我知離題了，抱歉樓主。
小學嘅話係嘅，我仔就係咁。但中學無咁happy。
其實佢地都已經放棄學業，無論在港在英從未有過training，只需要佢地坐係學校。但最慘係呢樣都做唔到，阿仔朝早瞓唔起身，夜晚打機唔瞓，學校投訴佢哋唔返學。
就算千辛萬苦迫仔去到學校，仔最好嘅時候係瞓覺唔聽書，差上嚟就製造麻煩，和老師同學嘈交，甚至衝出學校，要老師捉佢哋返去。於是學校不停call父母，最後趕佢離校。
後來轉咗間學校比較明白情況，唔會迫個仔聽書，由佢上堂瞓覺，就無再嘈交，稍為好咗。
所以我勸佢哋，唔好要仔讀書，儘快推佢哋出去返工。唉，我講就易，佢哋都未必肯去返工…
然後係正常個仔，佢喺香港讀書交友完全正常，只係去咗英國先有問題。唔好話成績點，佢父母只係要求佢返學，但都搞唔掂，成個禮拜躲在自己房，唔同人講嘢。
我知道好多香港人仔女去到英國好順利，好似我就係。不過唔順利嘅人都係有唔少嘅 ，大家際遇不同吧了