有無準備升中家長?一齊圍爐取暖

多謝你的分享
令我跳出框框,知道多了兩間中學

等我上網了解下林大輝同德信先:smiling_face_with_three_hearts:

1個讚

囡囡間小學英文程度太淺,學校唔注重英文呢科,但中文卷超深,差唔多係人哋學校嘅F1/2卷喇。我去咗 Maryknoll 同 St. Mary’s 度交自行表

小朋友係B1,一直以來都係比較懶散,要督促先會KEEP到成績

依家小朋友日日打機,聖誕後考試期間,最長用手機時間係12個鐘,我出聲話唔可以咁樣,要減少佢用手機時間,但無人理我,搞到好似係我嘅問題,令到一家關係變差。(提議用APP控制手機使用時間;改屋企WIFI PW等佢用晒數據;SET WIFI使用時間等等,但無人覺得需要做嘢)

我主張好似小學咁樣督促唔係好易學壞,但老公話小朋友反叛期,主張無為而治,等佢大啲自然會識諗。

呢幾日放新年假,小朋友襯我哋瞓咗就閂埋門摸黑打機,一日24小時,掂住手機時間>18個鐘。

因為打機問題我同小朋友關係好差,佢會因為我主張控制手機使用時間而對我惡言相向。我同小朋友/ 老公講過好多次,最憎人用粗鄙說話同我講嘢,但我無見小朋友有改善,反而越來越差,小朋友依家甚至用粗鄙說話鬧細佬。我同老公反映不滿,但佢唔覺得有問題,甚至話個個仔都係咁樣,係我要求高。我感到同佢溝通唔到,有諗過離家出走,甚至離婚。

1個讚

姐妹抱抱:people_hugging:
我地不孤單
緊張升中好似得父母,最唔著緊係佢地
趁未升中,仲有得管教
上到中學真係越難越難教
我同小朋友訂好時間表
幾時做功課幾時打機
雖然跟唔到幾多
但至少係會有坐低對住課本的時候
有啲小朋友天生聰明,溫幾日就攞滿分
可能就係你小朋友
但我小朋友唔係叻過人,我又無乜心力
所以一直話佢知對自己成績負責

1個讚

哥哥好容易受人影響,亦好容易相信人,唔會懷疑人哋係咪吹牛。
我同佢講,唔係要名列前芧,只要科科合格 (班主任話唔合格會留班)
細佬同哥哥一樣都係馬馬虎虎貪玩,但佢明白讀書係負責;明白爸媽愛兩兄弟,就算發脾氣亦絶不會對家人惡言相向。

前排去睇中醫,醫師把脈後問我係咪好大壓力,果吓真係好想喊。

1個讚

照顧好自己先,你冧咗點睇住個仔

1個讚

我係覺得小朋友學野喜歡投入度很重要,小學英文什樣才叫深與淺?喺我認知,一般既中文小學英文都係差唔多,所以小朋友於小一,我都比小朋友在英國文化協會參與某些玩樂課程幾年,享受正統既英文,每星期六下午參與一至二個小時,在外內觀都似英文語境範圍下感受英文,我覺得對小朋友入了這間全英中學冇問題也有一定因素. 中文科想要好,其實深淺也不是重點,也是開始所講,喜愛投入係好大因素.

更何況小朋友到了中學反叛期更強更自主,隨時受同學影響,小學越強制中學更容易越表現不好態度出來.

若是小朋友選這兩間都係鐘意就冇所謂,希望也可以順利入到其中一間.

1個讚