最緊要係尊重別人嘅選擇, 有人真係唔適合移民, 有人放唔低, 但無論係點, 都唔好講到"你唔走就係錯"。
1個讚
美國移民相當難。否則我都想仔去，連讀書搵到工，抽H1b留低機會低，到時就要走。
見d親友係美國讀完書都揾到工兼入埋籍。
有個未畢業已有公司請佢，仲幫佢攪埋移民。
想走嘅會有心去調節自己嘅心態適應新生活，同被勸服嘅完全唔同，後者係預期個說客所講嘅嘢都會成真，成件事好美好。
3個讚
米線門口最多
講就容易，此終會放唔低d仔女。
我親戚兩夫婦(黃絲)想用bno 走，仔係律政署做，點勸都唔肯辭職走。所以佢地仲未行動。
乜年齡嘅人會咁諗？
佢50歲。但識有d 17~25歲、3X歲都咁諗
Er…自己唔走ok, 但講到人人回流就諗多咗啦
有好多人係想人回流，睇到人回流就興奮莫名，證明自己留低係正確，所以一直都有咁嘅期盼。
2個讚
我身邊唔走嘅好多本身over 10萬1個月，佢地話香港始終係國際金融中心，無可能會封網，封港，佢地覺得搵多10年8年錢先走。
佢地會覺得走咗嘅人好on居，因為去到搵唔番咁嘅人工。
問題係，係咪真係sure幾年後一定可以走到
1個讚
佢哋應該要睇多啲中共黨史。
1個讚
我奶奶成日咁講，話d人想去英國攞籍姐，之後實大把回流。
叫佢最細仔好儲錢襯低水買樓。
我地賣收租樓時佢又係咁"勸"，話遲早升，唔好咁衝動賣。
1個讚
49年上海啲資本家都係咁諗
結果全部去曬排隊跳樓
上海市長陳毅每日都問有幾多空降兵
2個讚
做藍領有咩問題？
留喺香港一定做白領？
喺香港，俾你做到大公司高層，穩定收入，但問心香港人失去咗/將會失去嘅嘢，買得返？
如果錢係可以令到你甘心自我滅聲、自我審查嘅咪ok，留港或移民都需要取捨，只係個人覺得邊一樣緊要d。
係，好多人走咗要做藍領，但肯做就解決到生活需要，制度/法律亦人性化，只要兩公婆協調到，湊小朋友打理屋企唔使依賴任何人，香港雙職父母我諗99%都需要長老或工人幫手。
我唔需要小朋友長大有咩事業有成，呢個唔係我初心，我希望佢自由、平安，就算佢做老麥，照顧到自己生活我都滿足，但我睇到嘅係留喺香港，佢有幸畢業後唔知要死慳死抵幾多年先儲夠錢買縮水樓。如果佢讀唔成書，喺香港出路亦好窄。
以上只係個人分享，我揀咗走，就放棄咗香港嘅嘢，我兩公婆喺香港有樓、搵到食，但我選擇咗認為更加緊要嘅嘢。當然，各家庭決定有唔同嘅原因。
13個讚
咁對父母有問題，無論去邊個國家，都需要融入。大年紀過去一定無可能100%融入到，但連語言都唔嘗試去學，根本就唔專重人哋國家。掉返轉新移民嚟香港淨係講佢哋鄉下話、迫香港人煲東瓜，你自己都歧視呢d 人啦。要走嘅就唔好做呢d 人，但心態唔轉嘅真係唔適合移民。
1個讚
就算大家講廣東話、都可以有代溝關係差相對無言啦⋯⋯
我喺朋友圈比較早移民，某朋友成日話羨慕我喺外國生活，bno 5+1 即刻問我走唔走好。同佢傾落又講錢、又講驚無工人，我就婉轉地叫佢唔好走
香港仲有好多上一代係養兒防老唔想子孫走、我識幾pair 中年朋友都係糾纏中、呢方面仲無大陸人咁睇得開
公司只不過幫手申請H1b，抽3年，到期都未抽中就要離開美國，H1b好難抽中，最新17%中，其中70%又係印度人中，20%大陸人中，其他國家加埋先中咗10%左右。
2個讚