搞乜好似咁折墮乞人消費呀？
已計劃農曆新年去完日本睇雪, 三月再去睇櫻花, 八月再再去沖繩玩水, 十月再再再去睇紅葉, sor9ly, 無咩時間係香港消費喎!
10個讚
me2, 有錢都無用, 係香港消費唔到
3個讚
我都有同感…
睇完笑左… 點解人地會咁開心飛去外地玩??
原因好簡單, 人地已經開放晒唔再防疫, 同以前一樣,
咁香港呢?? 仍然係同之前一樣… 你試下解除防疫,
睇下香港會點??
1個讚
冇打針入唔到香港啲’樂園’, 唯有留番啲錢去日本呀, 韓國呀嗰啲
7個讚
解除晒防疫, cap 水位無晒… 無咗安心上路 apps管唔住你班人去邊, 唔講到係世紀絕症, 你班人唔會聽聽話話跟住做… 
1個讚
咁無架啦… 無針邊度都去唔到, 無得堂食, 商場, 樂園都去唔到,
咁咪留係屋企網購, 不過咁都好唔使一見得得意既嘢就買, 慳番
唔小錢, 阿媽話齋無事出街小破財, 玩下煮飯仔唔煮就外賣囉…
無針係我既選擇我就要接受, 反正無針既人係小數, 咪叫有針既
人出去消費多啲…
3個讚
我打齊針, 又如何, 去邊都要嘟個安心上路鴨屎, 睇見就憎, 諗吓都煩… 依家真係好少出去行街食飯消費, 星期六, 日買多少少餸係屋企, 煮得就煮下, 唔煮就外賣… 呢兩年又見少咗人, 衫都買少好多…
5個讚
啱呀, 啲高官自己有工人去買餸幫佢去攞嘢…
不知一般市民攞住大包細包仲要左嘟又嘟係好麻煩…
入商場好多嘢做… 但就要左嘟右嘟, 入舖頭嘟出番黎
又要嘟返商場, 再入舖頭又要嘟無限 loop…
香港人都覺得煩梗何況外國人, 唱好香港唔係得把口…
你點同個外國人講要左嘟右嘟, 佢地都係自己國家已經
乜都唔使做, 你叫人黎仲要攪咁多嘢你都唔會想黎, 係人
地客套話會再黎, 係會再黎但等你乜都唔做個時咪會黎…
3個讚
啱呀… 我今朝收到個外國客email…佢會係12月嚟亞洲… 星加坡, 馬來西亞, 印尼, 越南都去埋… 淨係無香港, 佢話0+3 浪費時間…
5個讚
無得堂食, 叫人買外賣去邊度食, 搵個公園食…
其實好多嘢唔係淨係睇表面, 我做印刷…本來有好多展現書
印, 但係因為啲展覽唔係香港攪轉左去其他地方, 原本個客
都諗住照係香港印再寄過去, 但係運費仲貴過啲印書價錢,
個客最後係歐洲個邊印… 已經好多廠都摺左… 咁人地都
無嘢做仲點會出消費…
7個讚
無針,香港想消費都消唔到,唯有去旅行啦慘慘豬
5個讚
使哂錢，返來香港就要慳啲使。
最近老豆生日, 我同老公無針, 家人話屋企一齊食, 好感恩佢哋明白事理, 再感謝XX正苦呢D 19政策比我知道屋企錫我, 等咗幾年放寬可以12人一枱, 都唔可以好好地同佢地係酒樓消費一下.
唯有咁講, 好生意呀!
2個讚
唔使黎到香港都可以唱好香港故事 
me too，包括工人姐姐全部齊金，得我同小朋友0金，齊人起碼兩圍，所以逢過時過節都會出去食，月頭阿媽生日，各自買幾款小菜返娘家食，有幾個金完唔C服o既屋企人，仲千叮萬囑叫我哋冇特別真係唔好金
2個讚
我都係嗰句, 打咗針又點啫, 出出入入都要個出殯apps, 我娘家成家都好憎, 就算依家放寬到幾多人都無打算出去食, 更無打算大手係香港消費, 反而買晒機票係農曆年一家十口出去走一轉…
5個讚
該主題在最後一個回覆創建後90天后自動關閉。不再允許新的回覆。