個人感覺這些人都有點勢利，會禁任良心
當然佢地有一定的能耐，始終有錢人唔易服侍
1個讚
岩呀
不過好多人都唔再著重個人品德修養，用錢去界分一切
2個讚
係上一代老人家思想，以前生活無呢家咁好，要周圍頻頻撲撲捱騾仔，只有靠讀書先可打份寫字樓涼下冷氣。以前個年代就係考政府工。
不過我覺得呢家打份寫字樓工無以前咁好。份糧分分鐘做到你死下死下都可能低過最低時薪。
2個讚
…無限的OT冇錢補
放假唔工作都要KEEP住睇EMAIL 
1個讚
香港地特別係
搵少個崩，少個名牌袋都比人話
2個讚
講出嚟都叫返office
仲要唔好返工廠區添喎
不過我都係鐘意牛記笠記返工廠區食雙送飯
試過成日有人話驚搭工廈電梯，工都唔見架
2個讚
岩呀
早幾日出席婚禮，見返多年冇見既朋友們，第一件事就係打量一番
1個讚
做藍領放工就係放工，我覺得仲爽
1個讚
但藍領其實真係好辛苦，識人做藍領工既老細，一年淨賺五百萬，佢都有落手落腳做既，見佢同個仔啲手都好粗糙，又成日會有啲小傷。老左腰又會痛。我有細路既有得揀都唔想佢做，見到會心痛。
1個讚
有啲人鍾意落手落腳做嘢，manual work嗰種
如果佢鍾意做當然要尊重佢，咁辛苦都揀即係個鍾意會多過辛苦。我以前喺香港放工喺屋企繼續做四五個鐘等閒，亦有勞損，例如肩頸好痛，腳痛，神經痛，濕疹，咀瘡，鼻敏感，全部都有關（因為過到嚟已經冇晒呢啲症狀）但我都係鍾意做，唔會理人哋心唔心痛，做到自己鍾意工作最開心，幾痛都會忘記同忍到
一個人喺office嘆冷氣，冇工傷，但日日被客被老闆玩，被同事針對，精神虐待，瞓覺都發惡夢都一樣大wok
4個讚
佢哋唔係鐘意自己落手落腳做嫁，係一起步個陣無錢同無讀書，迫住自己做，然後捱到有錢，但係越有錢就唔捨得出錢請人。同有錢既人都唔覺得自己有錢 
我外人睇就覺得已經賺好多啦。佢哋口頭禪係為咗生活所以要做。
我好尊重佢哋，只不過係覺得藍領都真係辛苦。
不過兩個仔女都留學英國讀到master, 之後都係返屋企做，因為打工搵唔到咁多，同佢哋唔做公司就會執。
1個讚
我覺得都部份同意, 因為讀得成書, 有嘅係選擇機會, 無論做白領定藍領都可以, 做藍領的話升職機會都高啲。至少現時嘅香港都仲係咁。所以應該改成細個唔讀書，大個被逼做運輸。始終做藍領都要考慮老來身體問題…
我覺得外國無咁大階級觀念, 因為大學生太多了, office職位都唔夠, 讀完書做唔返office屬普遍…先無依個階級觀…
3個讚
同外國藍領無香港藍領咁辛苦。香港洗廁所慘到要係廁所食飯。
外國洗街係坐喺部車，車底可以洗地，起樓又唔會搭棚。
4個讚
倒垃圾要喺垃圾房食飯, 夏天連風扇都無… 好明白點解上一輩都唔想後代做藍領。
4個讚
曾經拜年時，聽過長輩說，佢不滿自己個仔份工。佢希望佢個仔返啲日日著老西返工嘅工作。
聽到呢一句，其實個心笑咗
因為長輩個仔喺返緊一份自主著咩衫返公司的工，而且人工福利性質仲要令人羨慕。
雖說先敬羅衣後敬人…
不過，長輩都未免太 ‘年輕’ 了。
好多嘢，外表睇唔出的。
5個讚
我果邊d 長輩會覺得番寫字樓咪同番工廠一樣
任何加班都會有補水
其實好多白領工(尤其專業人士)都係自己做唔晒留低加班做埋d 野
甚至自己星期六番公司做埋d 野
但無補水
然後長輩就會驚訝樣
乜公司咁刻薄無補水乜乜物
咁唔好做啦搵過份啦
大佬, 呢d 咪就係你地眼中好舒服既寫字樓工law
2個讚
我要留低OT既工又做過，好舒服既office工都有做過，我覺得係香港呢個環境真係要讀多啲書，先起碼叫做有得選擇。
你讀過書，你可以揀去做藍領，就好似我識人個仔女，留學讀完master照做。
但無讀書就無得揀係要迫住做。
2個讚
聽過一句覺得幾啱。如果個長輩人生都唔係你眼中覺得成功既，咁佢既道理你都唔洗聽。
3個讚
真心年代唔同
很多事情真係不要只看表面，或用固有思想去諗
聽過好多工，俾唔到高人工就俾勁title
亦有好多工，有好多獎或個個都充大頭鬼
份工好唔好，真心冷天飲水，冷暖自知
2個讚
你令我諗去一句。
亡者都不一定所有想法都啱，
所以唔應該執著完成唔到某些人的遺願。
3個讚