希望佢地可以練下唱歌和跳舞
我自己就唔想魯生落台，如果要贖罪，不如諗下點樣補救同做得更好。魯生如果走，我覺得Mirror 都會散/
呢個非常需要，同希望佢地可以揀啲質素高啲既團歌，最近呢幾隻都馬馬地，寧願唱返一兩隻入腦又易入口既
2個讚
好多鏡粉話欣賞魯生平日出post嗰啲感性千字文，但其實我一向覺得佢啲post太過矯情，好有為自己喑加光環上身的感覺
佢會唔會辭職唔係咁重要，最重要係日後管理Mirror的決策者的態度和方向。如果公司過完冷河後繼續好似之前咁運作，Mirror都唔會行得遠。希望公司唔好浪費了自己親手發崛出來的鏡仔
9個讚
之前小超講到明鏡仔係「收成期」，我諗從day 1 開始，公司既心態就係用最少資源，培育最賺錢既偶像，短時間渣乾渣盡。從花姐訪問不時提及：「你唔知道出年Mirror 仲會唔會紅。」就可看到端倪。
相信公司無諗過Mirror 咁紅，紅到成為一個現象級既程度，近年既感覺係Mirror 既紅，係超越左管理層既管理能力。呢個意外正好令近年不斷向前衝既團隊被迫停下來，可以有一個喘息同反思既機會。
相信如果12個子企得返起身，經過呢個人生歷練，表演一定會更精彩好睇，可以走到更遠。（團隊一定要有默契同團魂先吸引人，佢地之前確實唔夠團結）。但公司配唔配合到鏡仔既發展一齊進步，我會抱有好大疑問，始終，佢地個大老闆叫：李x街！
1個讚
係呀，我都唔鍾意睇魯生既文，佢d寫作style 唔太岩我，有屁就放啦男人老狗好婆媽。貪可以peek 下內幕野先睇。
我亦唔想mirror無左佢，或者無左花姐就散。好多歌星都會換唱片公司換經理人，成日stay係個comfort zone 都有礙發展，更何況呢2位係發掘佢地出黎造星既人，但佢地都無manage stars 既經驗，唔希望mirror咁經不起考驗，無左某人就唔得咁脆弱。
只有呢12子係唔可以散，多謝。
3個讚
係呀，你話係咪回力槍呢？一講完就出事，收成得咁口爽呀啦。
諗返以前d大星，say 4大天王，幾紅都無人敢講收成期、賺夠啦。
5個讚
無嘅，班鏡仔未必造到自己想造嘅音樂啫，12個完約咪淨係要返所謂紅嗰幾個囉。
你覺得係comfort zone，但單飛嘅個個都各有特色，有幾多經理人、公司肯放手俾姜濤唱Master class 鏡中鏡，而唔係要佢首首都唱亞特蘭提斯，姜濤講過花姐俾佢造兩首佢想造嘅，第三首要公司話事，但最後都係俾佢造咗作品的說話。
之前有個音樂人定樂評人話，佢地公司嘅放手某程度係等於放養，幸好solo嘅隊員都對音樂有觸覺，有自己相熟的班底，solo的好成績(尤其Jer同姜濤)，公司係叨光，有點坐享其成
4個讚
竟然？！無聽過呢個講法，有無多d source?
唔記得咗係幾時同係邊度睇到，如果係story有限時就未必再search到了
佢哋同公司關係點，根本外人唔會知。就算係鏡粉，都係透過佢哋訪問先知道。係Jer 同姜濤fans 更加聽得出佢哋有幾感激。
我又唔會咁諗，反而唔紅個幾個會唔會終於遇上佰樂，令spotlight 終於打係佢地身上呢？呢家自己人爭資源，爭排隊出歌，轉個環境未必唔好。
而且，聽話先有歌出都唔係新鮮事。但出面唔止出一首半首歌，係可以出一隻有自己concept ge碟，仲吸引啦。
其實間公司係好邊個想轉jie.
出面唔使爭咩？
環球簽咗咁多人，一樣俾人鬧佢哋唔放資源去邊個邊個到。
鏡裡面唔係個個想solo 唱歌，Stanley 已經講咗想做演員。
不如咁講，其實班鏡仔想唔想繼續留喺呢間公司、花姐佢哋最清楚，點輪到我哋話點決定係好定唔好？
5個讚
同意，幾個solo排晒係同一個月出歌，自己人打自己人，已站定腳最紅嗰幾個少d影響，但剛起步嗰啲好受影響，邊夠爭attention
雖然我最鍾意嗰個仔冇太受影響，但我覺得呢個安排其實真係好有問題。如果真團粉唔會願見其他隊員一直等唔到機會上
3個讚
真團粉係咩定義？
其他人未ready，得罪講句你叫Frankie 出solo 佢都未得啦！
1個讚
exactly, 已經諗到係邊個。
時也命也，舊年新人同今年新人行既路都好唔同
4個讚
絕對同意
1個讚
我睇到佢意思應該係話同一個月出歌呢個安排唔好，對剛出solo嘅會唔夠爭attention, 佢冇話要個個都出solo
希望呢度唔好變成舌劍場，請理性討論
5個讚
我咁講係因為上面有人講唔紅嗰幾個要spotlight。
講出歌安排，點排都俾人鬧，follow mirror page 亦有好多鏡粉好開心個個星期有新歌聽。
呢兩年睇到嘅係Ian 出歌俾人鬧佢花姐契仔，姜濤出歌俾人鬧唔放資源去宣傳，到Ian 出歌又到unicorn 鬧。其實鏡圈裡面真係好嘈，做乜都滿足唔到咁多人。
我亦試過攞佢哋嘅訪問出嚟理性討論，結果咪俾人話我奇怪，好多人只堅持自己睇到嘅嘢，甚至唔理班鏡仔講過咩嘢。
2個讚