嘉享灣嘅露台令我心跳加速，無安全感。
我愛坪洲
1個讚
原本係咁、我反而係因為個露台及主人房海景浴缸而揀. 不過最喜歡仍然係大坑名門、感覺可以掂到d 雲咁。
你喜歡向高發展，
我就畏高。
係車程遠
香港空氣差，有露台都唔係好
你講咩車程遠？
無上文，我跟唔到你⋯⋯
行出一個係五十樓嘅玻璃露台，
就算啟德郵輪碼頭海景，個心都離一離，真係怯⋯⋯
我意思係如果在市區返工，車程會比較遠，sorry跳咗好鬼遠
都係呀好驚下
以前住過翔龍灣極高層向海單位，好記得八號風球露台隻門鎖唔實，全個廳啲野比風扯出去，個仔嗰時剛剛識行，勁驚啲風扯埋個仔。
驚到唔理個廳飛左幾多野落街，攬住個仔衝入房。
2個讚
我唔想太高 
touch wood 走火警未行到落地下就已經行樓梯行到魂飛魄散。唔好彩，住屋同住酒店都試過火警響，2 次黎真，2 次誤鳴，落樓梯落到我腳軟！
1個讚
好驚嚇，請問最後點？
放低個仔係房，再出廳拉返度門。
飛左好多細細件玩具，信，連個保溫杯都飛走埋。
答返樓主鍾意住咩屋，我其實幾鍾意而家住嗰度，Apartment 地下單位連花園對泳池，.近地鐵。
因為新加坡屋苑會所去泳池游水做Gym 全部唔洗比錢同登記，真係可以係花園直接跳入水，加上屋苑人流唔多，感覺都幾似度假酒店。
朝早對住泳池食早餐，夜晚可以係花園BBQ 都ok 㗎。
1個讚
唔好話火燭，
我就試過放工停電，
50層行樓梯，腳都軟埋
最慘係⋯⋯落到街先有翻電
（話時話，依家啲消防車啲雲梯好似去到10幾樓咋)
矮又會有蚊
好似玩野咁
1個讚
我又係住得高同空曠，又對住個海，每次打風，我都好擔心。
我有次係 cheap cheap 3 星級酒店 14 日隔離，朝早六點幾響警鐘，嚇到衫都冇換就落樓梯。隔離好多日都冇得運動，突然要落十幾層樓梯，仲要未訓醒。攞到三樓居然後樓梯門係鎖左！！！落到去嗰陣已經停鐘咁我搏下就搭 lift，落到大堂問先知原來係誤鳴 
行到腳軟，返到酒店房隻腳震，然後痛左兩日。
我就同自己講絕對唔可以住太高。
不過你慘好多，50 層 
我會崩潰。如果真係有火警要撤離之類都唔知留低等消防救定係行樓梯。
另外一樣嘢我諗過就係住太高有強颱風嗰陣，冇嘢擋嘅話棟樓會搖同有機會爆窗，冇事都嚇餐死。
1個讚
你講起，我又想返當年住銅鑼灣近海有露台嘅單位，
每次打風，出面常常都吹啲你估唔到嘅嘢，
有次樓上跌咗好大件白物體落街，
佢可能放咗 膠椅 喺露台嗰度，
大風吹，膠椅又輕，咁就⋯⋯
1個讚