地鐵快，幾分鍾就有
巴士點都要早少少去等 10-15mins
不能忍受等車
冇地鐵就搭忘命小巴
call 的士都唔等巴士
你似我屋企人咁心急，不過佢仲誇張，明明樓下有亡命小巴直飛到公司都唔願等，情願駁地鐵
2個讚
平時一定係巴士優先，今次完全唔影響我
好怕啲人黨鐵一跪低就企左係度騰晒雞
之後肯定陸續有來啦
1個讚
認同係習慣問題
因為我就同你相反
屋企隔離5分鐘內有地鐵站
所以由細到大都冇乜坐其他交通公具
再加上我媽唔坐得車，所以巴士都少坐
記得有次係已經十幾歲，高中生
第一次同朋友坐紅巴，我好震驚！原來冇8達通，少少panic左
「下？！比錢？要比錢？冇8達通？唔係啊……（下刪100字）」
(自認孤陋寡聞，唔係懶叻
)
依家進步左，不過上紅巴既時候有時都會唔知應唔應該比錢
一時就落車比，如果有8達通就可以比錢先？我多數都睇下人點做就跟
本來冇諗，你一講即刻諗起有人唔識嘟8達通
以家好多紅van同綠van一樣上車嘟8達通了，仲有制㩒落車添
1個讚
同我一樣
唔太鐘意坐bus, 成日怕佢椅子有針, 又有d人成日放tissue 去邊位, 好鬼dirty,感覺mtr d 椅應該放唔到針…仲有細個住屯門, 成日番工坐bus, 日日塞, 真心好怕坐bus , 講真唔會唔識坐bus 回家, 不過真心唔鐘意bus
番工個陣就鐘意搭鐵，因為通常準時，地鐵故障時公司大部分人都會遲。如果唔係驚遲到我會鐘意搭巴士，聽下歌睇下風景，幾chill幾忘我
有直達車又唔急我會搭巴士
但係唔遲得就一定係地鐵 返學唯一一次遲到就係拷巴士 預多半個鐘都遲
不過我港島東人 要過海多數係巴士或者船過左海
再轉車 因為地鐵過海太多人又麻煩
係港島區內天氣好可能叮叮 夜晚仲可能行路
我住紅磡，返學尖沙咀，最憎搭巴士，又逼又塞車…我係好羨慕屋企有地鐵站嘅同學～
細個最怕搭熱狗巴，仲要紅磡坐到美孚，天光都未到。
未經歷過嘅人唔會明…
2019 年後，除咗免費 或者 萬不得已下，先會坐。一般情況下，包括塞車，都係坐巴士 或者 自己揸
我都係
不過樓下起咗黨鐵後cut 哂d 巴士，有時又唔見咗班車，好xx
黨鐵好似好快，但未連行落站行上地面，轉車要喺站內行嚟行去嘅時間。一拖二出街，細嘅坐bb 車，得𨋢等到傻
1個讚
好細個要去拜完年搭地鐵返屋企，悶左一日仲要唔準我o係地鐵訓教，因為要train我認路，話人多走失都要識得自己o係邊所以細細個已經好鬼憎搭地鐵。
屋企行去地鐵站起碼要20mins，仲要條路唔好行要經幾條好難過既馬路(行人路窄，行人燈閃得快，綠公仔接紅公仔要o係兩條馬路中間等)。
中學行去地鐵站又係20mins腳程，所以由細都唔鐘意搭地鐵。
除左心急，重有係時間可以係自己掌握到
香港巴士都唔一定盡時，早遲5mins好平常，同埋間中都會唔出現
1個讚
我都係細個屋企距離地鐵站遠，要行20mins
所以大個睇樓睇 5mins 範圍內，重要係唔難行嘅
其實黨鐵只係控制時間好啲，唔一定快，因為行個站入面加上上落落，好多人都冇計埋落個journey度
好多時巴士點到點係快好多
1個讚
我舉個例：彌敦道去尖沙咀碼頭大把巴士，地鐵係幾個站好快，但好似油麻地碧街咁行成世先到月台，到尖沙咀站又有排先行到去半島，再有排先行到碼頭，根本就唔方便
當然有其他地方黨鐵快啲嘅
1個讚
其實想講就算巴士方便，而果啲人根本唔知/冇研究過
啲nancy三幅被又出來 “真係唔捱得”
得啦，知啦，最捱得咪某國一班無得示威反抗的強國民囉，佢哋最捱得，快啲捱啲晶片出來啦