好有誠意的午餐，鮮茄粟米粒燴長通粉，香煎豬排，香甜牛油焗貝貝南瓜，加埋荷蘭荳同蕃茄仔。考試前最後一個lunch box喇！不求你成績是否亮眼，只想你有認真努力，大個喇，俾心機。I LOVE YOU
4個讚
我成日都想釀雞翼，但我女唔食得菇
見你釀蘋果都係一個好主意
請問有冇食譜
釀雞翼…… 你真係好有心機呀鏗媽
我無特別食譜呀！
雞中翼去骨後用糖，胡椒粉，少少蠔油，老抽，少少生粉醃佢2個鐘，之後將去皮去核的蘋果切條釀入去。我用氣炸鍋煮的，180度，先焗7，8分鐘，掃蒜蓉蜜糖，焗多2分鐘轉另一面，再掃蒜蓉蜜糖再焗幾分鐘就出爐，睇爐溫決定。通常最尾2，3分鐘我開200度焗的。
其實釀甘筍條，西芹條都ok。
我見有食譜釀荔枝，我覺得都唔錯呀！咬落會爆汁
同埋我仔鍾意釀芝士！
2個讚
我有時間嘛
釀蘋果食落無咁膩，酸酸甜甜的。但記得要用爽脆的。
我家冇氣炸鍋
請問如果用蒸或煎，蘋果會唔會出水？
煎會比較好，煎的話醃時加少少蒜蓉，到差不多熟透就可以落蜜糖。
1個讚
唔駛外送都要煮lunch,少爺指定包餃子。
芝士粟米雞肉餃，九菜豬肉餃。
新鮮粟米 慢慢搣，特別爽甜。2款芝士，唔太濃味但都食到芝士味。雞脾肉起皮整免治，塊皮氣炸完卜卜脆拌拉麵食
九菜餃一如既往，香口
2個讚
嘩，自己包仲要煎得咁靚 
包餃子唔難呀～餡料又可以多變化，唔錯㗎！
1個讚