多謝咁多位既意見同分享你地既諗法
其實我明白我老公既難處。佢有經濟壓力，香港供緊樓，爸爸媽媽退左休，但我老爺呢排又去做part time，唔知究竟係退休覺得無聊定係經濟有壓力，當然呢個疑問都冇得深究，但心理壓力會有的。所以佢依家搵唔夠香港多錢，或者冇辦法即刻搵到好似係香港搵到既數目，佢都係難既，我明。
返工度，佢想做既唔係減肥既gym，佢係想做一個運動club。疫情前我有聽佢講過，但當然疫情下做唔到，不過依家佢啲partner好似已去到有floor plan 準備開既狀態。除左搵錢、做自己鍾意既野之外，我諗佢更放唔低既係一份唔甘心，一份未試過、諗左咁耐但參與唔到埋門一腳既唔甘心。所以學你地話齋，我都明如果我堅持唔係佢走，呢一份唔甘心係一世既。所以其實我都冇得揀。
佢本身係一個游水既運動員，由細到大都係做運動搞運動既人。所以講真，要佢係美國轉型我自己都未諗到可以做咩好。我唔係呢個圈子既人，我係美國冇呢種經驗或人脈。如果一直要做自己唔鍾意或冇興趣既工作，都真係好難捱。你地有咩好提議？
都多謝你地既鼓勵，我地呢兩日有好坦白地傾。我地以唔離婚、以後會一齊生活為前提，決定左俾佢返香港試一年。當係俾佢一個追夢既機會又好，當係等佢整理好香港既野同做好移民既心理準備又好，我覺得都未嘗不可。依家佢講既係，一年後無論成功與否都返美國。我聽到都鄧佢有少少慘，好似都好無奈咁。但講真，如果佢到時好成功，搵到好多錢既，我都會鄧佢開心，可能都可以返香港呢。我係鍾意香港呢個地方的。
至於有啲人問冇傾清楚係邊生活點解會結婚，因為由頭到尾都覺得⋯⋯「啊，如果呢世同呢個人一齊過都真係幾好。」
21個讚
Whattodo:
試一年
以佢想做既野黎講，一年時間太短喇。
anyway，唔好意思，放左負。
5個讚
樓主你屋企人係咪仲喺香港？
其實你呢個決定啱，大家比一年時間去追求自己想做嘅嘢。又或者一年後你亦有不一樣諗法未定。佢既然曾經可以放棄一切去美國與你一起，你又何嘗不可以放下美國，來香港開展新生活？我相信以你條件，感該不難找到好工作，比他在美國生存易啲。大前題係大家有幾愛對方，自然有方法解決。我自己亦香港加拿大兩邊走去維持緊婚姻，不覺巳3年。不過想講，心底下這不是長遠做法，一定要有共識可以這樣生活幾耐，有個日期，你會到將來同計畫好。祝你兩能走出自己嘅人生路！
點解你都要加拿大香港兩邊走？你係男人定女人？有冇咩貼士可以分享？
我屋企人全部都係美國了，但老公果邊既屋企人就全部係香港。
其實呢d 野我會覺得分開咪分開
伴侶要有精神共鳴，都要有 geographic proximity 同physical intimacy
4個讚
一年時間太短。
同意樓上有網友講，如果佢真係以為1年可以搞掂晒啲嘢，咁佢真係唔係做生意嘅材料。
你自細已移民美國，都習慣嗰邊生活，你都講明生小朋友嘅話一定會留在美國。
相信樓主應該好後生。
放生對方唔好浪費時間較實際。
1個讚
雖然你啱，不過呢個決定都係好。
如果老公生意失敗返美國，問題就解決。咁就諗少樣嘢。
如果老公生意成功，唔想返美國，樓主就再揀去香港定離婚。
同埋俾一年時間大家分開下再諗下。說不定有外遇，問題無咗
我好明顯係女啦！哈！
但即使這樣，覺得感情真的不易維繫。有可能最好吾好咁試練大家既感情，因任何感情都不是我們諗得咁堅固。
好似開始時，自己覺得很多事都難以應付，但原來人係會長大，會因環境而改變。很多以前不懂做，或倚賴人做既野，原來我一個都能搞掂。現在當然仍然繼續每年走同去，我開始覺有時feel 到獨處都可以幾自在。呢樣先令我有點震驚。不過亦令我如果第時有咩事發生，我都會欣然接受，吾會覺得難面對。
9個讚
兩人相愛亦互相認定要努力解決分歧，不要輕易分開
1個讚
