住公屋，
要有買車，
又要比停車場月租車位費，
又要入油果啲。
養一部車都唔平。
香港有私家樓揸手，
又有私家車出入已經算中產。
1個讚
唔係咁計
有啲人真係碌卡充大頭架咋
你都話佢搵三萬，呢個收入點係中產
1個讚
其實我覺得中產起碼月薪過10萬，有見得下人既私樓，身光頸靚，都已經只係叫偽中產。
其他就算係公屋富戶，我覺得只係叫唔窮，3萬蚊普通大學生畢業幾年好多都揾到，唔算中產。
3個讚
中產好難定義，而且好廣泛。香港有樓在手的人好多，供完樓的人都好多，移民潮前每次有新盤都大排長龍，可想而知香港幾多有錢人。
但文中講到食自助餐好似必須，無得去食自助餐似好可憐咁又不能同意。
我唔反對人哋食自助餐慶祝，只係我自己一家好少好少食自助餐，因為俾一定價錢，但自己食量一定食唔到回本，我寧願逐碟叫，想食蠔就去食蠔餐廳，想食壽司就日本料理。
而且文中一家都有話食lunch 自助餐，咁都唔係咁慘，三個人住七百幾呎，喺香港算住得寬敞。
4個讚
佢講到好似冇飯開咁
食唔起同唔捨得食係兩回事
1個讚
早排有個post講中產, 以下係我對中產既定義
2個讚
係囉！
已經講咗拾壹年，
當年都唔覺得佢係中產。
2個讚
解咁多做乜，最簡單：買嘢唔使格價就一定係中產，我話嘅
1個讚
定義人人不同
1個讚
我識人係世界幾個大城市都有屋， 係香港有四間，office喺中環/住宅係中半山 。
但佢非常知慳識儉，日用品、食物、都去佳寶/日本城買。
咁點定義佢係中產定有錢定窮人？
1個讚
炒價波鞋貴L 過
1個讚
我唔係中產，係中慘。
家庭月入唔算差，但冇私家車，淨係可以做伸手黨。
1個讚
佢自己選擇慳，唔係被迫慳
3個讚
其實呢啲只可以講係使錢嘅態度，同中唔中產冇關係。
中産用一個標準定義就得：家庭收入。
2個讚
我覺得有分中產既生活模式同中產既經濟狀況。同有分邊個地方，香港黎講:
中產既生活模式都係私樓大概800呎以上，私家車bba，一年去幾次旅行，得閒食下fine dining
中產經濟狀況我覺得係財富傳承，上一代已經自給自足，唔洗養，然後二人家庭收入十萬又上，有車有樓，唔使供到死死吓個隻
有啲人生活模式可以唔match經濟狀況，例如好有錢但好慳
2個讚
應該上唔到會
2個讚
中慘
我覺得自己係偽中產，家庭月入ok, 亦有收租樓。除咗供樓，最大開支就係阿女教育，但家庭財務壓力唔大，呢方面要多謝我老公為屋企做好理財規劃。
但係生活品味呢… 我覺得自己好草根，唔特別鐘意fine dinner, 亦唔常去afternoon tea, 平時食小店大快活我都好開心；唔飲紅酒但鐘意飲茶；鐘意買可粗用嘅袋，book tote已極限，Hermes 用唔起
，最近開始用香港本土品牌嘅袋; 人哋一年去幾次旅行，成日飛日韓台泰，我疫情前係一年一遠一近，主要係同阿女去外地見識下，自己反而冇旅行癮。
所以我係偽中產
2個讚
真嘅咩？
我閨密人工低，佢屋企冇乜錢，但買嘢都唔會格價
1個讚
我都見識好多住公屋，揾萬多D人，洗$洗腳5抹腳，買名牌。反而另一D年薪百萬朋友，冇洗$洗得咁豪。
有D人真係5會儲$，有幾多洗幾多，反而揾到$，有危機意識會儲下$
2個讚