多數都係接受二人或以上
有啲會有1人， 但唔係好多
有時揀人數個度可以睇到
如果係agoda個人， 就算你book咗一人， 佢都可以取消你間房
1個讚
早幾年試過一次去青島嘅做野trip
成世人先第一次自己一個搭飛機 一個喺酒店訓 仲要尾房
間酒店仲幾舊下 黃琴琴feel
第一晚開晒燈 太攰先訓左
之後幾晚都係開住燈電視咁訓
其實都冇咩野
不過都唔想再去
都明白,
佢地又要預備食材嗰啲 (一泊兩食)
咁始終2個人以上係方便啲
太細膽真係少啲享受，我唔敢自己瞓陌生地方所以無試過一人旅行，淨係陪老公出trip時趁佢有conference自己出去行吓，諗住搭的士點知酒店提供好長嗰啲轎車，人生第一次搭
之後去咗個最近酒店嘅shopping mall,勁大但無乜人行，行行吓見到商場中間有個好殘舊嘅旋轉木馬，即刻諗起啲恐怖片，就急急腳行入一間最多客人嘅鋪頭，然後掃咗好多bath and body works做手信
1個讚
tobie 講都係，
不是全部，有溫泉旅館接受
1個讚
係啦， 斷人頭計
一個人佢地會 賺少啲
一間房二人計， 起碼都賺多啲
但都有接受一人， 價錢都唔會貴好多， 但真係唔多房提供
所以我會搵啲偏遠啲， 咁有接代單人客嘅機會高啲
如果唔sure, 我都會搵下有冇bloger去過單人溫泉酒店
再決定去路去呢區附近
題外話
如果一泊二食
有啲網可以揀食咩
（sorry, 真係唔記得咩名，ru xxxx, 要用返日文搵酒店， 唔係 外國travelagent agoda 個啲， 日本本地嘅travel agent 個啲）
可以有upgrade 食物比你揀 /或者叫做有食物款式比你揀（當然價錢有可能而提高）
或者去返酒店web site揀
個時就真係大魚大肉啦， 比錢可以食到你想食嘅嘢
例如當時係食蟹季， 咁都有機會有蟹餐（但應該要搵啲有的揀食物嘅package)
又再另外， 如果有咩唔食， 我都會email 比酒店， 同佢講自己唔食咩
我之前介牛， 我都有寫email比酒店， 話佢知我唔食牛
佢地都回覆話可以準備魚比我
好開心可以改到唔係牛
唔想浪費食物， 所以麻煩咗酒店一下
1個讚
雖然我鐘意喺屋企獨處，但去旅行我會鐘意有個伴，同步share 好味嘅嘢，一齊睇嘢傾吓偈。
不過有細路好難同老公2人行，如果擺得低可以飛一轉日本都唔拘，肯定日日食拉麵、壽司、刺身。
1個讚
都係咁去，旅行前去醫生度配定安眠藥。
以前係任何鬼片鬼故事都唔睇得的，但19年之後，驚覺原來人比鬼更恐怖，以家真係冇咁驚了。
正是
我哋之前分別同兩對朋友飛過幾次，大家都有小朋友，會互相幫大家睇住小朋友，另一pair就去拍吓拖，或者交換爸爸媽媽so far都幾開心㗎
我都怕自己一個住酒店，所以我選擇民宿/hostel。唔會怕嗰d嘢又識到人
1個讚
盡量試下丫，人一世物一世嘛
所以我次次都住hostel，其實有啲都好高質
我就鐘意拎住相機周圍去影相
1個讚
後生時都好想咁樣，但過唔到自己住酒店嗰關（因為自己都幾易野到嗰啲），想搵鍾意自遊但怕酒店嘅朋友一齊去（去到各有各玩，夜晚酒店見），可惜無朋友so我
到宜家有咗小朋友，其實有錢都情願family trip時，啲朋友宜家先想自遊
1個讚
自從零幾年同朋友去完旅行無fd做之後直至2018年都係自己一個去旅行，試咗真係返唔到轉頭！
1個讚
我住過兩次，京都一次， 台中一次
怕咗， 隔音不似預期（個次我住京都， 地下， 即係廳劏出黎， 其實相對間房好大）
但因為本身間屋唔係預做房， 所以係木板間， 或者係紙板？ 紙之就好傳聲
我隔離鬼佬十一點幾就扯晒鼻寒, 好似瞓係我隔離咁大聲
另一邊係走廊去廁所， 成晚都有人行黎行去
成個感覺最差嘅係
樓上班妹妹， 我明佢地玩得好開心
由佢地返房， 到一點幾都勁嘈， 笑， 跳，行黎行去， 哈哈哈聲
去到一點幾我頂唔順， 開口問， 成點啦， 可唔可以細聲啲
（用廣東話， 因為佢地嘅對話係用廣東話）
之後靜晒， 終於都可以靜少少咁瞓
間屋最正嘅係有天台， 可以望到京都塔
返去之又， 突登買啲生果
係廚房洗好晒， 切埋， 見到host 同鬼佬係度傾計
我分咗啲比佢地做宵夜
我自己就去天台， 欣賞月光同寧靜
台中係清境， 成件事都好relax， 地方好， 樹林多，
環境靜，
我記得第二日行行下落冰雹， 香港都有落
炸炸林搵地方 匿埋
1個讚
我又明喎，做父母都需要休息，帶埋細路去旅行只不過係離開香港湊仔，食咩玩咩都要照顧埋佢哋。
錦你下次如果再去旅行book時記得睇comments啦，因為你所講的問題(隔音唔好/近廁所嗰啲)應該有人會提，又或者你自己都去留返個言幫下其他人
我嗰次係在加拿大Montreal, 在某平台book的，好high rating而且又相對便宜，可能因為我半年前已plan好行程(要睇世界體操錦標賽)同埋本身唔係咩熱門旅遊點，所以即使間屋得total 4間房但都好易book到，間屋有d舊但好整潔所以絕對係一個好嘅experience。
我好懷念成個trip, 成日諗如果再來一次就好了⋯講真冇咩玩，所以要有目的先會再去，等下次再有比賽掛 
同埋要等個女大啲先，而家兩歲都未夠
唉，辛苦過係香港，因為去邊都以佢地為先。連鼠出去行夜街既力都無。
Once upon a time, 一個人去咗中國，一個人去咗東南亞落後國家，發現無論中國定東南亞，好多地方落後但民風非常純撲，人民真誠，與世無爭，一個人放空漫遊，融入唔同地方文化，認識唔同國家嘅人，終於明白梁朝偉同樹洞講嘢嘅感受，為自己所見所聞悸動、感動，成為自己獨有永世難忘嘅回憶⋯⋯
4個讚