其實你咁人身攻擊仲衰過我投訴間餐廳
我認自己唔會深黃到去邊都要search下藍店黃店，我亦講左之前唔知，依家知道都講左唔會再去
作為媽媽我會唔知邊度有危險嗎？
呢間餐廳我之前都推過bb車去，我上面都講左bb車只佔一個座位亦唔阻走廊，點解今次個職員攔住唔比我入，我唔可以投訴？
你話我發癲？你知唔知個職員惡過我大聲過我，所以我先咁嬲，如果佢好聲好氣咁講我一定接受
今時今日呢個世界邊個投訴都會比人覺得攪攪陣
1個讚
咁你應該投訴嘅係佢態度，但你以家係投訴左啲乜？
4個讚
樓主可以閃避同啞忍㗎，但佢選擇岀聲反映，令往後去餐廳嘅使用者得到方便
反思下先啦，個個小朋友都係媽咪瑰寶，但世界唔係圍住你位公主王子轉。
據理力爭你都要有理先得㗎，人哋policy係唔得，你仲拗乜嘢呢？
1個讚
樓主係另一間餐廳做到只佔用一個座位呀，所以呢間就係非不能也，實不為也
我正想咁講！人地態度差咪投訴態度囉，係咁講人唔俾架bb車入做乜。仲有另一個會員又係搞笑，係咁話幫其他bb爭取，咪玩喇，我都有2個b 俾著係我會覺得係影衰，一陣人地以為個個呀媽都咁老馮覺得自己有b大哂。
2個讚
笑左，你慢慢，我失陪
7個讚
係呀，仲話關於小朋友既事會好嬲…
認同你尼句, 我都好討厭討論當中夾雜D人生攻擊, 為鬧交多過為討論
下，我唔認為我咁講係人生攻擊緊佢
正如我之前講, 兩件事黎
佢覺得係就係㗎啦
我明你個point係推動親子友善餐廳嘅重要。
但大家嘅反應唔單係推動親子友善嘅餐廳；
更係樓主嘅態度。
樓主呻嘅原因係員工唔友善，
正常係同員工周旋問題，
而唔係直接越級叫經理出嚟。
無嘗試解決，而直接講一句：叫你經理出嚟，
咁請問係請經理解決問題定嘗試用顧客大晒嘅態度去處理事情？
如果連鎖快餐店嘅員工跟隨餐廳指引做唔到，
經理又可以做到嗎？
如果係用惡同客人至上心態，
請問在推動親子友善餐廳上有咩作用？
如果唔係靠惡，真心想反映同推動呢件事，
係咪一開始就直接心平氣和email總公司反映？
樓主到後尾都承認，
如果職員態度唔同，佢會接受，
咁又真係呻/叫經理嘅舉動係主要想「推動親子友善餐廳」嗎？
睇埋樓主之前嘅post，
都估到佢其中一面嘅為人同態度。
不敢苟同就不回應，亦免得加深佢認為自己無辜地被人生攻擊。
理解層主或者有所經歷同感受，
可以另行開post，
無謂把餐廳態度、個人情緒化回應同推動親子友善餐廳混為一談。
11個讚
都唔知喺度嘈乜
人哋又唔係歧視你個b
係唔俾推車入啫
你帶個揹帶咪得囉, bb車底個籃擺唔到咩?
上次得代表以後要得? 咩邏輯?
7個讚
咪係囉 真心唔需要佢幫我爭取 我都唔明點樣唔可以抱住黎食 同埋 果個咁偉大既會員想要爭取唔係網上講幾句就得架 你依家出去開間親子餐廳但係收茶餐廳價嘛 改變身體力行先得架
3個讚
慶幸呢度好多清醒嘅人
4個讚
呢度有好多人們係度集體批評一個提岀問題嘅人。無論佢係以咩態度提岀問題，都係踏出讓餐廳改善嘅一步。以前母乳餵哺，餐廳兒童椅，產假，侍產假，育嬰室，家庭洗手間等都係經歷投訴，反映，倡議，爭取先可以改善到嘅。如果大家認為所有呢啲嘢都係理所當然，大家可以google search 下係點樣有嘅。大家推車行過每一架升降機，斜台，設施，都係經人反映同建議改善，並非一朝一夕天跌落嚟，都係久經用家反映或投訴才設置的，亦有設施在社會的重要性。
一個提岀問題嘅人就係咁遭受各方謾罵，實在不利社會改進。
加油呀，期待你快d踏出第一步用實際行動去幫手爭取呀 
1個讚
睇吓人哋外國點講啦
Stroller 突出kick 親人倒寫hot coffee
Restaurant 怕俾人告呀
越來越多 no stroller policy
唔好咁自私啦! 淨係諗自己
你餐飯可以去第度食但想人就你 
同嗰啲喺條路個轉彎位泊低架車走咗人
跟住巴士過唔到塞死後面，呠足幾分鐘先出現嗰啲人同一個level 呀!
係呀，因為佢哋淨係諗到自己方便，冇諗過條路仲有巴士要用
5個讚
所以我咪問樓主既期望係咩囉？
係咪同經理講一番大道理就走人先？