家用問題

家事討論
21

我諗兩個對對方既expectation都有出入

1個讚
22

唔係男或女應該比家用，係你真係冇錢使，冇工開，佢應該照顧你，你冇工作佢仲要你比返租金同水電煤，伸返去佢阿媽度叫佢阿媽湊佢

我老公都試過冇嘢做幾個月，我叫佢唔好擔心，慢慢搵，供樓我嚟，如果佢供車同屋企嘢冇錢喺我戶口攞，佢好好搵嘢做

重點唔係邊個比家用，係婚姻包括照顧

樓主老公一邊話要人養唔好搵佢，但做家務又要個老婆做，死咗去啦不如。我會一句回佢：要人做好家務都唔好搵我

24個讚
23

總之婚姻咁多計算都好辛苦

24

根本唔係家用問題

25

中肯啲講，你地兩公婆都有唔岩。:sweat_smile::sweat_smile:
如果你知道老公無錢，不會俾多餘錢你，
而自己又無儲蓄，更加要返工，不可能沒有收入。

結左婚就係雙方嘅事，如果我老公搞唔掂，
我會主動幫佢，而唔係要求啲佢做唔到嘅野。
我真係識好多女士揾錢仲多過個老公。:face_with_hand_over_mouth::face_with_hand_over_mouth:
你想多啲錢用，可以要求自己點樣揾多啲。
你老公未必唔想揾多啲錢，可能真係揾唔到甘多。

家務個啲反而好小事，大家分工合作，好好傾下。:slightly_smiling_face::slightly_smiling_face:
你地無小朋友，煩小好多野，更加容易解決。加油！:muscle:t2::muscle:t2:

14個讚
26

認同，依家好多女士都揾得多過老公，
女士反而付出得更加多，真係不能比較。
兩公婆分配同溝通好就可以。:slightly_smiling_face:
我同老公係輪住，收入唔係每個月一樣，
老公揾得多就老公負責多啲，
到我揾得多啲就我負責多啲，共同分配。:+1:t2::+1:t2:
當然，最重要係一定要有儲蓄，以備不時之需。:muscle:t2::muscle:t2:

3個讚
27

講真，而家樓主老公就算比家用，當佢阿3又願意咩

28

是！雙方都有問題，大家都想對方付出多啲。

樓主應該交代下佢老公揾幾多錢，點分配啲錢。
如果樓主老公收埋啲錢，扮無錢就唔同講法。:face_with_hand_over_mouth::face_with_hand_over_mouth:

不過如果我係樓主，就唔會靠依個男人，靠自己算。

一個男人婚前已經話唔會養自己，真係好計較。
如果有小朋友係咪唔會養小朋友？點解要結婚。:sweat_smile::sweat_smile:

3個讚
29

樓主係冇嘢做冇錢想老公比啲錢，我又覺得冇乜嘢，除非樓主係想攞啲錢fing呀花費，咁又唔好。

如果啲錢放返喺頭家度，老公比都好正常

失業都咁對老婆，第時有病有痛叫佢攞錢醫咪仆街？

btw我同老公講咗邊個有病要攞有限錢出嚟醫，唔好傾家蕩產。大家講明好啲

6個讚
30

無小朋友，租金水電煤又唔係你比的話，咁你要嘅係零用，唔係家用wor。

7個讚
31

好喇咁如果樓主暫時真係連基本生活費都冇，個老公係咪咁絕一啲都唔比錢老婆使先？

32

樓主點都要去返工，儲多個錢旁身。做女人唔可以冇儲蓄。

你老公一直以嚟係咪都已經負責屋企租金（或供樓），水電煤雜費？如果係咁，其實佢都已經好好。佢之前都冇同你計，冇叫你share。

我有d明白你老公點解會講d唔好聽嘅說話，因為放工返嚟都攰，仲要做一堆家務，當然呢個都可能係佢潔癖問題，亦因為佢覺得自己又要返工，又要做家務，仲要老婆問拎錢，佢係覺得老婆咩都唔做，所以火都嚟。

但你之前有返工嘅日子， 你老公冇出聲？？因為佢都覺得大家有返工，家務一齊做，而呢個都係你可以聲大少少嘅，當佢出聲話你d家務做唔好時，你都可以話你要返工都好攰，而家個清潔程度可以接受，如果佢唔滿意就自己做，同當2個人都有返工，屋企嘅野係要分擔，2個都要做。呢d要傾下。

咁都要睇下你老公搵幾多，可能佢喺金錢上都有壓力，2公婆，有咩問題拎出嚟傾。

最後，我自己覺得你地唔好生小朋友:see_no_evil:到時一定成日嘈。

5個讚
33

其實如果返份文職都俾人抄，有無諗過自己咩問題？
無小朋友，係屋企咩家務都無做，咁係屋企做咩？
唔知你老公財務係點，但一個家庭，以你所講，你真係無咩付出過，講衰D，請個工人都叫有人做家務啦

10個讚
34

笑

35

其實我睇完第一段都有少少呆左
番一星期已被炒?
有d 咩原因公司要咁急炒新人?

事源半年或以上無返工
因為之前返工辛苦

我都明白錯重點
但係呢兩句個感覺似因為之前番工太辛苦所以我半年都唔想做野?
樓主介唔介意講下
係咪身體問題需要休養?
同埋你之前做果行係咪呢半年好難搵工?

2個讚
36

樓主 屋企既開支係咪你老公出晒 如果係 點解你可以唔做半年野就會無晒錢呢 又或者你明知自己無乜錢 又點解可以半年都唔去返工搵錢呢

仲有我覺得你好多觀念都好有問題 上個post又話你老公個啊媽搶咗你老公 呢個post又話覺得男人要比晒家用/養你

雖然上面好多會員鬧你老公 但係我相信係你老公口中應該會有另一個故事

15個讚
37

之前唔係做開文職 唔係齋打字嗰啲呀
要用腦諗嘢既工
咁畀人炒咗都唔冇辦法啦 仲可以點. .

你話我係我問題 搵錯工種
其實之前我都畀咗兩個月租畀我老公
再之前 都係難搵工
而且都係諗住休息一下
之前返工都太辛苦輪shift
咁我純粹都係想搵我老公攞啲家用
佢自己都有份食唔係問佢攞一千幾百咋喎
攞幾舊水用啫

之前返工佢都會有講我收工後都有做家務
有時我都會煮飯 不過其他嘢就冇做囉
等放平日或者會抹下地下
因為佢成日話我屋企好多塵

38

係…之前我係唔鍾意佢呀媽 搶走我老公
嗰件事我都已經擺埋咗一邊 …
係啦都係知道自己返工自己洗…
都知道話唔可以成日靠老公
家務嘅問題其實都係佢唔滿意 唔夠乾淨
唔係我冇做到…
我純粹想呻下睇下大家嘅家用佢點樣分配姐

39

的確係
結得婚就有責任照顧另一半

但我覺得樓主老公叫樓主俾番晒水電煤租可能係一時意氣

原因可能係(純粹我估):

  1. 老婆呢半年無做野但係分擔既家務同之前老婆有番工時相若
  2. 老公心諗我番工都夠辛苦, 你d 衫無摺好我都自己摺番啦, 床單又無換, 宜家你仲同我講「家用」? 咁不如我又同你攤分其他家庭開支啦
  3. 老公心諗我番去照顧我媽你又有意見?? 我媽即係你奶奶, 我都無要求你照顧佢啦, 我又要番工又要照顧我媽心很累 (根據樓主上個post, 老公係諗過婚後搬番去媽媽度住照顧佢, 但係樓主唔想同奶奶同住, 於是老公就自己多d 上去阿媽度)

同感

7個讚
40

分享下，我同太太係有聯名戶口，大家一齊入錢落去。屋企開支用聯名戶口d錢咁。比例就視乎大家能力啦～ 有張八達通用黎買屋企野。

1個讚