 老公喺溫哥華讀書, 好喜歡溫哥華.
計劃移居時我係未去過溫哥華, 老公就去過英國幾個大城市好多次, 有時長住個幾月.
初時情況係我想去英國, 因為我熟悉當地, 又喜歡英國文化同建築, 同埋prefer英國名私教育.
但老公想去溫哥華, 因為當地環境/文化/飲食/天氣等比英國好(舒服). 但佢話如果去英國, 只會選擇London Zone 1-3.
之後兩年我認真research兩地, 研究住區環境, 學校課程, 交通配套等. 但仍然改變唔到我‘嫌棄’溫哥華冇咩古典特色的想法.
最後我提出去溫哥華住一個月, 我要實地睇過d街道/建築物/住宅/商場等, 試搭第時日常會搭的地鐵同巴士路線, 想知自己實地感覺.
去完溫哥華一趟之後, 我明白到老公選擇溫哥華的原因.
雖然當地環境不及London有情調, 但溫哥華住宅同neighbourhood的確比London舒適安全, 十分適合小朋友. 搭車亦好方便, 巴士同地鐵3-10分鐘一班. 日常買食材更加不用愁, 什麼國家的都有, 海鮮都超多.
好多人話溫哥華多大陸人, 其實只係某d區. 至少我去第時會住的區視察就唔多見大陸人. Downtown都唔覺有.
去過溫哥華後, 我撇去了對溫哥華的‘偏見’, 而家都心向溫哥華. 這趟旅行竟然令我放低左我對英國多年的鍾愛.
London雖美, 但一家人每天生活容易/舒適/開心才最重要.
11個讚
住正Vancouver 同London交通都方便，但太貴，所以一般人係離開city centre住，但就一定要揸車，加拿大成日落雪遇上厚雪都幾煩，不過去加拿大就可以攞番mpf
同埋同一個樓價，比起英國感覺上加拿大d屋新淨同大d, 治安又好啲，但如果夫婦過咗五年大學畢業，就一定要其中一個讀書先攞到pr
係. 我地會先租一兩年屋. 同一budget喺Vancouver搵到的租盤新淨企理過London好多.
咁唔係個個都有最近5年畢業證書架嘛，而且個救生艇都完啦
咁你個仔已經有英國offer就無懸念啦，不過我其實prefer加拿大教育嘅，冇英國個隻精英制咁壓迫，當然要入好大學都係要好努力
佢行ee？
英國舊樓太多，百年舊樓好平常，d人唔捨得拆咁，又成日話d樓越舊好越值錢，我真係搲哂頭，明明都已經唔保暖又漏水又內傷，重新執同買過層差不多價錢，係得個地段值錢，加拿大人都比較prefer住新屋，望落成個住宅區都新淨好多，同埋英國樓都係偏貴，可能地價貴d，同價錢係加拿大買到起碼大3分1，都未計basement
我以前就係鍾意lee種古舊感. 一個人留學好有feel, 但一家人去生活係另一件事