篇報導話東方昇講得好激動
佢哋係咪平時冇睇國家級任務，佢平時講「大家好呀」都噴晒口水咁 
不過佢今次講得好認真mode 係真嘅
而且唔算係串，佢冇恥笑嗰個性質
2個讚
有時都好為難，人哋問到近況，答正常嘢啫：兩個人住八百呎，唔係晒命，係啲盤基本係咁大，唔會好似香港咁五百呎可以𠝹三間房出嚟
問平時食乜，我話自己煮，好彩啲肉好平，$40有塊肉眼扒，$3有一包意粉，$7有一大條麵包
呢啲全部係事實，係好彩有得走，我自己真係唔會開心咁走，有邊個想香港搞成咁？如果咁都玻璃我夠羨慕人哋留喺香港搵幾萬一個月啦，呢邊平均個個萬幾
咁其實可以點答？話喺呢邊乞食？攞UC?
5個讚
隔離飯香、你睇我好我睇你好嘅心態
有啲心理唔健康嘅，就會覺得我自己唔好，所以唔想你好
唯有一笑置之
1個讚
如果係我的話我最怕講起前景同小朋友問題。
講真呢啲煮嘢食，住屋環境，其實西方國家好common，當然我會羨慕嘅，但我覺得呢啲都唔係最入肉的問題。
如果你真係feel 到有朋友妒忌或者唔鍾意你講呢啲好處，最多講下啲「衰嘢」平衡下，例如交通唔方便，稅貴etc。 又唔係真係要「唱衰」自己嘅，不過朋友聽到個心就冇咁容易「唔平衡」。我都好認同有啲係會玻璃心，我都會，尤其自己走唔到，都會個人好敏感。
唔知你係齋呻定係真係想求建議，唔知我有冇認真咗 
3個讚
我總結自己：日子過得好，不代表心情好，國破家亡感受仍深。更加唔好講擔心親朋
有時午夜夢迥都會悵惘將來日子唔知點算
好掛住香港黃店，手足，泛民，浪浪, etc。好內疚走，好想快啲返
1個讚
大把四個字：冇啖好食
我身邊問題唔嚴重，但睇睇下我真係要小心啲人玻璃心
其實d人有冇成條片睇哂架，完全唔覺得佢係激動。
事實係每個國家都有好同壞，我覺得佢係講緊班淨係盲目唱好完全唔提壞處既個班人。
2個讚
一到冬天我一定會大呻特呻，又凍電費又貴
其實好擔心㗎
我唔知佢係心理覺得好食定真心好食，頂唔順！
你見我都已經成日呻
1個讚
好多人都仲有好多親戚朋友在港、點會想香港死呢、但睇得灰係事實、唔係都無bno visa 啦
3個讚
有會員話情願置於死地而後生嘛，咁我咪覆佢仲留既香港既人/走唔到既人就應該唔係咁諗。
仲有"而後生"都算好，點知係咪一直死落去架。
Goodbye HK Hello Billy寫得好：
《真雙城記》
在香港最好與最壞的時代，我們正經歷著一個個的雙城故事。已經出走英倫的，可能正在思念香港的親友。先安排子女留學的，正經歷骨肉分離之苦。仍留守香港的，有的就在積極安排當中，又或像我一樣，在預演著兩地奔波的日子，只待適當的時機來臨。不過，更多的是寧願選擇留下。要走的留不住；要留的叫不走。你有你的追求；他有他的需求。誰都不比誰有更多的愁⋯⋯
過去幾天，我一直在分享著一些「難聽的真話」，目的就是要面對真相。經過言辭修飾和文筆潤澤的，就不叫真相。血淋淋、真實而醜陋的才叫做真相。當你決定要移民英國，你要知道你為的是一口自由的空氣，而不是幻想從此走入一個人人平等、機會處處的大同世界——「新耶路撒冷」。
當你沉浸在深厚的歷史、文化、藝術和文學之中，享受著健全的政制和法治之時，也要承受長久以來的階級主義，地區性和階級性資源分配不均，社會不公義，缺乏流動性等全球性問題。還有在疫情下，激化的失業、就業不足，年輕人上車無望等民生問題。
當你選擇留在香港，或可以保住你現有的一切，但也要擁抱一個新時代，適應新環境下的空氣，和學會欣賞大灣的風情。不管你選擇英倫，抑或眷戀香港。在你的雙城故事中，你會得到這個時代的最好與最壞。英倫不必恥笑香港的最壞；香港也毋須詆毀英倫的最好。每個地方都會創造更多的最好，去掩蓋更壞的最壞！
我們正身處最好與最壞的時代，在智慧和愚昧之間；經歷信念和懷疑的時代；光明和黑暗的季節；希望之春與絕望之冬。曾經擁有一切或一無所有；最後都直登天堂或直達地獄。這就雙城故事永恆存在的因由。
掙扎於善良與邪惡的裂縫之間，在雙城記的比較之下，善惡到頭終究是一場選擇⋯⋯
#最好與最壞
#沒有最壞只有更壞
#人生最高級別的選擇
英倫與香港各有各的雙城故事⋯⋯
4個讚
其實歸咎一切都係因為政治嘅醜惡。
香港搞成咁好明顯係政治問題，如果時光可以倒流，回到以前大市場小政府年代，大家搵到食，安心生活，冇人會想移民；英國今日嘅社會問題，更加係政治問題，我地做小市民只可以搵個安身立命之處好好生活
2個讚
我唔知係咪過份樂觀，終有一日我覺得情況會好轉，唔會長期咁低氣壓，然後我會見到好多重聚故事
我自己暫時心意係想返香港貢獻，幾年後見返啲親戚朋友街坊，不亦樂乎
1個讚
現實係而家香港已經千瘡百孔，問題多到數唔曬，人材流失有眼見。有計劃遲幾年先走/賺多幾年錢，主觀願望當然唔想而家香港就死。一日仲玩緊鎖國封關，一日都見唔到盡頭。
唔好忘記今日走得輕鬆係用幾多人嘅犧牲換返嚟，自問唔可以扮無事發生過生活，因為而家所謂嘅正常其實唔再正常，走唔到唔代表要習慣同合理化所有事情。
我都好想香港變返以前咁，但要接受失去嘅嘢唔係咁易可以重新擁有返
8個讚
令留港香港人同移英香港人越走越遠嘅係留港香港人唔再講政治
其實唔至於提嘅空間都冇，因為重有好多香港 youtuber 都講緊，如果牆內人作出選擇唔再提。牆外人亦好難有作為。咁大家唯有各有各繼續生活
好似之前嘅內地人同香港人咁
2個讚
其實我都希望佢地唔好提咁多，人平安最重要，如果係朋友嘅，大家會明
6個讚
唔係指走上街抗議或周圍大聲講，但我發現好多人就算朋友圈內都唔提。whatsapp 講都冇人應了
可能覺得再出聲都無用、都係風花雪月講下mirror 算、有留低既朋友講過希望走左既可以出多啲聲、但其實好難、大家都係要各自努力適應新生活吧。
2個讚